Levítico 16:16 - Bible in Tzotzil de Chamula

¹⁶ Ti jech ta spas taj une, ja' jech ta spoc ta stus loq'uel ta Bats'i Cuxul Ch'ul Cuarto scotol xchopolalic, stoyobbailic, smulic ti israeletique. Ja' jech ta spas xtoc ta Axibalna ti bu nupel ta be ti oy ta o'lol yu'unique, ta scoj ti soquem ta xchopolalique.

Bible in Tzotzil de Chenalhó with Deuterocanon

¹⁶ Ja' jech lecubtasbil chcom ta sventa c'usitic chopol li yut ch'ulnae, xchi'uc ta sventa smulic li achi'iltaque. Ja' jech tsc'an pasel noxtoc ta sventa scotol li ch'ulna pasbil ta nucul ti te oy ta stojolic xchi'uc xchopolilique.

Levítico 16:16 Iomraidhean Croise

Éxodo 30:10

Ti altar taje, j'ech'el c'otem ta yu'un ti Diose. Ti Aarone, jten ta jujun jabil, ta xjaxbe ch'ich' ta xulub ti altare yo' jech mesbil tusbil ta xc'ot ta sventa xch'ich'el ti chon bolom ti laj yich' svocol ta sventa stael ti ch'aybil ta xc'ot ti mulile. Scotol jabil ta sc'an ta xich' pasel ma' ti va'i s'elan taj une.”

Levítico 16:17

“Ti c'alal oy ta yut Bats'i Cuxul Ch'ul Cuarto ti Aarón yo' jech ta sta talel ti ch'aybil ta xc'ot ti mulile, mu'yuc buch'u xu' junuc ti oy ta Axibalna ti c'alal mu'yuc to ta xloc' talele. Yan ti mi laj xa sta talel ti ch'aybil c'ot ti smul stuque, xchi'uc ti c'u yepal oy ta snae, xchi'uc scotol ti c'u yepal oy ti israeletique,

Levítico 16:18

va'i unbi, ta xloc' talel yo' jech ta stus ta poquel ti altar ti oy ta stojol ti Diose. Ta stsac jutebuc xch'ich'el ti ch'iom vacaxe xchi'uc ti tentsune. Ta xjax ta xulubtac ta sjoylej ti altare.

Levítico 23:27

“Ta slajunebal c'ac'al yu'un ti yucubal ue, ja' sc'ac'alil ti ch'aybil ta xc'ot ti mulile. Tsots sc'oplal ta xapasic jun ch'ul tsoblej, xchi'uc ta xavicta avotic ti jech c'ac'al taje, xchi'uc ta xachiq'uic ti matanal sventa yich'el ta muc' ti Diose.

Levítico 8:15

Va'i un, ti Moisese laj sc'ocbe snuc'. Laj sts'aj sni' sc'ob ta xch'ich'el, ba xjax ta xulubtac ti altare yo' jech ta smes ta stus ti altare. Ja'uc ti scomelal ti ch'ich'e, laj smal ta yoc ti altare. Ti altar taj une och ta tunel yu'un ti Dios ta sventa xch'ayobil ti mulil colo'ile.

Números 17:11

Ti Moisese jech laj spas scotol jech c'u cha'al albat mantal yu'un ti Diose.

Números 28:15

Ma'uc no'ox taje, yu'un ti chic'bil matanal ta xich' aq'uel ta jujun c'ac'ale, tsots sc'oplal ta xich' svocol ta milel jcotuc tentsun ta stojol Dios ti ta xich' svocol ta scoj ti mulile, xchi'uc ti vino ti ja' sts'aqueb ti matanale.

San Juan 14:3

Ta xibat un, ta xba jchapan ta smeltsan ti bu ta xanaquiique. Ts'acal to un, ta xisut talel yo' ta xquic'oxuc ech'el yo' tey oyoxuc ti bu oyune.

Hebreos 2:17

Yo' jech xc'ot ta pasel, tsots sc'oplal co'ol s'elan c'ot jech c'u cha'al ti xchi'iltac ta voq'uele, yo' jech c'ot ta banquilal pale ti oy syail xc'uxul yo'nton ti oy ta tunel ta stojol ti Diose, yo' jech ta xch'aybe smul scolo' ti jnaclejetic ta banomil ta sventa ti laj yac' sba ta milele.