Levítico 17:10 - Bible in Tzotzil de Chamula

¹⁰ “Ta jcontrain scotol ti israeletique, mi ja' ti jyanlum ti nacal ta atojolique, ti c'uc no'ox s'elan ta stun ta slajes ti ch'ich'e. Ta jten loq'uel ti ta ateclumalique.

Bible in Tzotzil de Chenalhó with Deuterocanon

¹⁰ “Me oy boch'o ta sti' ch'ich', me israel, o me yanlum ti te co'ol nacaloxuc achi'uquique, ta jcontrain li boch'o jech ta spase. Ta jtu'pbe sts'unubal te ta atojolic.

Levítico 17:10 Iomraidhean Croise

Génesis 9:4

Ja' no'ox un, xi s'elan ti mu xu' xati'ique: ti cuxul tse xchi'uc ti xch'ich'ele, yu'un ta ch'ich' tsacal ti cuxleje.,

2 Samuel 23:17

ti xi lic yale: “¡Ma'uc calbe Dios ma' ti ta xcuch' une! ¡Yu'un co'ol s'elan ta xcuch'be xch'ich'el ti viniquetic li'e, ti mu sventaicuc mi ta xchamic ti ay spulic talel ti vo'e!” Mi ja'uc c'ot ta yo'nton ta yuch'el ti vo'e. Ja' jech taje ti laj spasic ma' ti oxib ti mu sna xi'ique.

Salmos 34:16

Ti Diose scontrainoj scotol ti buch'u chopolique; ta xch'aybe sc'oplal ta banomil un.

Éxodo 30:33

Yan ti mi oy buch'u ta xchapan yan aceite ti co'ol jech c'u cha'al taje, mi ta smalbe ta sba ti buch'uuc no'oxe, tenbil ta xloc' ta stojol ti xchi'iltaque.’ ”

Jeremías 21:10

Loc' ayan xa ta co'nton ta joybij ta chopol ti oy ox c'usi lec ta sta ti jteclum li'e. Ta xcac'be ta yoc ta sc'ob ti ajvalil yu'un jteclum Babilonia ti ac'o sbain ta spajbel ti sc'ac'ale. Ti vu'un Diosune, mu stselbuj ti jc'ope.

Jeremías 44:11

‘Jech o xal ti Ajvalilun ti scotol xu' cu'une, Dios yu'un ti Israele, xichi ta xcale: Jbel sc'oplal ta jtac talel vocol ta stsutsesel ti Judae.

Ezequiel 14:8

Ta jtsac ta c'op ya'iic ti vinic taje. Ta jtsits ya'iic ti na'bil ta xcom ti mu xlaj ta alel yu'unique. Ta jten loq'uel ta stojol ti jteclumale. Va'i unbi, ta xana'ic ti vu'un Ajvalilune.

Ezequiel 15:7

Ta xcal ta jamal ti contra xquilique. Ac'o mi ta to xcolic yu'un ti c'oq'ue, oy to yan c'oc' ti ta stsutsesatic ta j'ech'ele. Yu'un ti c'alal ta xcal ta jamal ti contra xquilique, ja' to ta xana'ic ti vu'un Ajvalilun une.

Ezequiel 33:25

“Xi xavalbe ya'iic ma' taj une: ‘Xi ta xal ti Diose: Ti vo'oxuque, capal xchi'uc xch'ich'el ti beq'uet ta xalajesique. Naca xyal no'ox avoc ac'obic ta milvanej. Quejel chimiloxuc ta yich'el ta muc' ti c'usitic meltsanbil ta c'abale ¿Mi xc'ot to o avalojic ta xac'otic ta yajval jun muc' ta lum une?

Ezequiel 44:7

Yu'un aq'uelojic no'ox ta xasoquesic ti jch'ulnae, ti ta x'ochic batel avu'unic ta yac'belun xepu', ch'ich' ti jyanlumetique, jnaclejetic ti mu'yuc yich'oj senyail jtrate ta snopbenal, ta sbec'talic. Ta xavalopatinic ti jtrate ta scoj ti mu stac' albel sc'oplal ti c'usitic ta xapasique,

Levítico 17:11

Yu'un scotol ti c'usitic xvic'lajet ti sate, ja' cuxulic yu'un ti xch'ich'elic ti oy ta sbec'talique. Laj cac' ti c'ot ta jtunel ta atojolic ti ch'ich'e yo' jech ta xtun ta altar. Yu'un ja' ta sventa ti ch'ich'e, c'ot ta jpojvanej avu'unic yu'un ti ach'iel ac'opojelique. Ja' yu'un un, ti ch'ich'e, c'ot ta spojel ti ach'iel ac'opojelique.

