Levítico 18:3 - Bible in Tzotzil de Chamula

³ “Mu xachanbeic stalel ti c'u s'elan ta spasic ti egipcioetic ta jteclum ti bu lanaquiic to oxe. “Mu xachanbeic stalel ti c'u s'elan ta spasic ti cananeoetic ta jteclum ti bu ta xquic'oxuc batele. Mi ja'uc xachanbeic ta spasel ti c'u s'elan liquem yu'unic ti oy c'usi jbel tsots albil yu'unique.

Bible in Tzotzil de Chenalhó with Deuterocanon

³ “Mu me xapasic jech chac c'u cha'al tspasic li egiptoetic ti bu to'ox lanaquiique. “Mu me xapasic jech chac c'u cha'al tspasic li canaanetic ti bu chaquic'oxuc batele, xchi'uc mu me xapasic jech chac c'u cha'al chal li mantaletic yu'unique.

Levítico 18:3 Iomraidhean Croise

2 Reyes 17:8

Yu'un ja' laj yac'beic yipal ta spasel jech c'u cha'al laj spasic ti yan lumetic ti laj yilic ta sba ta satic ti jipatic loq'uel yu'un ti Diose. Mu yanuc jech laj spasic jech c'u cha'al sliquesojic comel ti ajvaliletic yu'un ti Israele.

Salmos 106:35

Le'e, lec laj ya'iic lic scap sbaic ta naclej, xchi'uc lic xchanbeic c'u s'elan liquem yu'unic ti buch'u yan yajvalic ti xi s'elan lic spasique:

Éxodo 23:24

Mu xachanbeic xchopolal ti jteclumetic taje. Mu xaquejan aba ta stojol ti diosetic yu'unique. Mi ja'uc xavich'beic ta muc'. Ja'uc c'otuc ta pasel ti lilinic ta j'ech'el ti loc'tabil diosetic yu'unique, xchi'uc ti c'opojebal ch'ul tonetic yu'unique.

Ezequiel 23:8

C'alal oy ta Egiptoe, lic sjoy ti yepal no'ox vay xchi'uc ta sbolomalinel sbae, ti mu jutebuc laj yicta sbae. Tey laj sc'oplal ti tojol tseb to une.

Levítico 20:23

Mu ja'uc xachanbeic ta spasel ti c'u s'elan ta spasic ti jnaclejetic ti ta xavilic ta aba ta asatic ti ta jip loq'uele. Yu'un ti stuquique, mu lecuc scotol ti c'usi laj spasique. Mu ts'icbaj xca'i yu'un.

Romanos 12:2

Mu xa jechuc xanopic jech c'u cha'al ta spasic ti jnaclejetic ta banomil ti yan sjol yo'ntonique. Jeluc ti snopbenal avu'unique yo' jech ta x'ach'ub ti acuxlejalique. Jech ta xlic ava'ibeic yo'nton ti Diose, ja' ti c'usi lec ta pasele, ti c'usi xmuyubaj yo'nton yu'une, ti c'usi lec tuc' ta xile.

Deuteronomio 12:4

“Yu'un ti Ajvalil Dios avu'unique, mu xaco'oltasic ta yich'el ta muc' jech c'u cha'al taje.

Deuteronomio 29:17

Ti ta lumetic taje, ja' to vul jtatic ta ilel ti oy jeche' diosetique, xchi'uc ti jeche' loc'obbail ti meltsanbil ta te'e, ti ta tone, ti ta platae, ti ta oroe, ti nijil chimilic ta xich'ic ta muc' ti jnaclejetique.

Deuteronomio 9:4

C'alal mi laj xa snuts loq'uel ta aba ta asatic ti Ajvalil Dios avu'unique, mu me xi'uc xlic ajolic ta yalele: ‘Colyal ti litojob yu'un ti jbijiltic ti jna'tic c'usi xcut jbatique, ti laj yac'botic cu'nintic muc' ta lum ti Diose.’ Ti jech nutsatic loq'uel yu'un ti Dios le'e, ja' ta scoj ti smul scolo'ique.