Levítico 18:16 - Bible in Tzotzil de Chamula

¹⁶ “Mu xacus ta avic'obal ti achi'il ta voq'uel ti ta xata ta chi'inel ti yajnile.

Bible in Tzotzil de Chenalhó with Deuterocanon

¹⁶ “Mu me xac'opanbe yajnil abanquilic, o me avits'inic, yu'un chavuts'inta achi'ilic ta voq'uel me jech chapasique.

Levítico 18:16 Iomraidhean Croise

Levítico 20:21

“Mi oy buch'u ta spojbe yajnil ti xchi'il ta voq'uele, ta scus ta yic'obal ti xchi'il ta voq'uele. Ti va'i s'elan taje, toj chopol ta j'ech'el. Ch'abal yalab xnich'nabic xcham xlajic ti xchibalique.

San Mateo 22:24

—Jchanubtasvanej, ti Moisese xi laj yale: ‘Mi oy ta xcham jun vinic ti ch'abal xnich'on ta xcome, jech o xal ti yits'ine, tsots sc'oplal ac'o yic' ti me'unal antse yo' mu xch'ay sts'unobal ti anima sbanquile.’

Marcos 12:19

—Jchanubtasvanej, ti Moisese laj sts'ibabuncutic comel mi oy buch'u ta xcham jun vinic ch'abal yol ta xicta comel ti yajnile, ti its'inale ac'o yic'be yajnil ti animae yo' jech mu xch'ay sts'unobal ti sbanquile.

Marcos 6:17

Ti jech ta xal taje, yu'un ti Herodese ja' ono'ox laj yac' ta tsaquel ti Juane. Laj yal mantal ti yich'uc chuquel ta cadena taq'uin ta chuquinab ta scoj ti Herodiase ti laj xa yajnilan ti Herodese ac'o mi ja' yajnil to ox ti Felipee, yits'in ti Herodese. Yu'un ti ajvalil Herodese laj spojbe yajnil ti yits'ine.

San Lucas 3:19

Ja' jech xtoc, tsots laj svul ti ajvalil Herodes ta scoj yic'oj jun ants Herodías sbie, yajnil ti Felipe, ti ja' yits'ine, xchi'uc yan ti c'usi chopol laj xa spase.

Deuteronomio 25:5

“Xu' van ti oy bu ta xc'ot ta pasel ti ta jun snaic ti oy buch'u jmojic ta voq'uele. Ti june, ch'abal xnich'on ta xicta comel ti c'alal ta xchame. Jech ti me'unal ants une mu xu' ta xcha'malij mi ma'uc junuc yuts' yalal smalal ta xiq'ue. Ti xchi'il ta voq'uel ti smalal to oxe ta xic'be yajnil ti animae. Yu'un ja' jech yabtel ta spas ta stojolal ti xc'ot o ta mu'il yu'une.