Levítico 19:26

“Ta j'ech'el mi ja'uc xati'ic jset'uc ti c'usi oy xch'ich'ele. “Mu xachanic ti t'unvaneje. Mi ja'uc xachanic ta scaj'alel ti oy c'usi ta xc'ot ta pasel le' to batele.

Levítico 26:17

Yu'un ta xijoybij ta avajcontraic. Tsalbil ta xac'otic yu'un ti avajcontraique. Yu'un tsalbil ta xac'otic yu'un ti buch'u xti'et sjol ta atojolique. Ta jech no'ox yepal xabitetic ta jatobal ac'o mi mu'yuc buch'u ta xasnutsoxuc.

Levítico 3:17

“Xi s'elan ta xal ti c'usi tsots albil sc'oplale, ti ich'biluc ta muc' sbatel osil ti ta x'ech'ic ti totil me'iletique, ti alab nich'nabiletic ti buyuc no'ox nacalique: J'ech'eluc mu xati'ic ti xepu'e, ti ch'ich'e.”

Amós 9:4

Ac'o mi bec'bil ta xloq'uic batel, ti ic'bil ta xbatic yu'un ti scontraique, ye'bil yespadailic cu'un yo' jech ta xlajic ta milel. ¡Cac'oj jsat ta sq'uelel ti c'usi chopole, ma'uc ti c'usi leque!”

Hechos 15:20

Ja' no'ox, jtacbetic batel jlicuc vun ta yalbel ya'iic ti mu soques sbaic xchi'uc ta smoton ti c'usi meltsanbil ta c'abale, ti mu slo'labe sba sjolic ti vinic antse, ti mu sti'beic sbec'tal ti chon bolometic ti mich'bil snuc' ta xchamique, ti mu stun slajesic ti ch'ich'e.

Hechos 15:29

Mu xati'ic sbec'tal ti chon bolometic ac'bil ta smoton ti c'usitic meltsanbil ta c'abale. Mu xatun xalajesic ti ch'ich'e. Mu xati'ic sbec'tal ti chon bolometic ti jic'avemic ta xchame. Mu slo'labe sba sjolic ti vinic antse. Jun yutsil ta j'ech'el mi jech ta xapasic taje. Ja' no'ox jech yepal ta xcalboxuc ava'iic. Ac'o xchi'inoxuc ti Diose.”

Deuteronomio 12:16

Ja'uc ti xch'ich'el une, mu xati'beic. Yu'un c'ajomal no'ox malic ech'el ta banomil jech c'u cha'al junuc vo'.

Deuteronomio 12:23

Ja'uc ti xch'ich'el une, ta jbel sc'oplal mu xati'beic. Yu'un ti xch'ich'ele ja' xcuxlej. Ja' yu'un un, mu xu' ti capal ta xati'beic ti sbec'tal xchi'uc ti xcuxleje.

Deuteronomio 15:23

Ja'uc le' une, j'ech'el mi ja'uc xati'beic ti xch'ich'ele. C'ajomal no'ox, malic ech'el ta banomil jech c'u cha'al junuc vo'.

Hebreos 10:29

Ja' yu'un un, x'ech' ta sta tsots tsitsel ti buch'utic yalel xa ta sju'beic ta teq'uel ti Xnich'on Diose, ti yalel xa ta sbajbeic ti xch'ich'ele, ti c'alal chopol ta xc'opoj ta stojol ti jc'uxubinvanej Ch'ul Espíritu yu'un ti Diose. Ti xch'ich'el taje, ja' ta sventa lic abtejuc ti trate yo' jech veintainbil c'otic yu'un ti Diose.

1 Samuel 14:32

C'ot ta pasel ti vol xiic ech'el ta slajesel ti c'usitic laj spojbeic ti yajcontraique, ti jip xutic ta lum ta sc'ocbel snuc' ti chije, ti me' vacaxetique, xchi'uc ti ch'in vacaxetique, ti cuxul tse xchi'uc xch'ich'el laj sti'ic ti beq'uet scotolique.

1 Samuel 14:33

Ja'uc le' une, oy jlom ti xi bat yalbeic ya'i ti Saule: —Ti lume laj xa sta smulic ta stojol ti Diose, yu'un syaquilic xa cuxul tse ta sti'ic ti beq'uet xchi'uc ti xch'ich'ele. Va'i un, ti Saule xi laj yale: —¡J'ac'vanejoxuc ta milel! Balalinbeicun talel jbejuc muc' ta ton li' to c'alale.