Levítico 17:7 - Bible in Tzotzil de Chamula

⁷ Mi ja'uc xa ta j'ech'el ti ta xac'beic yich' svocol xchon sbolom ta sventa smoton ti jti'oval pucuje, ti laj to ox snijan xchiman sba ta stojole, ti ja' ta scoj ti c'otic ta soquele. Taje, c'ot ta atojolic ta jbel c'usi tsots albil xchi'uc ti avalab anich'nabique.

Bible in Tzotzil de Chenalhó with Deuterocanon

⁷ Yu'un jech mu xa ja'uc chbat smilbeic smoton li pucujetic ti ja' to'ox yich'ojic ta muc' chac c'u cha'al sdiosique. Li'i ja' jun mantal chcom o ta atojolic c'alal ta avalab anich'nabic.

Levítico 17:7 Iomraidhean Croise

2 Crónicas 11:15

Lic sva'anan yajpaletac stuc ti Jeroboam ti ta x'abtejic ta ch'ulna ti ma'uc sventa ti Diose, ta sventa stoyel xi'el ti pucujetique, xchi'uc ti loc'tabil vacaxetic ti laj yac' ta meltsanele.

Salmos 106:37

Laj yac'beic yich' svocol ta milel squerem stsebic ta sventa smoton ti pucujetic taje.

Salmos 106:39

Laj soques sbaic yu'un ti c'usi laj spasique, yanijem yo'ntonic ta stojol ti Diose.

Éxodo 22:19

“Ti buch'u ta xmulivaj xchi'uc ti c'usiuc no'ox chon bolomale, chapal sc'oplal ac'o yich' milel.

Éxodo 22:20

“Ti buch'u naca yan diosetic ta xac'be ti milbil matanaletique, ti c'alal ja' no'ox stuc Dios ti oy sc'oplal ta xich'e, chapal sc'oplal ta xich' milel.

Éxodo 27:21

Jech ti Aarone xchi'uc ti xnich'nabe ta sbainic ta sq'uelel ti lamparaetique yo' jech tsanal sbejel ac'ubal ta stojol Dios ta ch'ul cuarto ti bu nupel ta be xchi'uc Dios ta yeloval ti bu lich'il ti muc' ta poc' ti ja' smacoj ti xcaxail tratee. Ti va'i s'elan taje, ja' jbel ti tsots sc'oplal ti ch'unbil ta xc'ot ti jech ac'o spasic o ti israeletic xchi'uc ti snitilulique.

Éxodo 32:8

Ta ora no'ox laj xch'ac sbaic ta be ti bu laj calbeic ti ta stamic batele. Laj xa smeltsanic ta ulesbil oro jcot sloc'obbail ch'in tot vacax. Avi tana une, yacalic xa ta xich'ic ta muc', ta xac'beic matanaletic xtoc ti xi ta xalique: ‘Israel, ti li'e, ja' dios ti laj sloq'uesot talel ta Egiptoe.’

Éxodo 34:15

“Mu xapasic mi junuc trate xchi'uc ti buch'utic tey nacajtic ta banomil taje, naca mi xabic'tajes aba yu'un ti lec xa xava'i ta yich'el ta muc' ti sdiosique, ti lec xa xava'i ta yaq'uel matanal ti c'alal ta xaq'uic ti stuquique, ti ic'biloxuc yu'unic ta stunesel ta slajesel ti matanaletic taje.

Jeremías 3:1

Ti Diose xi ta xale: “Mi oy jun vinic ta sutes ti yajnile, mi malij ta yan ti ants laj sbaje, ti sba vinique mu xu' ta xcha'ic'. Ti jech taje, mu ts'icbaj lec ta xa'iic ti jteclume. Ja'uc ti vo'ot une, Israel, xloc' x'och ti avajval yu'unic ta c'upinele. Tana une, ta to xasut ava'i talel ta jtojol un. Ti vu'un Diosune, mu lo'iluc no'ox ma' taje.

Ezequiel 23:3

Ta stsebalic no'ox ti chib antsetic taje, lic sbolomalin sbaic. Laj yac' sbaic ta picolanel ta Egipto. Laj to me c'op ma' ti tojol tseb une.

