Levítico 16:5 - Bible in Tzotzil de Chamula

⁵ “Ti c'u yepal ti israeletique ta xac'beic cha'cotuc tot tentsun ti Aarone, ti ta xich' svocol ta scoj ti mulile, xchi'uc jcot tot chij ti ta xich' chiq'uele.

Bible in Tzotzil de Chenalhó with Deuterocanon

⁵ “Li Aarone ac'o stsac cha'cotuc tentsun ta sventa scotol li israeletique, ja' milbil matanal ta sventa smulic. Xchi'uc ac'o stsac jcotuc chij ta sventa chic'bil matanal.

Levítico 16:5 Iomraidhean Croise

2 Crónicas 29:21

Yic'ojic batel vuc-cot (7) ch'in vacax, vuc-cot (7) chij, vuc-cot (7) ch'in chij, xchi'uc vuc-cot (7) ch'in tentsun, ti c'ot ta matanaletic yu'un smulic ti c'u yepal oy yu'un ti ajvalile, ta sventa matanal yu'un ti ch'ulnae, ta sventa matanal yu'un ti Judae. Ti ajvalile laj yalbe mantal ti paleetic snitilultac ti Aarone, ti yaq'uicuc ta chic'bil matanal ta sba yaltar ti Diose.

Esdras 6:17

Ti yorail taje, laj yaq'uic milbil matanal vo'vinic (100) ta cot ch'in tot vacaxetic, lajunvinic (200) ta cot chijetic, xchi'uc chanib ciento (400) ta cot ch'iom tot chijetic. Ma'uc no'ox taje, laj to yaq'uic lajcha'cot (12) tentsun, jujucot yu'unic ti jujuvoc' snitilultac ti israeletique, ti c'ot ta stojol mulil yu'un sjunul ti Israele.

Levítico 1:10

“Mi ja' yu'un stuc ti chon bolom ta xich' chiq'uel ta matanale, mi ja' ti chije, mi ja' ti tentsune, tsots sc'oplal ti ja'uc me ti stote, ti mu'yuc jutebuc ti xchopolile.

Levítico 4:3

“Mi ja' laj sta smul ti banquilal palee, ti ta sta ta maquiel yu'un ti jteclume, tsots sc'oplal ta xac' ta stojol Dios jcotuc ch'iom tot vacax ti mu'yuc jutebuc xchopolile, ti ta xich' milel ta scoj ti smul ti laj stae.

Levítico 8:14

Ts'acal to un, ti Moisese laj stac ta iq'uel ti ch'iom tot vacax ti ta xich' milel ta scoj ti mulile. Jech ti Aarón xchi'uc ti xnich'nabe laj scajan sc'obic ta sjol ti ch'iom tot vacaxe.

Levítico 8:2

“Ti Aarón xchi'uc ti xnich'nabe, ic'o talel. Ich'o talel xtoc ti c'u'iletic sventa paleale, ti jtunel aceite sventa nupob abtelale, ti ch'iom tot vacax ti ta xich' svocol ta scoj ti mulile, ti cha'cot tot chije, ti jun moch pan ti mu'yuc ac'bil spajubtasobile.

Levítico 9:2

Xi laj yalbe ya'i ti Aarone: “Tsaco talel jcotuc ti ch'iom tot vacax ti ta xich' milel ta scoj ti mulile, xchi'uc jcotuc tot chij ti mu'yuc jutebuc ti xchopolile, ti ta xich' aq'uel ta chiq'uele, ti ta xich' aq'uel xtoc ta stojol ti Diose.

Números 29:11

Ma'uc no'ox taje, yu'un ta xaq'uic jcot tot tentsun ti ta xich' svocol ta milel ta scoj ti mulile. Ta xaq'uic xtoc ti matanal ti ta xich' svocol ta milel ta scoj ti mulil ti c'alal sc'ac'alil ta xich' tael ti ch'aybil ta xc'ot ti mulile. Ta xaq'uic xtoc ti chic'bil matanal ti oy sc'oplal ta xich' aq'uel ta jujun c'ac'ale, xchi'uc ti sts'aquebtac matanal sat ts'unubal ti jchop o ta trigoe, xchi'uc ti vinoe.

Romanos 8:3

Ta scoj ti mu'yuc yip ti lum ach'ele, mu'yuc xc'ot ta ch'unel ti oy c'usi tsots sc'oplal albil yu'un ti Moisese. Jech o xal ti Diose laj spas ti xi s'elan c'ot ta pasel yu'une: Yu'un co'ol s'elan jun jsa'mulil laj stac talel Xnich'on ti Diose. Laj yich' svocol ta stojel ti mulile yo' jech tub sc'oplal ti mulil ta sventa ti laj yich' ti sbec'tale.