Levítico 19:13 - Bible in Tzotzil de Chamula

¹³ “Mu xapas ti cajal ta xavac' aba ta yilbajinel ti achi'ile. Mi ja'uc xapojbe ti c'usi ja' yu'une. “Mu me yanuc to c'ac'al xatoj ti j'abtele ti xu' no'ox ta xava'i ti achabiojbe ti stojole.

Bible in Tzotzil de Chenalhó with Deuterocanon

¹³ “Mu me toj simaronuc xapas abaic ta stojol achi'ilic; mu me xapojbeic c'usi oy yu'un. “Mu me xamacbeic stojol aviniquic yu'un ta yoc'omal to chavac'beic.

Levítico 19:13 Iomraidhean Croise

Job 17:5

Xnich'nab ti buch'uuc no'oxe, ta xlic ya'iic vocol vi'nal, yu'un ta matanal no'ox ta xlic spaybe sc'oplal ti buch'u lec xil sbaic xchi'uque.

Job 31:39

Mi oy buch'u laj quelc'anbe ti c'usi xloc' x'ayan yu'unique, mi laj quilbe svocolic ti buch'utic ta x'abtejic ta osile,

Job 7:2

co'ol s'elan jun mosovil ti sjic' xa yo'nton ta xcux ya'i ta queove, co'ol s'elan jun jsa'tojel ti batem xa yo'nton smalaoj ti stojole.

Éxodo 20:15

“Mu xa'elc'aj.

Éxodo 22:13

Yan ti mi laj ta ti'el ta jti'oval chon ti chon bolome, tsots sc'oplal ta xich' aq'uel ta ilel ti scomelale. Ja' to jech mu xich' tojel.

Éxodo 22:15

Yan ti mi yiloj ti yajvale, mu'yuc c'usi ta stoj jts'ujuc. Mi yu'un loc'bil ti chon bolome, ja' no'ox ta stoj ti sloc'obile.

Éxodo 22:21

“Mu xavilbajin ta yutilanel ti jyanlumetique, yu'un jyanlum la'ech'ic ta Egipto ec.

Éxodo 22:7

“Mi oy buch'u ta spat yo'nton ta stojol xchi'il ti ja' xu' ta xbat yac'be sventain ti staq'uine, mi ja' ti c'usitic oy yu'un ti toyol stojole, ja' no'ox un, mi oy c'uxi elc'anbat loq'uel ta sna ti buch'u sbainoje, jech ti j'eleq'ue, tsots sc'oplal x'ech' to o'lol ta stoj mi laj yich' taele.

Proverbios 20:10

Cha'tos ma' ti xi s'elan mu lecuc ta sq'uel ti Diose: ti mu ts'acaluc ti ta yalal ta xich' bisele, ti mu ts'acaluc ti ta jaxbil ta xich' bisele.

Proverbios 22:22

Mu xavilbe svocol ta yilbajinel ti buch'u me'un mu'nat ta scoj ti sme'unale; mu xavic' ta stojol jchapanvanejetic ti buch'u mu'yuc c'usi xut sbae.

Proverbios 3:28

Ti coltaele, mu xacomtsan ta yoc'omal c'alal stac' xapas ti c'ac'al tana li'e.

Jeremías 22:13

Xi ta xal ti Diose: “Mu xa ono'ox cha'belucot un, ti naca ta chopol ta ilbajinvanej xana' ti c'alal lic meltsajuc ti mu albajuc yutsil ti muc' ta na avu'une, xchi'uc ti oy ta xcha'cajale, ti jeche' ech' svocolic avu'un ti abteletique, ti mu'yuc jutebuc laj atojbe ti sc'ac'alique.

Jeremías 22:3

Li' ti bu nacaloxuque, liquesic ta yabtelanel ti pojele, ti c'usi lec ta pasele. Tic'o abaic ta spojel ti buch'u ilbajinbilic yu'un ti j'ilbajinvaneje. Mu xavilbajinic ti nijil ta xcom ta q'uexlal avu'unic ti jyanlumetique, ti buch'u mu'yuc buch'u x'ayan yu'unique, xchi'uc ti me'unal antsetique. Mu xamilic ti buch'u jeche' cuch c'op no'ox ta stae.

Ezequiel 18:7

Mi junuc oy buch'u ta xilbe svocol. Ti c'usi yich'oj ta rental ti buch'u oy yil yu'une, ta sutesbe. Mi junuc oy buch'u ta xelc'an. Xt'olbij ta yac'bel sve'el ti buch'u ta xa'i vi'nale. Ta sc'u'iltas ti buch'u ch'abal yu'une.

