Levítico 17:4 - Bible in Tzotzil de Chamula

⁴ mi mu'yuc laj yich' talel ta ochebal sti' ti Axibalna ti bu nupel ta bee yo' jech ta xaq'ue, oy smul ti jeche' no'ox ta smal ti ch'ich'e. Ma'uc no'ox taj une, tenbil ta xloc' ta stojol ti xchi'iltaque.

Bible in Tzotzil de Chenalhó with Deuterocanon

⁴ ti muc xich' tal ta ti'ch'ulna pasbil ta nucul sventa chiyac'bun jmotonin, vu'un li Muc'ul Diosune, oy smul chc'ot o ta sventa ti la smal ch'ich'e, ac'o yich' loq'uesel batel ta atojolic.

Levítico 17:4 Iomraidhean Croise

Génesis 17:14

Yan ti buch'u mu xich' ti circuncisione, tsots sc'oplal ac'o yich' ch'aquel loq'uel ta atojolic ta scoj ti mu xac' ta venta ti jtratee.

Salmos 32:2

Xmuyubaj no'ox ti buch'u jamal lec ti yo'ntone, ti mu'yuc xa ta xtic'bat ta sat jtosuc yu'un Dios ti c'usi spasoje.

Éxodo 12:15

Vucub c'ac'al sjalil ta xave'ic pan ti mu'yuc yich'oj ti spajubtasobile. Yu'un ta xlic ta sliquebal sba c'ac'al ti ch'abal xa yich'oj spajubtasobil ti pan ta anaique. Buch'uuc no'ox ta sve' pan ti yich'oj spajubtasobil ti vucub c'ac'al taje, tenbil ta xloc' ta stojol ti israeletique.

Éxodo 12:19

Vucub c'ac'al sjalil mi ja'uc jset'uc ta xavac'beic spajobtasobil ti pane. Buch'uuc no'ox ta sve' pan ti yich'oj spajubtasobile, ta xich' jipel loq'uel ta stojol ti Israele, manchuc mi ja' jyanlum, mi ja' israel.

Éxodo 30:33

Yan ti mi oy buch'u ta xchapan yan aceite ti co'ol jech c'u cha'al taje, mi ta smalbe ta sba ti buch'uuc no'oxe, tenbil ta xloc' ta stojol ti xchi'iltaque.’ ”

Éxodo 30:38

Yu'un mi oy buch'u ta smeltsan yan pom ti co'ol s'elan ti ja' no'ox c'upil ta xa'i ti smuile, ten xi loq'uel ta stojol ti xchi'iltaque.”

Isaías 66:3

Ja'uc le'e, oy buch'u ta xac'be yich' svocol ta milel jcot tot vacax, ta smil vinic xtoc. Oy buch'u ta spajbe cuchilu ta snuc' ti chije, ta smil ts'i' xtoc. Oy buch'u ta xac' ta matanal ti jchop o ta trigoe, ta xac' ta matanal xch'ich'el chitom xtoc. Oy buch'u ta xchic' ti pome, ta xich' ta muc' loc'obbail xtoc. Ti buch'utic laj yac' sjol ta spasel ti va'i s'elan taj ti mu albajuc xchopolal ta j'ech'ele, jun yutsil ta spasel xa'i.

Ezequiel 20:40

Sjunul lum Israel ta xlic snijan sbaic ta yich'elun ta muc' ta jch'ul vits, ta cosilal ta toyol vits ti oy ta Israele. Mu lo'iluc no'ox ta xcal ti vu'un Diosune. Ximuyubaj xa ta xlic tunanic cu'un. Ta jc'anboxuc ti matanaletic ta xavac'beicune. Ich'beicun talel ti sba sat ts'unubaletic avu'unique, xchi'uc scotol ti c'usi loq'uem xa sc'oplal ta xavac'beicune.

Levítico 1:3

“Ti mi ja' yu'un stuc ti chon bolom ta xac' ta chic'bil matanele, sc'an ti ja'uc jcot tot vacax ti mu'yuc jutebuc xchopolile. Yo' jech ich'bil tsacbil ta xc'ot, tsots sc'oplal ta xich' aq'uel ta stojol Dios ta ochebal sti' ti Axibalna ti bu nupel ta bee.

Levítico 17:10

“Ta jcontrain scotol ti israeletique, mi ja' ti jyanlum ti nacal ta atojolique, ti c'uc no'ox s'elan ta stun ta slajes ti ch'ich'e. Ta jten loq'uel ti ta ateclumalique.

Levítico 17:14

Yu'un ti ch'ich'e, ja' xcuxlejal scotol ti c'usi xvic'lajet sate. Jech o xal un, laj calboxuc ava'iic ti mu xu' xatun xalajesic ti ch'ich'e. Yu'un ti buch'uuc no'ox ta stun ta slajes ti ch'ich'e, tenbil ta xloc'.

