Levítico 19:11 - Bible in Tzotzil de Chamula

¹¹ “Mu xa'elc'ajic. Mu xajutic c'op. Mi ja'uc xalo'laan abaic.

Bible in Tzotzil de Chenalhó with Deuterocanon

¹¹ “Mu me xa'elc'ajic. Mu me xa'epalc'opojic; mu me xalo'la abaic.

Levítico 19:11 Iomraidhean Croise

2 Samuel 17:20

C'alal c'otic ti buch'utic nabalic ta stojol ti Absalone, xi laj sjac'beic ti antse: —¿Bu oy ti Jonatane xchi'uc ti Ahimaase? —Le' ech'ique, xi batic ta stuq'uil uc'um laj quile —xi tac'batic yu'un ti antse. Ti buch'utic nabalic ta stojol ti Absalone bat sa'ic. C'alal mu'yuc laj staique, sutic ech'el ta Jerusalén.

1 Reyes 13:18

Ja'uc ti mol une xi lic yalilan ti naca ta sjute: —J'alc'opun ec jech c'u cha'al ti vo'ote. Ta sventa ti jun yaj'anjel Diose laj yalbun mantal ti ta xquic'ot batel ta jnae, ti ta xcac'bot ave'el avuch'ome.

Salmos 101:7

Ma' ti j'ac'vanej ta vocol une, ch'abal sc'oplal ta xtunic ta jna une; mi junuc jutc'op ma' ti lec no'ox ta xca'ie.

Salmos 116:11

Ta scoj ti mu xca'i jbae, utsuc xa xcalilan ti naca jutc'op scotol ti viniquetique.

Éxodo 20:15

“Mu xa'elc'aj.

Éxodo 20:16

“Mu xajut c'op ta soquesel achi'il.

Éxodo 20:17

“Mu xc'upij avo'nton yu'un sna ti achi'ile. Mu xc'upij avo'nton yu'un ti yajnile, mi ja'uc ti smosov vinique xchi'uc ti smosov antse, mi ja'uc ti xvacaxe, ti sburroe, mi ja'uc jtosuc ta scotol ti c'usi ja' yu'untaque.”

Éxodo 22:1

“Mi oy bu ta xc'ot ta pasel ti oy buch'u ta xelc'an jcotuc vacaxe, mi jcotuc chij, mi ta smil, mi ta xchon, vo'cot vacax ta xq'uexta sutel ta sventa ti jcot vacaxe. Chancot chij ta xq'uexta sutel ta sventa ti jcot chije.

Éxodo 22:7

“Mi oy buch'u ta spat yo'nton ta stojol xchi'il ti ja' xu' ta xbat yac'be sventain ti staq'uine, mi ja' ti c'usitic oy yu'un ti toyol stojole, ja' no'ox un, mi oy c'uxi elc'anbat loq'uel ta sna ti buch'u sbainoje, jech ti j'eleq'ue, tsots sc'oplal x'ech' to o'lol ta stoj mi laj yich' taele.

Éxodo 23:1

“Mu me ja'uc ti teq'uel ta xc'ot ta avo'nton ti jeche' c'op no'oxe. Mi ja'uc ti lec xa xava'i xapay ac'op xchi'uc ti buch'u toj chopole, ti utsuc xa xava'an aba ta jeche' rexticoal yu'une.

Proverbios 24:28

Mu xlic ajol ta sa'bel smul ti avinquileltaque, mi ja'uc xapas ti jech xa yilel ti ac'ope.

Jeremías 6:13

“Yu'un scotolic, manchuc mi ich'bil ye sti'ic, mi mu'yuc, c'ajomal no'ox batem yo'ntonic ta stsobel ti oyuc no'ox c'usi x'ayan yu'unic ti mu'yuc laj ya'iic c'uxi ta tojele. Yu'un ti j'alc'opetique xchi'uc ti paleetique, naca j'eleq'uetic scotolic.

Levítico 19:10

Mi ja'uc xabejel c'uxc'ulta ta j'ech'el ti sat uvatic ti c'alal ta xatul ti oy ta avosile. Mi ja'uc xabejel tsob ti lamal ta lumtique. Comuc xa ta sventa ti me'un mu'natetique xchi'uc ti jyanlumetique. Yu'un vu'un ti Ajvalil Diosun avu'unique.

Romanos 3:4

Bu la xata ti jech ta xc'ot ta pasele. Mo'oj, yu'un ti Diose staoj yav ta spas ono'ox scotol ti bu ja' melel ta xile, manchuc mi jutc'op scotol ti jnaclejetique. Yu'un ti ch'ul c'ope xi ta xale: “Ta xvinaj ono'ox ti oy smelol stuq'uil ti ac'op ta xavale. Lec ta xac'ot ta loq'uel xchi'uc c'alal ta sa'ic amule.”

Efesios 4:25

Ja' yu'un un cha'e, lajuc sc'oplal avu'unic ta sjutilanel ti c'ope. Ta jujun tal, alanbo abaic ti bu ja' melele, yu'un jcotoltic junotic ta stojol ti Cristoe.

Efesios 4:28

Ti buch'u ch-elc'aje, ac'o yicta ti eleq'ue, ac'o abtejuc yo' jech ta yabtel stuc xu' ta scolta ti buch'utic abol sbaique.

Deuteronomio 5:19

‘Mu xa'elc'aj.

Colosenses 3:9

Ictaic ti jut c'op ta jujun tale, yu'un laj xa ajip laj xa atenic comel ti c'u s'elan to ox ta spas ti apoco' cuxlejalic ti mu'yuc c'usi lec laj apasic talel yu'une.

1 Timoteo 1:10

ti buch'utic ta xmulivajique, ti buch'u ta xchi'in sbaic ti co'ol viniquetique, ti jmucul jchonvanejetique, ti jutc'opetique, ti buch'u sva'anic ta rextico Dios ta sjutel ti c'ope, ti xcaltique, ja' sc'oplalic ti buch'utic ta syanijesbeic smelol ti lequil chanubtasele.

Apocalipsis 21:8

Ja'uc ti buch'utic xi'el no'ox xa'i sbaique, ti buch'utic mu'yuc c'usi ta xc'ot ta yo'nton ta xch'unele, ti buch'utic xti'et sjolique, ti buch'utic jmilvaneje, ti buch'utic batem yo'ntonic ta mulivajele, ti j'ac'-chameletique, ti buch'utic ta xich'ic ta muc' ti c'usitic meltsanbil ta c'abale, ti buch'utic jutc'opetique, scotolic taje, ta xbatic ta muc' ta c'oc' ti bu ta xtil ta azufree, ti ja' xa xcha'cojal lajebale.”