Levítico 17:5 - Bible in Tzotzil de Chamula

⁵ Taje, ja' sc'oplal ti israeletic ti buch'utic laj xa smilic ti chon bolometic buyuc no'ox ta osiltic ti yalojic ta xc'ot ta smoton ti Diose. Avi le'e, ac'o yiq'uic batel ta ochebal sti' ti Axibalna ti bu nupel ta bee yo' jech ta xich' ti pale ti ta xac'be yich' svocol ta sventa ti lajesobil o'ntonale.

Bible in Tzotzil de Chenalhó with Deuterocanon

⁵ Ti jech chich' pasele, yu'un jech ac'o tal yaq'uic ta jtojol ti me oy tsmilic sts'unub yovolic ta buyuc no'ox li achi'iltaque. Yu'un jech ac'o tal yac'beic li pale te ta ti'ch'ulna pasbil ta nucule, jech xu' chiyac'bun ta jtojol. Ja' matanal chc'ot ta sventa lec chquilic li achi'iltaque.

Levítico 17:5 Iomraidhean Croise

Génesis 21:33

Ta Beerseba taje, ti Abrahame laj sts'un jpets tamarisco te', ti laj snijan xchiman sba ta stojol Dios Ajvalil sbatel osile.

Génesis 22:13

Jech ti Abrahame laj stoy batel sat, ja' o laj yil jcot chij ts'otol xulub ta vach'il te'. Va'i un, bat yic' talel ti chije. Ja' laj yac' ta chic'bil matanal ti c'ot ta q'uexolil ta sventa ti squereme.

Génesis 22:2

Xi laj yal ti Diose: —Ic'o talel ti Isaac ti c'ajomal yo jun ti avuni quereme, ti mu tuch'baj ta avo'ntone. Batan ta yosilal Moria. C'alal mi tey xa oyot une, loc'uc ayanuc ta avo'nton ti ta xavac' ta chiq'uel ta matanal ta jol vits ti bu ta xcac'bot avile.

Génesis 31:54

Ts'acal to un, ti Jacobe laj smil matanal ta vits. Laj yic' ta ve'el ti yuts' yalaltaque. Scotolic ve'ic, ech' yu'unic ti ac'ubal ta vitse.

1 Reyes 14:23

Ti stuquique laj smeltsanic jujun c'opojebaletic. Laj sva'ananic loc'obbailetic ti loc'tabil ta te'etique, ti loc'tabil ta tonetique, ti laj yaq'uic ta jujun stseleje, ti oy ta yolon limajtic te'etique.

1 Reyes 3:2

Ja'uc taj une, ti jnaclejetique oyic to ta yaq'uel matanaletic ta toyol vitstic jech c'u cha'al ta spasic ti buch'utic ta snijan sbaic ta yich'el ta muc' ti c'usitic meltsanbil ta c'abale, ja' ti mu'yuc to ox meltsanbil ti ch'ulna ta sventa Dios ti jech c'ac'al taje.

1 Reyes 3:3

Mi juteb tuch'baj tenbaj ta yo'nton ta xa'i Dios ti Salomone. Stamoj ech'el ta spasel ti jbel c'usi yaloj comel ti David ti ja' stote, ac'o mi ta smil matanal ti ta xchic' pom ta toyol vitstique. Ja' jech ta spasic xtoc ti jnaclejetique.

2 Reyes 16:4

Ma'uc no'ox taje, yu'un laj yac' milbil matanaletic xchi'uc laj xchic' pom ti bu sbiinoj jujun c'opojebal ti oy ta jujun stselejtique, xchi'uc scotol ti oy ta yolon limajtic te'e.

2 Reyes 17:10

Ti ta jujun stseleje, ti ta yolon limajtic te'e, laj sva'anic loc'obbail tonetic xchi'uc sloc'obbailtac ti Aserae.

2 Crónicas 28:4

Ma'uc no'ox taje, laj yac' milbil matanaletic, xchi'uc chic'bil pom ta jujun c'opojebaletic, ta yolon scotol limlim muc'tiquil te'etic, xchi'uc ta xch'ulnatac ti bisbil ta diose.

Éxodo 24:5

Laj taj une, laj yalbe mantal jun chibuc querem israeletic ti ac'o smilic tot vacaxetic ti ta xac'beic ta smoton ti Diose, ti ta xchiq'uic ta sventa ti lajesobil o'ntonale.

Ezequiel 20:28

C'alal ochic batel ta banomil cu'un ti jbel sc'oplal ta xcac'beique, naca to no'ox laj staic ta ilel toyol stselej mi jun limlim te'. Lic yaq'uic ta anil milbil matanal ti bu taje. Yepal no'ox laj soquesbeicun co'nton yu'un ti matanale, naca yac'bel no'ox yu'unic ti muil momoletique, ti matanal vinoe.

Ezequiel 22:9

Ta scoj ti naca sjutel no'ox c'op yu'unique, oy jlom alumal tenel ta xc'ot ta sba ta scoj ti ta xlajic ta milel ti yane. Lec xa xa'iic xvoletic ta slajesel ti compiral ta sventa yich'obil ta muc' ti c'usitic meltsanbil ta c'abal ti oy ta c'opojebal ta jujun stselejale. Mu stac' q'uelel ti c'usitic laj spasique.

Ezequiel 43:27

Vucub (7) c'ac'al ma' ti jech sjalil ta spasique. Ta xvaxaquibal (8) c'ac'al un, ta xlic yaq'uic chic'bil matanal ta yich'el svocolic sventa ti lajesobil o'ntonale. Jun xa co'nton ta xacomic ta jtojol unbi. Xc'ot xic'opoj ma' ti vu'un Ajvalilune.”

Ezequiel 44:15

“Ti levitaetic snitilultac ti Sadoc ti c'otemic ta paleetique, le'e, xu' xnopajic ta jtojol ta tunel, yu'un staoj yav yac'oj sbaic ta tunel ta jch'ulna c'alal laj yictabeicun comel lequil be ti israeletique. Xu' ta sjelubtasbeicun talel ta jtojol ti xepu'e, xchi'uc xch'ich'el ti c'usi ta xich' svocol ta milele. Vu'un ta xcal mantal ti Ajvalilune.

Levítico 17:4

mi mu'yuc laj yich' talel ta ochebal sti' ti Axibalna ti bu nupel ta bee yo' jech ta xaq'ue, oy smul ti jeche' no'ox ta smal ti ch'ich'e. Ma'uc no'ox taj une, tenbil ta xloc' ta stojol ti xchi'iltaque.

Levítico 17:6

Ti palee ta svij ti ch'ich' ta joyob stsectac yaltar ti Diose, ta ochebal sti' ti Axibalna ti bu nupel ta bee. Ta xchic' ti xepu' ti jun yutsil smuil ta xc'ot ta stojol ti Diose.

Deuteronomio 12:2

“Yu'un xi s'elan sc'an xapasique: Lilinic ta j'ech'el ti jujun c'opojebal ti'inebal yu'unic ti lum yavil ti bu ta snijan xchiman sbaic ta yich'el ta muc' ti diosetic ta banomil ti bu ta xavu'ninique, ja' ti oy ta jujun toyol jol vitse, ti ta jujun yoc vitse, ti ta jujun yolon ti limlim yoc te'etique.