Levítico 18:21 - Bible in Tzotzil de Chamula

²¹ “Mi junuc anich'on xavac' ta smoton ti dios Moloque. Ti jech taje, mu xasoquesbe sc'oplal ti Dios avu'une. Yu'un vu'un ti Ajvalilune.

Bible in Tzotzil de Chenalhó with Deuterocanon

²¹ “Mu xachic' anich'onic ta smoton dios Moloc, yu'un ta soc o jc'oplal avu'unic, vu'un li Muc'ul Diosune.

Levítico 18:21 Iomraidhean Croise

1 Reyes 11:33

Yu'un ti Salomone laj xa stenun ta yo'nton. Lic xa sbic'tajes sba ta yich'el ta muc' ti Astartee, sdiosic ti sidonioetique, xchi'uc ti Quemos sdiosic ti moabitaetique, xchi'uc ti Milcom sdiosic ti amonitaetique. Ti c'usitic laj spase, mu lecuc ta xquil ta jba ta jsat. Mu'yuc xc'ot ta pasel yu'un ti jbel c'usi caloje, ti c'usi nopbil cu'une jech c'u cha'al laj spas ti David ti ja' stote.

1 Reyes 11:7

Ti jech yorail ta vo'ne taje, ti Salomone lic smeltsan c'opojebal yu'un Quemos ta vits ti oy ta sloq'ueb c'ac'al yu'un ti Jerusalene, jun jsoquesej o'ntonal loc'obbail dios yu'un ti Moabe, xchi'uc ti Moloc yajdiosic ti amonitaetique.

2 Reyes 16:3

Yu'un yac'ojbe yipal ta spasel jech c'u cha'al laj spas ti ajvaliletic yu'un ti Israele. C'ot ta pasel yu'un ti laj yac'be yich' svocol ta chiq'uel ta matanal ti xnich'one, ti co'ol s'elan laj spas jech c'u cha'al liquem yu'unic ti jteclumetic ti mu'yuc smelol ti c'usitic ta spasique, ti tenatic loq'uel yu'un Dios ta stojol ti israeletique.

2 Reyes 17:31

Ti avaetique lic smeltsanic sloc'obbail ti Nibhaze, xchi'uc jun sloc'obbail ti Tartaque. Ti sefarvaimetique lic yac'beic svocol ta xchiq'uel ta matanal ti yalab xnich'nabic ta smoton ti Adrameleque, xchi'uc ti Anamelec ti ja' diosetic yu'unique.

2 Reyes 21:6

Ma'uc no'ox taje, laj yac' ta chiq'uel ta sventa matanal ti xnich'nabe. Lic xchanbe sc'oplal sti'inel sc'oponel ti pucuje, xchi'uc sc'oplal ti jt'unvaneje. Laj yac' ye ti licuc ti bainom satinometique, ti j'ac'-chameletique. Toj ech'em chopol laj yil ta sba ta sat Dios ti c'usitic chopol laj spase. C'ot ta pasel ti ilin ta j'ech'el ti Diose.

2 Reyes 23:10

Ti Josiase laj stubbe sc'oplal ti chic'obbail ti oy ta stenlej yu'un ti Ben-hinome yo' jech mi ja'uc xa junuc ti oy buch'u ta xchic'be ta smoton Moloc ti yalab xnich'nabique.

2 Crónicas 28:3

Laj xchic' pom ta stenlejal yosilal Ben-hinom. C'ot ta pasel yu'un ti laj xchic' ta matanal ti xnich'nabe jech c'u cha'al ta spasic ti yan muc'tiquil jteclumetic ti tenbil loq'uic ta sba ta sat israeletic yu'un ti Diose.

Jeremías 19:5

Laj smeltsanic xtoc altaretic sventa ta xchiq'uic xnich'nabic ta sventa smoton ti Baale, c'alal mu'yuc loq'uem ta quee, mu'yuc calojbeic mantal, mi jutebuc jech oy ta co'nton.

Jeremías 32:35

Laj sva'anic altaretic xtoc ta sventa Baal ta stenlejal ti Ben-hinome, yo' ta xchic' squerem stsebic ti ta xich' milel ta sventa smoton ti Moloque. Taje, ta sta smul yu'unic ti Judae, ti jelavem xchopolal ta xquil ti mu'yuc calojbeic ya'iique, ti mi ja'uc jutebuc jnopoje.

Jeremías 7:31

Ta stenlejal yu'un ti Ben-himone, laj smeltsanic jun altar ta sventa ti Tofete yo' jech ta xchiq'uic ti squerem stsebique, ti mu jutebuc jech calojbeique, ti mu'yuc jech ta jole.

Ezequiel 20:26

Ch'an xa no'ox xcutic ta soquesel sbaic ta yich'el batel smoton ti loc'tabil diosetique, ta yac'bel svocol xchiq'uel ta c'oc' ti sbanquilal queremique. Yich'uc xi'el ya'iic ma' ti jech laj jpas taj une, sna'icuc ti vu'un Diosune.’

Ezequiel 20:31

Staoj yav ta xasoques abaic ta scoj ti ta xamilic ta xchiq'uel ti avalab anich'nabic ta yaq'uel ta matanal yu'un ti loc'obbail diosetic avu'unique. ¿Mi ja' jech ta xtal ajac' abaic ta jtojol le' une, israeletic? Ta jva'an jba ta yalel ava'iic ti mu jq'uelojuc jba ta xtal ajac' abaic ta jtojol ti vu'un Diosune.

