Levítico 16:12 - Bible in Tzotzil de Chamula

¹² Mi laj taj une, ta stsac jun yav ac'al ti nojesbil ta ac'al ti laj yich' tamel ta altar ti oy ta stojol ti Diose, xchi'uc cha'jopuc juch'bil muil pom. Ta xich' batel ta spat ti bu lich'il ti muc' ta poq'ue.

Bible in Tzotzil de Chenalhó with Deuterocanon

¹² Ts'acal ac'o stsac li xchic'ubil pom nojem ta yac'alil scajleb jmoton te oy ta jtojole xchi'uc cha'jop juch'bil pom ti lec mu yiq'ue; ac'o yich' batel te ta spat yo' bu joc'ol li poq'ue.

Levítico 16:12 Iomraidhean Croise

Éxodo 31:11

Ma'uc no'ox taje, ta smeltsan xtoc ti aceite sventa ti nupob abtelale, ti muil pom ti ta xtun ta ch'ulnae. Ja' yu'un un, ti stuquique tsots sc'oplal, ac'o xchapanic lec scotol jech c'u cha'al laj calbot ti mantale.”

Éxodo 37:29

Ti Bezaleele ta smeltsan xtoc ti jtunel aceitee, xchi'uc ti pom ti bats'i smuil o stuque jech c'u cha'al ti jmeltsanej muil poxiletique.

Levítico 10:1

Ti Nadabe xchi'uc ti Abiue, ti ja' xnich'nab ti Aarone, lic stamic jujun ti xchic'obil ac'ale. Laj stsanbeic sc'ac'al. Laj yac'beic pom ta sba ta sjovil no'ox sjolic ti c'u s'elan laj yaq'uic ti c'oc' ta stojol ti Diose, ti mu jutebuc ti jech albilique.

Números 16:18

Va'i un, jujun laj stamic batel ti yav yac'alique. Laj yac'beic yac'alil xchi'uc ti spomale. Jmoj laj sva'an sbaic ta cholej ta sti' ochebal Axibalna xchi'uc ti Moisese, ti Aarone.

Números 16:46

Va'i un, ti Moisese xi laj yalbe ya'i ti Aarone: —Tsaco talel ti yav avac'ale. Ac'bo yac'alil ti oy ta altare. Ac'bo spomal. Yu'un batan ta anil ti bu volol ti jteclume. C'anbo Dios ti ch'aybatuc ti smul scolo'ique. Yu'un til xa ti sc'ac'al yo'nton Diose. Yu'un ti c'usi chopol ta xc'ot ta pasele, yu'un yacal xa.

Deuteronomio 33:10

Yu'un ti stuquique ta xchanubtasic ti Jacob ti jbel ti c'usi albile, xchi'uc ti c'usi nopbil avu'une. Ta xabtelan ta atojol ta yaq'uel ta sba avaltar ta xchiq'uel ti pome, xchi'uc ti chon bolometic ti ta xc'ot ta matanale.

Hebreos 9:14

Ti mi ja' jech taj une, buc xa la xch'ich'el ti Cristo ti ja' x'ech' to jelavem ti yip xu' yu'une. Ti jech coltabil yu'un Ch'ul Espíritu ti sbatel osil cuxule, ti Cristoe laj yac' sba ta milel ta stojol Dios ti c'ot ta jun matanal ti mu'yuc xchopolale, yo' ta xcac' jbatic ta tunel ta stojol ti Dios ta sventa ti tun ti xch'ich'el ta spoquel stusel ti sbolil jol co'ntontic ti naca ch'ayel jq'uelojtic batel yu'une.

Hebreos 9:7

Ti ta xcha'c'olale, ja' no'ox ta x'och batel jcoj ta jabil ti banquilal palee. C'alal ta x'och batele, tsots sc'oplal ta xich' ochel xch'ich'el chon bolometic ti ta xac' ta sventa stojol smul ti stuque, xchi'uc stojol smulic ti jteclum ti bu mu'yuc laj ya'iic laj sta ti smulique.

1 Juan 1:7

Mi oyotic ta saquilal osil jech c'u cha'al ti Dios oy ta saquilal osile, va'i unbi, co'ol co'ntontic jcotoltic. Ja' jech xtoc xch'ich'el ti Xnich'one, ja' ti Jesucristoe, ta spoc ti c'usiuc no'ox mulil ti oy ta jtojoltique.

Apocalipsis 8:5

Ti ánjel xtoque laj snojes ta yac'alil c'oc' ti oy ta altar ti yavil ac'ale. Laj sjip yalel talel ta banomil. Xc'avlajet no'ox liquel un. Xvo'o'et ta j'ech'el. Xjaplajet no'ox liquel ti sac tsele xchi'uc ti niquele.