Levítico 17:3

“Buch'uuc no'ox ti israeletic mi ta smil jcotuc tot vacax, mi jcotuc chij, mi jcotuc tentsun, ti c'otem ta sventa matanal ti buyuc no'ox ta smile,

Levítico 17:5

Taje, ja' sc'oplal ti israeletic ti buch'utic laj xa smilic ti chon bolometic buyuc no'ox ta osiltic ti yalojic ta xc'ot ta smoton ti Diose. Avi le'e, ac'o yiq'uic batel ta ochebal sti' ti Axibalna ti bu nupel ta bee yo' jech ta xich' ti pale ti ta xac'be yich' svocol ta sventa ti lajesobil o'ntonale.

Levítico 17:9

ti mi mu'yuc ta xiq'uic batel ta sti' ti ochebal Axibalna ti bu nupel ta bee, ti ta xac'beic yich' ti Diose, tenbil ta xloc' yu'un ti steclumale.

Levítico 18:29

Ti buch'uuc no'ox ta spas jtosuc ti va'i s'elan toj chopol taje, ta xtenat loq'uel yu'un ti steclumale.

Levítico 20:16

“Mi oy jun ants ti ta sta ta chi'inel junuc chon bolome, jech ti antse xchi'uc ti chon bolome, ta xich'ic milel. Ti jech ta xchamique, ja' ta scoj stuquic.

Levítico 20:18

“Mi oy buch'u ta sta ta chi'inel jun ants ti c'alal yorail ta xil ti xchamele, ti laj yilbe ti xq'uexlalil ti jech laj xchi'ine, xchibalic, ac'o yich'ic jipel loq'uel yu'un ti steclumale, yu'un sna'ic lec ti laj soques sbaique.

Levítico 20:3

Ta jcontrain ti vinic taje. Ta jten loq'uel ti jech oy ta jteclum ta scoj ti ta soquesbun ti Axibalnae, xchi'uc ti ta soquesbun ti jc'oplal ti c'alal ta xac' junuc xnich'on ta stojol ti dios Moloque.

Levítico 3:2

Ti buch'u ta xac' ti matanale, ta scajan sc'ob ta sjol ti chon bolom ti ta xich' aq'uele. Va'i un, ta xich' c'ocbel snuc' ta sti' ochebal Axibalna ti bu nupel ta bee. Jech ti paleetique, ja' yabtelic ta sbonbe ta ch'ich' ta sba xchi'uc ta sjoylej stsectac ti altare.

Levítico 7:18

Yu'un mi oy buch'u ta sti' ti beq'uet ta yoxibal xa c'ac'al ti laj yich' svocol ta sventa ti lajesobil o'ntonale, mu'yuc xa tsacbil ich'bil ta muc' ta xc'ot ti jech laj yich' svocole. Bajbil ta xc'ot ti sbec'tale. Jech ti buch'u ta sti'be ti sbec'tal taje, xcuchoj lec ta xcom ti mulil taje.

San Juan 10:7

Xi laj xcha'al ti Jesuse: —J'ech'el ta xcalboxuc ava'iic, xi oy ti jc'oplale: Vu'unun ma' ti ti' corral bu ta x'och batel ti chijetique.

San Juan 10:9

Vu'unun ti ti' corrale. Ti buch'u ta x'och talel ta jtojole, ta xcol. Co'ol s'elan chij ti x'och xloc' ta corral ta stael ti sve'ele.

San Juan 14:6

Xi laj stac' ti Jesuse: —Vu'un c'otem ta jventa ti bee, ti melele, xchi'uc ti cuxlejale. Ti xu' xac'otic bu oy ti Jtote, vu'un ta jventa.

Romanos 4:6

Ti Davide laj ono'ox yal ti yan no'ox yutsil ti buch'u laj sta ti lec x'ile yu'un ti Diose, ti ma'uc ich'bil ta venta ti c'usi laj spase.

Romanos 5:13

C'alal mu'yuc to ox ti oy c'usi tsots sc'oplal albile, oy xa ono'ox ti mulil ta banomile, ac'o mi mu'yuc stijel ta alel ti mulil ti bu mu'yuc ta xich' tunesel ti oy c'usi tsots albil sc'oplale.

Romanos 5:20

Tal ti oy c'usi tsots sc'oplal albile, yo' ta svinajesbotic ti mu albajuc ti jmultique. Ac'o mi jech mu albajuc ti jmultique, ja'uc le'e, ja' ijelav ti xc'uxul yo'nton Dios ta jtojoltique.

Deuteronomio 21:8

Dios, ch'aybo smul scolo'ic ti avalab anich'nab Israel ti laj apoj loq'uel talele. Mi ja'uc xacajanbe ta sba ti jech mu na'baj c'uxi cham ti vinic le'e.’ Ti jech taj une, mi ja'uc ta x'ich'bat ye sti' ti jech cham ti vinique.