Levítico 17:6 - Bible in Tzotzil de Chamula

⁶ Ti palee ta svij ti ch'ich' ta joyob stsectac yaltar ti Diose, ta ochebal sti' ti Axibalna ti bu nupel ta bee. Ta xchic' ti xepu' ti jun yutsil smuil ta xc'ot ta stojol ti Diose.

Bible in Tzotzil de Chenalhó with Deuterocanon

⁶ Li palee ac'o svijbe xch'ich'al ta sba scajleb jmoton te ta nopol ti'ch'ulna pasbil ta nucule. Li xepuale ac'o xchic' sventa lec mu yic' chc'ot ta jtojol, vu'un li Muc'ul Diosune.

Levítico 17:6 Iomraidhean Croise

Éxodo 29:13

Ti xepu'altac ti sbiquile, ti secube, xchi'uc ti sq'uine, joso loq'uel, chic'o ta altar.

Éxodo 29:18

Ja' jech xtoc ti chije, ac'o ta sba ti altare yo' jech ta xich' chiq'uel ta stojol ti Diose, ti jun yutsil ti smuile.

Ezequiel 44:15

“Ti levitaetic snitilultac ti Sadoc ti c'otemic ta paleetique, le'e, xu' xnopajic ta jtojol ta tunel, yu'un staoj yav yac'oj sbaic ta tunel ta jch'ulna c'alal laj yictabeicun comel lequil be ti israeletique. Xu' ta sjelubtasbeicun talel ta jtojol ti xepu'e, xchi'uc xch'ich'el ti c'usi ta xich' svocol ta milele. Vu'un ta xcal mantal ti Ajvalilune.

Levítico 17:5

Taje, ja' sc'oplal ti israeletic ti buch'utic laj xa smilic ti chon bolometic buyuc no'ox ta osiltic ti yalojic ta xc'ot ta smoton ti Diose. Avi le'e, ac'o yiq'uic batel ta ochebal sti' ti Axibalna ti bu nupel ta bee yo' jech ta xich' ti pale ti ta xac'be yich' svocol ta sventa ti lajesobil o'ntonale.

Levítico 3:11

Mi laj taj une, jech ti paleetique ta xchiq'uic scotol ta sba ti altare, ti ja' sc'oplal jun matanal ve'lil laj yich' chiq'uel ta sventa yich'el ta muc' ti Diose.

Levítico 3:13

ac'o scajan sc'ob ta sjol. Tsacal to ta xich' c'ocbel snuc' ta ochebal sti' ti Axibalna ti bu nupel ta bee. Jech xtoc ti paleetic une ta sbonbeic xch'ich'el ti chon bolom ta sba xchi'uc ta sjoylej stsectac ti altare.

Levítico 3:16

Mi laj taj une, jech ti paleetique ta xchiq'uic scotol ta sba ti altare, ti ja' sc'oplal jun matanal ve'lil laj yich' chiq'uele, ti jun yutsil smuile. Scotol ti xepu'ale, ja' yu'un ti Diose.

Levítico 3:2

Ti buch'u ta xac' ti matanale, ta scajan sc'ob ta sjol ti chon bolom ti ta xich' aq'uele. Va'i un, ta xich' c'ocbel snuc' ta sti' ochebal Axibalna ti bu nupel ta bee. Jech ti paleetique, ja' yabtelic ta sbonbe ta ch'ich' ta sba xchi'uc ta sjoylej stsectac ti altare.

Levítico 3:5

Jech ti paleetique ta xchiq'uic scotol ta sba ti altar taje, jmoj xchi'uc ti chon bolom ti bu ta xtil ti si'e. Yu'un ja' jun chic'bil matanal ti jun yutsil smuil ta xich' ac'bel ti Diose.

Levítico 3:8

ac'o scajan sc'ob ta sjol. Va'i un, ta xich' c'ocbel snuc' ta ochebal sti' ti Axibalna ti bu nupel ta bee. Ja' jech xtoc un, ti paleetique ta sbonbeic xch'ich'el ti chon bolom ta sba xchi'uc ta sjoylej stsectac ti altare.

Levítico 4:31

Ja' jech xtoc tsots sc'oplal ta sloq'uesbe scotol ti xepu'ale jech c'u cha'al laj yich' pasbel ti jcot chon bolom ti laj yich' aq'uel ta matanal ti laj yich' milel ta sventa ti lajesobil o'ntonale. Ta xchic' ta altar ti jun yutsil smuil ta xich' ac'bel ti Diose. Jech ti pale une ta sta ti ta xch'ay smul scolo' ti buch'u taje. Tub ti mulil colo'ile.

Números 18:17

Yan ti mi ja' ta xac'beic comel yan xq'uexol sba yoltac ti me' vacaxe, ti me' chije, ti me' tentsune, mu xavac' ave ati' yu'un. Taje, yu'un ja' c'otemic ta cu'untac. Tsots sc'oplal ta xamil. Ti xch'ich'ele, ta xamal ta sba altar. Ja'uc ti xepu'ale, ta xachic' ta jun smuil matanal ti ta xc'ot ta jtojole.