Ezequiel 22:12

J'ech'el mu xa xiyaq'uic ta venta. Stsaquic no'ox taq'uin ti jlom jnaclejetic avu'un yo' ta smilic ti yane. Ech'em no'ox sjol ta sc'anic ta xaq'uic ta ch'om ti taq'uine. Ta slo'la svinquileltac ta yilbel ti svocole. Mu lo'iluc no'ox ta xcal ti vu'un Ajvalilune.

Ezequiel 22:29

Ti jnaclejetic ta jteclume, naca ilbajinvanej, elec' ta spasic. Ta slo'la ta yilbel svocol ti me'un mu'nate, xchi'uc ti buch'u mu'yuc c'usi x'ayan yu'une. Naca no'ox xilbe svocol ta yilbajinel ti jyanlumetique.

Levítico 25:14

Mi oy buch'u ta xchon, mi ta sman jsepuc osil ta stojol ti yane, ma'uc me snop ti sna' xa c'usi xut sba xchi'uque.

Levítico 25:17

“Mi junuc xu' ta xa'ilbajinvan xchi'uc ti va'i s'elan taje. Aq'uic ta q'uelel ti biq'uit avac'oj abaic ta stojol ti Dios avu'unique. Yu'un vu'un ti Ajvalil Diosun avu'unique.

Levítico 6:3

mi ja' ti ta sbis ta yu'un ti c'usi naca stamol ti bu laj stae, mi ja' ti naca lo'lavanej ta spas ti oy c'usi xac'an xa ta rextico yilele, ti c'usiuc no'ox jtosucal ti jech ta spas ti smul taje,

Malaquías 3:5

Ti Dios ti scotol xu' yu'une xi ta xale: “Ta xtal jchapanoxuc ava'iic. Ti jech yorail taje, vu'un ta jva'an jba ta rextico ta scontrainelic ti buch'utic yac'ojbeic yipal ta sc'oponel ti sbel banomile, ti buch'utic ta xmulivaj ta yane, ti buch'utic ta jeche' no'ox ti c'usi ta sva'anic ta rexticoe, ti buch'utic ta xilbeic svocol ti j'abteletique, ti me'unal antsetique xchi'uc ti me'un mu'natetique, ti buch'utic mu'yuc stu ta xilic ti jyanlumetique, xchi'uc ti buch'utic mu x'ac'vanic ta ventae.

San Mateo 20:8

“C'alal mal ti c'ac'ale, ti ajvalile xi laj yalbe ya'i ti buch'u yich'oj ta sventa ti abtele: ‘Ic'o talel scotol ti caj'abteltaque, ac'bo stojolic. Ja' ba'yel xlic atoj ti buch'u ts'acal xa och ta abtele. Ja' jech s'elan xcholet ta xatoj ti caj'abteltaque yo' slajeb xa ta xich' stojolic ti buch'utic ba'yel ochic ta abtele.’

Marcos 10:19

Xana' ti xi s'elan ti mantaletique: ‘Mu xamilvan, mu xasa' avants, mu xa'elc'aj, mu xajut c'op. mu xalo'lavan, ich'o ta muc' atot ame'.’

San Lucas 3:13

Xi tac'batic yu'un ti Juane: —Ja' no'ox stsobic ti patan c'u yepal ta xal ti mantale.

1 Tesalonicenses 4:6

Mu me junuc oy buch'u yochel ta soquesel ta syanijesbel smelol ti va'i yelanil ti c'op ta yac'bel svocol ti xchi'ile. Yu'un ti buch'u jech ta spase, ta x'ac'bat tsots tsitsel yu'un ti Dios jech c'u cha'al calojboxuc ava'iique.

1 Timoteo 5:18

Yu'un ti sc'op Diose xi ta xale: “Mu xavac'be svosal sni' ti jmaj-trigo vacaxe.” Oy bu xi ta xal xtoque: “Ti j'abtele tsots sc'oplal ta xich' ti stojole.”

Santiago 5:4

Ti j'abteletic ti buch'utic mu'yuc laj avac'beic stojol c'alal laj stsobic ti ats'unubalique, ta sc'anic parte. Ja' yu'un un, ti Dios ti scotol xu' yu'une, laj xa yil ti x'oc'lajetic ti j'abteletique.