Ezequiel 23:8

C'alal oy ta Egiptoe, lic sjoy ti yepal no'ox vay xchi'uc ta sbolomalinel sbae, ti mu jutebuc laj yicta sbae. Tey laj sc'oplal ti tojol tseb to une.

Levítico 17:8

“Albo ya'iic xtoc, buch'uuc no'ox ti israeletique, mi jyanlumetic ti nacal ta atojolique, ti ta xac' ti c'usi ta xich' chiq'uele, mi oy c'usi yan ti ta xac'be yich' svocole,

Levítico 20:5

vu'un ta xlic jcontrain xchi'uc ti c'u yepal oy ta snae. Ta jten loq'uel ti jech oy ta jteclum jmoj xchi'uc scotol ti buch'utic yan sjol yo'ntonic ta jtojol ti ta sbic'tajesel sbaic ta sts'ac-patiel ti dios Moloque.

Levítico 3:17

“Xi s'elan ta xal ti c'usi tsots albil sc'oplale, ti ich'biluc ta muc' sbatel osil ti ta x'ech'ic ti totil me'iletique, ti alab nich'nabiletic ti buyuc no'ox nacalique: J'ech'eluc mu xati'ic ti xepu'e, ti ch'ich'e.”

San Juan 12:31

Ja' xa yorail avi tana li' une, ta xlic yich' chapanel ti jnaclejetic ta banomile. Ja' xa yorail ta xich' jipel loq'uel ti buch'u ta spas mantal li' ta banomile.

San Juan 14:30

“Jliquel xa li' ta jchi'inoxuc ta lo'ile, yu'un tal xa ti buch'u sbainoj ta spasel mantal li' ta banomile, ac'o mi mu'yuc c'usi xu' yu'un spasel ta jtojol.

1 Corintios 10:20

Ti c'usi ta xcale, ti c'alal ta xac'beic smoton dios ti buch'utic yan yajvalique, ja' ta xac'beic smoton ti pucuje, ma'uc ti Diose. Ja' mu jc'an ti ta xaco'oltas avo'ntonic xchi'uc ti pucuje.

2 Corintios 4:4

Ti jech mu xc'ot ta yo'ntonic ta xch'unel ti lequil ach' c'op yu'un ti Cristo ti c'alal ja' yutsilal slequilal stuc ti Diose, ja' ta scoj macbil snopbenal, macbil satic yu'un ti sdiosic li' ta banomile.

Efesios 2:2

Yu'un ta vo'ne ti vo'oxuque jech laj apasic jech c'u cha'al ta spasic ti jnaclejetic ta banomile, ti ach'unojbeic smantal ti pucuj ti ta ic' ta xanave, ti ta x'abtej ta yo'ntonic ti buch'utic mu xch'unic ti c'usi ta xal ti Diose.

Deuteronomio 31:16

Va'i un, ti Diose xi laj yalbe ti Moisese: “Ti jech jutuc sc'an xc'ot yorail ta xachame, ti lum li'e, ta jech yepal ta xlic syanijes sbaic. Ta xich'ic ta muc' sdiosic ti jteclum ti bu ta xu'ninique. Va'i un, ta xlic yictaicun comel. Ta xlic soquesbeic sc'oplal ti jtrate ti laj jpas ta stojolique.

Deuteronomio 32:17

Yu'un laj smilbeic smoton ti pucujetique, ti biiltasbilic ta diosetic ti mu ja'uc jutebuc xojtiquinique, ti ach' to sliquele, ti ach' to svulele, ti mu ja'uc oy bu jutebuc laj snijan xchiman sbaic ta yich'el ta muc' ti stot sme'ique.

Apocalipsis 9:20

Ja'uc le'e, ti c'u yepal com ti jnaclejetic ti buch'utic mu'yuc xchamic yu'un ti oxtos cuxul j'ilbajinvanej vocole, mu'yuc xicta sbaic ta spasel ti c'usi chopole, mi ja'uc laj yicta sbaic ta yich'el ta muc' ti pucuje, xchi'uc ti c'usitic meltsanbil ta c'abale, ti meltsanbil ta oroe, ta platae, ta tsatsal c'anal taq'uine, ta tone, ta te'e, ti c'alal mu x'ilvane, mu xa'i c'oponel, ti mu stac' xanave.