Levítico 16:4 - Bible in Tzotzil de Chamula

⁴ Tsots sc'oplal ac'o slap ti tunco saquil c'u'il sventa abtelale, ti com-com saquil vexile, ti chuquile, xchi'uc ti saquil ts'ot jolile. Taje, ja' ti ch'ul c'u'il sventa abtelale. Ja' yu'un un, ti c'alal mu to ta slape, tsots sc'oplal ac'o spoc sba ta vo'.

Bible in Tzotzil de Chenalhó with Deuterocanon

⁴ Ac'o tslap ochel li natil ch'ul c'u'il pasbil ta lino noe, xchi'uc ac'o slap ochel noxtoc li sbiq'uit-vex pasbil ta lino noe, xchi'uc li xchuc, xchi'uc li xpix sjol pasbil ta lino noe. Le'e ja' ch'ul c'u'iletic, ja' yu'un c'alal mu'yuc to ta slape, ac'o atinuc lec ba'yuc.

Levítico 16:4 Iomraidhean Croise

Éxodo 28:2

Chapanbo jchopuc c'u'iletic ta sventa tunel yo' jech lec xa jun yutsil xtixet ta xc'ot o xchi'uc ti achi'il ta voq'uel Aarone.

Éxodo 29:4

Ts'acal to un, ti Aarone xchi'uc ti xnich'nabe, ic'o talel ta sti'il ochebal Axibalna ti bu nupel ta bee, ac'o atinicuc avu'un.

Éxodo 30:20

Yu'un pocbil lec yoc sc'obic ta x'ochic batel ta Axibalna ti bu nupel ta bee, xchi'uc ti c'alal ta xnopajic batel ta sts'el altar ti ta xtunic ta yaq'uel xchic'bel smoton ti Diose. Ja' jech mu xchamic.

Éxodo 40:12

“Ta ts'acal to un, ic'o batel ti Aarón xchi'uc ti xnich'nab ta sts'el sti' ti Axibalna ti bu nupel ta bee. Ac'o atinicuc avu'un.

Isaías 53:2

Yu'un ti Diose oy ox ta yo'nton ch'i c'opojuc ti yajtunel jech c'u cha'al ti jch'iel te'e, ti sts'unuc yalel yibel ta taquin banomile. Mu'yuc, mi ja'uc xtixetel yutsilal. Xitic no'ox ta q'uelel ti sat yelove.

Ezequiel 44:19

C'alal mu to xloq'uic talel ta amac' bu volol ti jteclume, tsots sc'oplal sloq'uicuc comel ti c'u'il laj stunesic ta ch'ulnae. Yictaicuc comel ta jujuc'ol naetic yu'un ti ch'ulnae yo' jech mu xch'am jteclum yutsilal slequilal ti c'u'ile.

Ezequiel 9:2

Laj quil un ti ochic batel vacvo' (6) viniquetic ta ti'na ti oy ta toyol ti xi sq'ueloj batel ta stuq'uil yolon ti yolon xocon sloq'ueb c'ac'ale, ti stsacoj smarzo te'ic ti jujune. Ti ta o'lol yu'unique, ta xanav batel jun vinic ti sac bitan no'ox ta saquil xela poc' ti sc'u'e, ti joc'ajtic talel ta xchucbenal ep ta tos ti c'usitic ta xtun ta ts'ibajome. Ochic batel. Tey c'ot sva'an sbaic ta sts'el ti c'anal taq'uin altare.

Levítico 16:23

Mi laj taj une, ti Aarone ta x'och batel ta Axibalna ti bu nupel ta bee. Ta sloc' ti saquil c'u'il ti slapoj ochel ti c'alal och batel ta Bats'i Cuxul Ch'ul Cuartoe, tey ta xicta comel.

Levítico 16:24

Ti bu ono'ox oy ti ta Bats'i Cuxul Ch'ul Cuartoe, ta spoc sba ta vo'. Mi laj taj une, ta xlic slap ti sc'u'e. Ta xloc' talel un yo' jech ta xchic' ti c'usi ta xac' ta sventa ti stuque, xchi'uc ti c'usi tsots sc'oplal ta xaq'uic ta chiq'uel ti jteclume. Ja' to jech ta stabe talel ti ch'aybil ta xc'ot ti smul stuque xchi'uc smul ti jteclume.

Levítico 16:32

Jech ti pale ti buch'u c'ot ta t'ujele, ti ja' ac'bat yich' yabtel ti ta xich'be comel yabtel ti stote, ja' xa ta xabtelan ta spasel ti c'u s'elan ta tael talel ti ch'aybil ta xc'ot ti mulile. Ta slap ti saquil c'u'il sventa ti paleale,

Levítico 6:10

Jech ti palee ta slap ti sc'u'e xchi'uc ti scom-com saquil vexe. Mi laj taj une, ta stsob loq'uel stanil ti chon bolom ti laj yich' chiq'uel ta sba ti altare. Ta xac' ta jot xocon ti altare.

Levítico 6:3

mi ja' ti ta sbis ta yu'un ti c'usi naca stamol ti bu laj stae, mi ja' ti naca lo'lavanej ta spas ti oy c'usi xac'an xa ta rextico yilele, ti c'usiuc no'ox jtosucal ti jech ta spas ti smul taje,

San Lucas 1:35

Xi tac'av ti anjele: —Ta xtal ta atojol ti Ch'ul Espiritue. Ta svoliot ta smuc'ul stsatsal ti Dios oy ta vinajele. Jech o xal ti ch'ul olol ta xvoc' ta atojole, ta x'albat sc'oplal ja' Xnich'on ti Diose.

Filipenses 2:7

Yu'un stuc laj yicta comel ti c'u s'elan bu to ox oye, c'ot jech c'u cha'al junuc jtunel, yu'un laj yich' sbec'tal stacopal, voc' ta banomil.

Hebreos 10:22

Jech o xal un, sjunuluc co'ntontic nopajcutic batel ta stojol ti Diose, ti j'ech'eluc ta jch'untic oe, ti pocbil xa c'ot ti c'usitic chopol laj snop ti jol co'ntontique, xchi'uc pocbil xa ta ch'ul vo' ti jbec'tal jtacopaltique.

Hebreos 2:14

Jech c'u cha'al ti alab nich'nabiletic ti ta xvoq'uic ta jchop nae, ti jun ti sbec'tal xch'ich'elique, jech ec ti Jesuse laj yich' xch'ich'el sbec'tal stacopal yo' jech ta slilinbe yip yabtel ti buch'u jbel sc'oplal ta xismilotique, ti ja' sc'oplal ti pucuje.

Hebreos 7:26

Ti Jesús taje, ja' ti tsots sc'oplal ta xtun cu'untic ta Banquilal Palee, yu'un ja' jun ch'ul vinic. Mu'yuc c'usi chopol laj spas. Mu xco'olaj yo'nton jech c'u cha'al ti jsa'muliletique, yu'un x'ech' to cajal sc'oplal ta vinajel.