Ezequiel 23:37

Laj xa svalopatinicun comel. Bonol ta ch'ich' ti sc'obique. Laj svalopatinicun comel ta scoj ti laj snijan sbaic ta yich'el ta muc' ti loc'obbail diosetic yu'unique. Ta sventa xi'el stoyel ti diosetic yu'unique, laj yac'be yich' svocol ta xchiq'uel ta c'oc' ti yalab xnich'nab laj quilic xchi'uque.

Levítico 19:12

“Mu ta jeche'uc no'ox xava'anun ta rextico ti co'ol s'elan xc'ot xa xac'opoj yilele, yu'un ta xasoquesbe sc'oplal ti Dios avu'une. Yu'un vu'un ti Ajvalilune.

Levítico 21:6

Yu'un c'ajomal jbeluc sc'oplal ti xchapanoj sba ta sventa ti Dios yu'unique, ti mu soquesbeic ti sc'oplale. Yu'un ti stuquique, ja' jelubtasej matanaletic ti ta xich' chiq'uele, xchi'uc ti pan ti ta xaq'uic ta stojol ti Dios yu'unique. Ja' yu'un un, ja' yabtelic ti tsots sc'oplal ac'o yac' sbaic ta tunele.

Levítico 22:2

“Albo ya'i ti Aarone xchi'uc ti snitilultaque, sc'an bijicuc xchi'uc ti c'usi ta xch'aquic loq'uel ti ta xac'beicun ti israeletique yo' jech mu soquesbeicun ti jc'oplale. Yu'un vu'un ti Ajvalilune.

Levítico 22:32

“Mu xasoquesbeicun ti jch'ul c'oplale, staojuc yav ta stojol ti israeletique. Yu'un vu'un Ajvalilun ti laj jbisoxuc ta cu'une.

Levítico 24:15

Ta sventa ti israeletique, xi xcholet xavalbe ya'i jech c'u cha'al li'e: Ti buch'u ta soquesbe yo'nton ti ta sbis ta cotol chaval ti Ajvalil ti ja' Dios yu'une, ac'o xcuch o comel ti smule.

Amós 2:7

Ta xilbeic svocol ta j'ech'el ti me'un mu'nate. Mi ja'uc xc'ot ta yo'ntonic ta xchapanic ti buch'u biq'uit yac'oj sbae. Ti totile xchi'uc ti nich'onile, jun no'ox ti ants ta xvayic xchi'uquique. Ja' jech ta xc'ot ta pasel yu'unic ti ta soquesbeicun ti jc'oplale.

Amós 5:26

Jechuc un, ja' no'ox ti cuchetan ava'i xchi'uc sloc'ol ti ajvalil Sicute, xchi'uc sc'analil ti Quiiune, ti ja' avajdiosic ti laj ameltsan atuquique.

Miqueas 6:7

¿Mi yu'un ja' to jech xlaet ta xa'i Dios mi ta xcac'be ta smoton jmil (1,000) ta cot chije? ¿Mi yu'un ja' to jech xlaet ta xa'i mi ta xcac'be ta smoton ti aceite ti co'ol s'elan lajunmil (10,000) yoc uc'um ti xbalaq'uin no'ox ti yoque? ¿Mi yu'un ja' xlaet ta xa'i mi ta xcac' ta matanal ta stojol ti jbanquilal nich'one, ti ja' stojol ta xc'ot yo' jech ta xch'ay ti jtoyobbaile xchi'uc ti jmule?

Malaquías 1:12

Ja'uc ti vo'oxuque ta xasoquesbeicun co'nton. Ta xanopic ti c'otem ta jmexa ti caltar ti bajbil tenbil ta xc'ote, yu'un mu'yuc yutsil ta j'ech'el ti ve'lil ta xich' aq'uel ta stojole.

Hechos 7:43

Bu xata un, ja' no'ox acuchojic batel ti avajdiosic Moloc ti tiq'uil ta xcaxaile, xchi'uc sloc'obbail ti dios Refán sbi ti co'ol s'elan c'anale, loc'obbailetic ti laj ameltsan ta ac'obique yo' ta xanijan xachiman abaic ta yich'el ta muc'. Jech o xal laj jbec'oxuc loq'uel ta avosil abanomilic ti jelavel to ta Babilonia labatique.’

Romanos 1:23

Laj sc'atbunic slequilal yutsilal ti Dios ti mu jutebuc oy sc'oplal ta xchame, yu'un laj sbisic ta Dios sloc'obbail ti viniquetic ti sna' xchame, xchi'uc sloc'obbail ti mutetique, xchi'uc sloc'obbail ti chonetique, xchi'uc sloc'obbail chonetic ti yich'oj chanib yacane.

Romanos 2:24

Oy smelol un cha'e ti xi ta xal ti ch'ul c'ope: “Ta acojic vo'oxuc ti chopol ta xc'opojic ta stojol Dios ti jyanlumetique.”

Deuteronomio 12:31

Mu me jechuc xapasbeic ti Ajvalil Dios avu'unic ti va'i s'elan taje. Yu'un ta scotol ti mu ts'icbaj ta xa'i ti Dios ti chopol ta xile, ja' ti va'i s'elan ta spasic ti lum ti nijil chimil ta xich'ic ta muc' ti diosetic yu'unique, ti ta xc'ot ta pasel yu'unic ti ta smilic ti ta xchiq'uic ta c'oc' ti yalab xnich'nabique.

Deuteronomio 18:10

J'ech'eluc ti mu'yucuc buch'u junucal avu'unic ti ta xac' ta milel ti xnich'on ti c'alal to c'oc' ta sten ochele. Mi ja'uc xachanic ti t'unjvaneje, ta scaj'alel ti c'usi ta xc'ot ta pasel le' ech'ele. Mi ja'uc ta yo'ntolinel ta xachanic ti ac'-chamele.