Levítico 16:2 - Bible in Tzotzil de Chamula

² Va'i xtoc un, ti Diose xi laj yalbe ti Moisese: “Albo ya'i ti achi'il ta voq'uel Aarone ti mu me c'uc no'ox ora ta x'och batel ta Bats'i Cuxul Ch'ul Cuarto ti oy ta spat ti muc' ta poq'ue, mi ja'uc ta sts'el smac sti' ti caxae yo' jech mu xchamic, yu'un ta xcac' jba iluc ta toc ti ta sba smaque.

Bible in Tzotzil de Chenalhó with Deuterocanon

² Jech i'albat: “Albo abanquil Aarón ti mu me c'usiuc no'ox ora ch-och ta yut ch'ulna pasbil ta nucul te ta xcha'c'olal ta spat yo' bu joc'ol li poc' te ta yeloval smac caxae yu'un jech mu xcham. Yu'un li vu'une te chtal cac' jba ta ilel ta jun toc ta sba smac li caxae.

Levítico 16:2 Iomraidhean Croise

1 Reyes 6:16

Ma'uc no'ox taje, ta naca ch'ut te' tenel-te' laj sjil ta maquel ta yac'ol ta yolon ta yut ta spat ti ch'ulnae, ti yich'oj baluneb (9) metro sjamlej ta jujujot ti laj stuch' ta maquele, ti c'ot ta sventa yavil yu'un ti Bats'i Cuxul Ch'ul Cuartoe.

1 Reyes 8:6

Laj taj une, ti paleetique laj xchechic ochel xcaxail strate Dios ta yut ti ch'ulnae, ti laj yaq'uic comel ta Bats'i Cuxul Ch'ul Cuarto ta yolon ti c'usi oy xiq'uique.

2 Crónicas 5:14

Ta scoj ti toque, mu'yuc xu' yu'un ti paleetic ta spasel stoyel xi'el ti Diose, yu'un yutsilal slequilal ti Diose laj svol sba ta sjunul ti ch'ulnae.

Éxodo 30:10

Ti altar taje, j'ech'el c'otem ta yu'un ti Diose. Ti Aarone, jten ta jujun jabil, ta xjaxbe ch'ich' ta xulub ti altare yo' jech mesbil tusbil ta xc'ot ta sventa xch'ich'el ti chon bolom ti laj yich' svocol ta sventa stael ti ch'aybil ta xc'ot ti mulile. Scotol jabil ta sc'an ta xich' pasel ma' ti va'i s'elan taj une.”

Levítico 16:13

Ta xlic yac' ti pom ta sba ti ac'al ta stojol ti Diose. Ti xch'ailal ti pome xtoquet no'ox ta smac sjunul sba ti bu oy smac sti' xcaxail ti tratee. Ti va'i s'elan taj une, ja' jech mu xcham ti Aarone.

Levítico 16:34

“Ti jbel ti c'usi tsots albil taje, xi s'elan com o ta atojolique: Jun velta ta jujun jabil, ta xapasic ti c'u s'elan comem sc'oplal ti ta xataic ti ch'aybil ta xc'ot smulic ti israeletic ti bu jelavique.” Ja' jech laj yich' pasel jech c'u cha'al albat mantal ti Moisés yu'un ti Diose.

Levítico 23:27

“Ta slajunebal c'ac'al yu'un ti yucubal ue, ja' sc'ac'alil ti ch'aybil ta xc'ot ti mulile. Tsots sc'oplal ta xapasic jun ch'ul tsoblej, xchi'uc ta xavicta avotic ti jech c'ac'al taje, xchi'uc ta xachiq'uic ti matanal sventa yich'el ta muc' ti Diose.

Levítico 8:35

Ac'o mi jech un, ja'uc ti vo'oxuc une, tsots sc'oplal, vucub c'ac'al, vucub ac'ubal sjalil, ta xacomic ta ochebal sti' ti Axibalna ti bu Nupel ta bee. Ich'biluc ta muc' c'otuc avu'unic smantal ti Diose, yu'un ja' jech laj quich' talel ti mantale yo' jech mu xachamic.”

