Levítico 19:12 - Bible in Tzotzil de Chamula

¹² “Mu ta jeche'uc no'ox xava'anun ta rextico ti co'ol s'elan xc'ot xa xac'opoj yilele, yu'un ta xasoquesbe sc'oplal ti Dios avu'une. Yu'un vu'un ti Ajvalilune.

Bible in Tzotzil de Chenalhó with Deuterocanon

¹² “Mu me xat'abic jbi ta sventa li c'usi chavalique, yu'un xu' jech chasoquesbicun o jc'oplal, vu'un li Muc'ul Diosune.

Levítico 19:12 Iomraidhean Croise

Salmos 15:4

ti buch'u ta sjip ta sten ti oy sc'oplal jipbil tenbil ono'oxe, ti ta xich' ta muc' xtoc ti buch'u ta xich' ta muc' ti Diose, ti ta xc'ot ta pasel yu'un ti c'usi yaloje, manchuc mi mu lecuc ti ta xc'ot ta stojole,

Éxodo 20:7

“Va'i un, mu xaloq'uesic sbi ta jeche' no'ox ti Ajvalil ti ja' Dios avu'unique, yu'un ti stuque ta stsits ya'i. Mu teyuc no'ox sq'ueloj ti buch'u ta sbiiltasat ta jeche' no'oxe.

Isaías 48:1

“Ts'et chiquintao ava'i li'e, ti laliquic talel ta sventa sts'unubal ti Jacobe, ti avich'ojbeic sbi ti Israele, ti snitilulot ti Judá xtoque, ti ava'anoj ta rextico ti Diose, ti xavocolet ta stojol Dios yu'un ti Israele, ti mu'yuctic alequile, ti mu xava'ibe lec xchiquinale,

Jeremías 34:16

Ts'acal to xtoc un, lic ayanijesic ti snopobil avu'unique. Lic asoquesic ti jc'oplale ta scoj laj acha'tiq'uic ta mosovil ti buch'utic laj xa ox acoltaic batele.

Jeremías 4:2

mi naca melel, mi naca pojel xchi'uc naca slequil o'ntonal ti xava'an aba ta rextico ta jventae, va'i unbi, ta xjoybij ta xc'uxubinelic, ta slequil c'optaelic ti muc'tiquil lumetic ta jventae.”

Jeremías 5:2

Oy buch'u ta xal ti nijil chimil ta yich'el ta muc' ti Diose, naca sba no'ox ye.”

Jeremías 7:9

Yu'un ta xa'elc'ajic, ta xamilvanic, ta xasa' amulic, naca yeilal no'ox ta xjelav avu'unic ti ta xava'an abaic ta rexticoe. Ta xavac'beic chic'bil pom ti Baale. Ta xanijan abaic ta yich'el ta muc' diosetic ti ma'uc aventaique.

Levítico 18:21

“Mi junuc anich'on xavac' ta smoton ti dios Moloque. Ti jech taje, mu xasoquesbe sc'oplal ti Dios avu'une. Yu'un vu'un ti Ajvalilune.

Levítico 20:3

Ta jcontrain ti vinic taje. Ta jten loq'uel ti jech oy ta jteclum ta scoj ti ta soquesbun ti Axibalnae, xchi'uc ti ta soquesbun ti jc'oplal ti c'alal ta xac' junuc xnich'on ta stojol ti dios Moloque.

Levítico 24:11

Ti squerem ol ti me' israel antse laj soquesbe yo'nton ti Diose. Laj sbis ta cotol chaval. Va'i un, laj yiq'uic batel ta stojol ti Moisese. Sbi ti sme' taje, ja' Selomit, yantsil nich'on ti Dibrí ti ayan talel sts'unubal ta stojol snitilultac ti Dane.

Levítico 6:3

mi ja' ti ta sbis ta yu'un ti c'usi naca stamol ti bu laj stae, mi ja' ti naca lo'lavanej ta spas ti oy c'usi xac'an xa ta rextico yilele, ti c'usiuc no'ox jtosucal ti jech ta spas ti smul taje,

Zacarías 5:3

Va'i un, xi laj yalbune: “Le'e, ja' tey ts'ibabil ti oy sc'oplal ta staic bac vocol scotol ti jnaclejetic yu'un ti muc' ta lume. Ti c'usi ts'ibabil ta jujujote, ja' ta xal ti jbel sc'oplal ta stojic ti buch'u ta x'elc'ajique, xchi'uc ti buch'u jeche' no'ox ta xal ti ta sva'an sba ta rexticoe.

Zacarías 5:4

Ti Dios ti scotol xu' yu'une, yu'un mu lo'iluc no'ox ti xi ta xale: ‘Ta xcac' c'otuc bac vocol ta stojol ti buyuc no'ox nailal nacal ti buch'u ta x'elc'aje, xchi'uc ti bu nailal nacal ti buch'u ta jeche' no'ox ta sva'anun ta rexticoe. Yu'un lamal ta xcom o ti bac vocole, ja' to ti c'uxi ta xc'ot ta tsutsesel ti mu xa jbejuc sts'amte'altac, mi ja'uc jbejuc xa stanaltac ta xcom ti bu to ox ti nae.’ ”

Malaquías 3:5

Ti Dios ti scotol xu' yu'une xi ta xale: “Ta xtal jchapanoxuc ava'iic. Ti jech yorail taje, vu'un ta jva'an jba ta rextico ta scontrainelic ti buch'utic yac'ojbeic yipal ta sc'oponel ti sbel banomile, ti buch'utic ta xmulivaj ta yane, ti buch'utic ta jeche' no'ox ti c'usi ta sva'anic ta rexticoe, ti buch'utic ta xilbeic svocol ti j'abteletique, ti me'unal antsetique xchi'uc ti me'un mu'natetique, ti buch'utic mu'yuc stu ta xilic ti jyanlumetique, xchi'uc ti buch'utic mu x'ac'vanic ta ventae.

Deuteronomio 5:11

‘Mu xatailan ta alel ti Ajvalil Dios avu'un ti c'usiuc no'ox ta xavalilane. Yu'un ti stuque mu teyuc no'ox sq'ueloj ti buch'u ta xtae ta alilanel ta c'usiuc no'ox ta xalilane, ta stsitsat yu'un.

Santiago 5:12

Ja'uc le'e, Jchi'iltac, xi s'elan ma' ti tsots sc'oplal ti mu'yuc c'usi xava'anic ta rexticoe: mi ja'uc ti vinajele, ti banomile, mi yan c'usi jtosucal. C'alal ta xavalic “jech”, yu'un jech ono'ox. C'alal ta xavalic “mu jechuc”, yu'un mu jechuc ono'ox, yo' mu xataic chapanel yu'un ti Diose.