Biblia Todo Logo
Bìoball air-loidhne

- Sanasan -




Levítico 18:5 - Bible in Tzotzil de Chamula

5 “Chanic ta spasel ti oy c'usi tsots jbel albile, ti c'usitic nopbil cu'une. Ti buch'u ta xc'ot ta pasel yu'une, ta xch'i xc'opoj. Yu'un vu'un ti Ajvalilune.

Faic an caibideil Dèan lethbhreac

Bible in Tzotzil de Chenalhó with Deuterocanon

5 “Pasilanic me batel scotol c'ac'al li mantaletic li chanubtaseletic cu'une. Li boch'o ta xch'un yu'une ta xcuxi ta sventa li mantaletique. Jech chcal vu'un li Muc'ul Diosun avu'unique.

Faic an caibideil Dèan lethbhreac




Levítico 18:5
19 Iomraidhean Croise  

Laj abijubtas ti xcha'tamicuc ta spasel ti oy c'usitic jbel tsots albil avu'une. Xtoyet no'ox xa'i sbaic ti yalojic une ti mu tsotsuc sc'oplal ta xa'iic ti amantaltaque. Naca sju'el no'ox ta teq'uel ti c'usitic nopbil avu'une, ti ta x'ac'bat xcuxlejal ti buch'utic ta xc'ot ta pasel yu'unique. Toyobba batic ta j'ech'el. Mi ja'uc xa'ibeic xchiquinal ti laj yaq'uic ta ventae.


Ti Moisese xi albat yu'un ti Dios yan veltae: —VU'UN TI AJVALILUNE.


xi laj yale: —Vu'un ti Ajvalilune, scotol ti c'usi ta xacalbee, albo ya'i ti faraón ajvalil yu'un ti Egiptoe.


Ja' yu'un un, batan, ba albo ya'iic ti israeletique ti vu'un Ajvalilune ta jpoj loq'uel ta mosovil ti tsots ta sujatic ta abtel yu'un ti egipcioetique. Ta jvinajes ep ta tos ti c'u s'elan tuc' jna' xichapanvane.


La'ic ta jtojol, ts'ijano ava'i abaic lec. Chiquintabeicun lec ava'iic yo' jech ta xacuxiic. Sbatel osil ta xcom o ti jtrate ti ta jpas ta atojolique, ti mu xch'ay ta be ti c'usi loq'uem ta alel cu'un ti laj jpas ta syail xc'uxul co'nton ta stojol ti Davide.


Yu'un ja' jech ta spas jech c'u cha'al ta xal ti oy c'usi jbel tsots albile, ti jmantaltaque. Ti vinic taje, ti tuc' sjol yo'nton une, ta xcuxi. Ti vu'un Ajvalilune, mu lo'iluc no'ox ta xcal.


Ti bu taje, lic jchanubtasic ta sventa ti oy c'usi jbel tsots albil sc'oplale, xchi'uc ti jmantaltac ti ta sta xch'iel sc'opojel yu'un ti buch'u ta xabtelan ta spasele.


Ti oyic ta sbajtical banomil une, lic scontrainicun, mu xa xaq'uic ta venta ti oy c'usi jbel tsots albil sc'oplale. J'ech'el laj svalopatinic comel ti jmantaltac ti c'ot ta sventaic ti ta xch'i xc'opojic yu'un mi ta xc'ot ta pasel yu'unique. Laj soquesbeic sc'oplal ta j'ech'el sc'ac'alil ti cuxob o'ntonal cu'une. Laj jnop un ta jbusanbe ta sbaic ti sti'emal jol ti j'ech'el ch'ayuc sts'unubalic ta sbajtical banomile.


‘Ti yalab xnich'nabic eque lic stoy sbaic ta scontrainelun. Mu'yuc xac'beicun ta venta ti oy c'usi jbel tsots albil sc'oplale. Mu'yuc xabtelanic. Mu'yuc spasic ti jmantaltaque, ti ta sta xch'iel sc'opojel yu'un ti buch'u ta xabtelan ta spasele. Laj soquesbeicun sc'oplal sc'ac'alil ti cuxob o'ntonale. Laj jnop un ta ox jbusanbe ta sba ti sc'ac'al co'nton ta stojolic ti j'ech'el ta jtubbe sc'oplalic ta sbajtical banomil yo' jech ta x'ech' ti sc'ac'al co'ntone.


“Ta jbel sc'oplal mu stac' mi junuc vinic ta xnopaj ta sta ta chi'inel sbaic ti c'alal ja' yuts' yalaltaque. Yu'un vu'un ti Ajvalilune.


“Ti vu'un Diosune, mi jutebuc jyanijesoj jba. Ti vo'oxuc snitiluloxuc ti Jacobe, mu'yuc to laj avich'ic tsutsesel.


Ti Jesuse xi laj staq'ue: —¿C'u cha'al ta xavalbun ti lequil vinicune? Mi junuc oy buch'u slequil stuq'uil. Ja' no'ox oy slequil stuq'uil ti Diose. Mi ta xac'an ta xata ava'i ti acuxlejale, ch'uno ta spasel ti mantaletique.


Xi laj stac' ti Jesuse: —Lec ti jech laj ataq'ue. Mi jech ta xapas taje, ta xata acuxlejal.


Ta tael ti lec xij'ile yu'un Dios ta sventa ti oy c'usi tsots albil sc'oplale, xi me laj sts'iba comel ti Moisese: “Ti buch'u ta xc'ot ta pasel yu'un scotol ti c'u s'elan ta xale, ta sta xcuxlejal ta sventa.”


Ac'o mi ja' j'ac'-lequilal ti mantale, ja'uc ti vu'une, mu jechuc laj jta yu'un, ja' no'ox laj jta ti ta xicham yu'une.


Ja'uc ti oy c'usi tsots sc'oplal albil yu'un ti Moisese, ma'uc ta xalbe sc'oplal ti oyuc c'usi c'otuc ta o'ntonal ta xch'unele, yu'un xi ta xal ti mantale: “Ti buch'u ta xch'un ta spasel scotol ti c'usi ta xal ti oy c'usi tsots sc'oplal albile, ja' to jech ta xcuxi.”


C'uxuc xava'iic ti Ajvalil Dios avu'unique. Ch'unbeic ti c'usi ta sc'an pasbele. Co'oluc avo'ntonic xchi'uc. Yu'un ja' sbainoj ti acuxlejalique. Ta sventain stuc ti jaluc cuxianic ta lum ti laj sva'an sba ta rextico stuc ti ta xac'be yich' ti Abrahame, ti Isaaque, ti Jacobe, ja' ti amolmuc'totic ti laj ech'icuc ta vo'nee.”


Yu'un ta stec'an ti trate ta avo'ntonique xchi'uc ta yo'ntonic ti avalab anich'nabique yo' jech c'ux ta xava'iic ta sjunul avo'ntonic, ta sjunul ach'ulelic ti Diose, yo' jech ta xc'ot ta pasel ti oy acuxlejalique.


“Avi tana li'e, israeletic, a'yio ava'iic, ts'etano ani' achiquinic yu'un ti oy c'usitic jbel tsots albile, xchi'uc ti c'usitic nopbil ti laj xa jchanubtasoxuque. C'otuc ta spasel avu'unic yo' jech ta xach'i xac'opojic ta yu'ninel ti lum ta xac'boxuc ti Ajvalil Dios yu'unic ti amolmuc'totic ti laj ech'icuc ta vo'nee.


Lean sinn:

Sanasan


Sanasan