Números 17:10

Va'i un, ti Moisese xi albat yu'un ti Diose: “Bat ac'o yan velta ta xcaxail yu'un trate snamte' ti Aarone. Q'uejo ti bu taje, ti ja' ta xtun ta sventa sbijubtaselic ti toyobba jteclume. Ti jech taj une, ja' to ta xicta sbaic ta xchopol c'optaelun, mi ja'uc ta xchamic.”

Números 18:7

Ja'uc ti c'usi sc'an pasel ta stojol ti altare, xchi'uc ti c'usi sc'an ta spat ti bu lich'il ti muc' ta poc' ta sventa ti paleale, ja' me avabtelic ta xapasic xchi'uc ti anich'nabe. Taje, ja' avabtelic ta sbainel. Yu'un c'ot ta nopel cu'un ti ta xa'abtejic ta paleale. Mi oy buch'u ta x'abtej ta paleal s'elan ti c'alal ma'uc yabtele, chapal sc'oplal ta xich' milel.”

Números 4:19

Yo' jech mu sta svocolic ta xchamic ta scoj ti ta spiquic ti c'usitic ac'bil xa jelavel ta ventainele, tsots sc'oplal ti xi s'elane: Ti Aarón xchi'uc ti xnich'nabe, ja' ta sbainic ta yalbel ta jujun tal ti c'usi spasique, xchi'uc ti c'usitic ta xich'ic batele.

Números 4:5

C'alal ta xc'ot ta pasel ti ta xlic stam batel sbeic ti israeletique, jech ti Aarone xchi'uc ti xnich'nabe ta sjitunic ti muc' ta poc' ti lich'il ta ochebal sti' ti Bats'i Cuxul Ch'ul Cuartoe, ti ja' smacoj o xcaxail ti tratee.

San Mateo 27:51

Ta yorail taj une, ja' o jat, pas ta cha'lic ti muc' ta jilich' poc' ti oy ta ch'ulnae. Lic tal sjatemal ta sjol c'alal to yoc. Nic ti banomile. Laj javuc ti ch'enetique.

Hebreos 6:19

Ti patob o'ntonal taje, ja' ta xac' jna'tic ta co'ntontic ti lec ts'unulotic ta stojol ti Diose, co'ol s'elan jech c'u cha'al jcot barco ti lec cotol c'alal ic'bil lec yu'un ti yicobe. Ja' jun patob o'ntonal ti jelav xa ech'el ta spat ti bu oy ti muc' ta jilich' poc' ta ch'ulna ti oy ta vinajele.

Hebreos 9:25

Ti och batele, ma'uc ta sventa yo' ep ta coj ta xaq'uilan ch'ich' jech c'u cha'al ta spasic ti banquilal paleetic ti ta x'ochic batel jujun jabil ta bats'i ch'ul cuarto ta yaq'uel ti yan ch'ich'e.

Hebreos 9:3

Ta jc'ol slajeb yutil xcha'c'olal cuartoe, ti bu joc'ol ti muc' ta jilich' poq'uile, ja' xa ti bu oy ti bats'i ch'ul cuartoe.

Hebreos 9:5

Ta sba ti bu oy ti caxa taje, va'al chib sloc'obbail ánjel ti smacoj ta xiq'uic smac sti' ti caxae, ja' senyail ti ja' sva'anoj sba stuc ti Diose, Avi tana li'e, ma'uc xa tsots sc'oplal ta xcalcutic ava'iic.

Apocalipsis 15:8

Ti ta ch'ulnae, noj ta ch'ail ti lic talel ta sventa yutsilal smuc'ul stsatsal ti Diose. Mu'yuc buch'u ta x'och batel, mi junuc mi mu'yuc to ech' ti vuctos cuxul j'ilbajinvanej vocol ti yich'ojic batel ti vucub anjele.