Levítico 16:21 - Bible in Tzotzil de Chamula

²¹ Va'i un, ta scajan sc'ob ta sjol ti tentsune. Jamal ta xal ti ac'o yich'be batel scotol ti xchopolalique, ti stoyobbailique, xchi'uc smulic ti israeletique. Ti jech taj une, ta scajanbeic batel ti mulil ta sjol ti tentsune. Oy buch'u ta x'abolaj ta yiq'uel batel yo' jech ta scolta comel ta sbajtical banomil.

Bible in Tzotzil de Chenalhó with Deuterocanon

²¹ Ac'o yac' xchibal sc'ob ta sjol li tentsune; ac'o yal ta jamal c'usi chopol spasojic, c'u x'elan stoyoj sbaic, xchi'uc c'usi smulic li achi'iltaque. Ja' jech chich' ac'bel xcuch scotol muliletic li tentsune. Jun vinic ac'o yic' batel li tentsune; ac'o bat scolta comel ta xocol banamil.

Levítico 16:21 Iomraidhean Croise

Esdras 10:1

C'alal yacal ta c'opojel ti'inel ti Esdras ta xcholel jelavel ti c'ope, x'oc' x'avan xa ti quejel ta xch'ulna ti Diose, laj svol sbaic talel epal israel viniquetic, antsetic, xchi'uc ololetic ti x'oc' x'avanic xa joyol ta stojole.

Salmos 32:5

Mu jutebuc laj jmac que jti' yu'un ti jmule, ti c'usi chopol jpasoje; c'ot ta co'nton ti jamal laj calbot ava'i ti jmule, laj ach'aybun ti jmul une, Dios.

Salmos 51:3

Quiloj ti toyobba xca'i jba une, ti mu cha'bel xch'ay ta co'nton ti jmule.

Éxodo 29:10

“Ts'acal to un, ic'o talel ta sti'il ochebal Axibalna ti ch'iom tot vacaxe yo' jech ti Aarone, xchi'uc ti xnich'nabe, ta scajan sc'obic ta sjol ti chon bolome.

Proverbios 28:13

Mu lecuc ta xc'ot xchi'uc ti buch'u smucoj no'ox ti smule; ti buch'u ta sjam ti smule, ti ta xicta comele, ta xch'aybat.

Isaías 53:6

Yu'un jcotoltic lijch'ayotic ta be jech c'u cha'al junuc chij. Laj jtamtic batel ta jujun ti jbetic ti c'u s'elan xal ti co'ntontique. Ja'uc ti Dios une laj scajanbe ta sba scotol ti jmul jcolo'tique.

Levítico 1:4

Va'i un, ta scajan sc'ob ta sjol ti chon bolome. Jech ti chon bolom une, tsacbil ich'bil ta xc'ot ta muc' yo' jech ta xich' tael ti ch'aybil ta xc'ot ti smul scolo'ique.

Levítico 16:20

“C'alal mi tsuts xa yu'un Aarón ta stusel spoquel ti Bats'i Cuxul Ch'ul Cuartoe, xchi'uc ti Axibalna ti bu nupel ta bee, xchi'uc ti altare, ta stac ta iq'uel ti tentsun ti cuxul to ti ja' yu'un ti Azazele.

Levítico 16:22

Ja' yu'un un, ti c'alal jech ta xch'ay batel ta sbajtical banomil ti tentsune, xcuchojbe batel scotol ti xchopolalic ta sts'ijlajan banomile.

Levítico 26:40

“Ac'o mi laj to avilic ti achopolique, xchi'uc xchopolalic ti atot ame'ique, xchi'uc ti mu'yucun ta avo'ntonique, xchi'uc ti laj to avilic ti laj asoquesbeicun ti co'ntone,

Levítico 5:5

“Ti buch'u tabat smul yu'un ta scoj jtosuc taje, ac'o yal c'usi ti mulil ti c'otem ta pasel yu'une.

Romanos 10:10

Ta jtatic ti lec xij'ile yu'un ti Dios ta sventa ti ta jch'untic ta sjunul co'ntontique. Ja' jech xtoc ta xloc' ta quetic ti ja' Cajvaltic ti Jesucristoe yo' ta xich' tael ti colele.

2 Corintios 5:21

Ti Cristoe mi juteb oy smul, ja'uc le'e, ta jcojtic vo'otic ti oy smul c'ote, jsa'mulil ile yu'un ti Diose yo' ta sventa Cristo ta jtabetic slequilal yutsilal ti Diose.