Levítico 16:10 - Bible in Tzotzil de Chamula

¹⁰ Ja'uc ti jcot tentsun ti ja' smacoj c'ot ti xbat ta yu'un ti Azazele, cuxul ta xac' jelavel ta stojol ti Diose yo' jech ta sta ti ch'aybil ta xc'ot ti mulile. Mi laj taj une, cuxul ta scolta batel ta sbajtical banomil ti bu oy ti Azazele.

Bible in Tzotzil de Chenalhó with Deuterocanon

¹⁰ Li jcot chc'ot ta sventa jcuchmulile cuxul ac'o yac'bun ta jtojol li palee yu'un jech ch'aybil chc'ot smulic li israeletique. Ts'acal ac'o scolta batel ta xocol banamil yo' bu oy li Azazele.

Levítico 16:10 Iomraidhean Croise

Levítico 14:7

Va'i un, ti ch'ich'e, vucub velta ta xich' vijbel ta sba ti buch'u ta xich' poquel tusel yu'un ti c'a'emale. Jamal ta xalbe sc'oplal ti lec xa oye. Yan ti cuxul mute, ta scolta batel.

Levítico 16:8

Mi laj taj une, xi s'elan ta xlic sq'uelbe yorail ti cha'cot tentsune: Jun ta xc'ot ta yu'un ti Diose. Jun ta xc'ot ta yu'un ti Azazele.

Levítico 16:9

Ti c'usi jcotucal ti tentsun ti c'ot ta yu'un ti Diose, jech ti Aarone ta xac'be yich' svocol ta scoj ti mulile.

Romanos 3:25

Ja' yu'un un, ti Diose laj yac' ta milel ti Cristo ti laj smal ti xch'ich'ele sventa yo' ch'aybil ta xc'ot ti mulile. Ta stael ti ch'aybil ta xc'ot ti mulile, ja' no'ox ta sventa ti ta xc'ot ta o'ntonale. Jech laj spas ti Diose yo' ta svinajes ti oy slequilal yutsilale, ti laj xch'aybe smulic ti jnaclejetic ti vo'ne sts'icojbe talel ti c'u s'elan laj c'otuc ta pasele.

Romanos 4:25

Aq'ue ta milel ta scoj ti jmultique, xchi'uc cha'cuxesat yo' jech ta jtatic ti lec xij'ile yu'un ti Diose.

2 Corintios 5:21

Ti Cristoe mi juteb oy smul, ja'uc le'e, ta jcojtic vo'otic ti oy smul c'ote, jsa'mulil ile yu'un ti Diose yo' ta sventa Cristo ta jtabetic slequilal yutsilal ti Diose.

1 Juan 2:2

Ti jech laj yac' sba ta milel ti Jesucristoe, laj jtatic yu'un ti ch'aybil c'ot ti jmultique. Ma'uc no'ox ti vo'otique, ja' jech c'ot ta stojol scotol ti jnaclejetic ta sjoylej banomile.

1 Juan 3:16

Jna'tic lec c'u s'elan ma' ti c'uxul o'ntonale, yu'un ti Jesucristoe laj xa yac' sba ta milel cu'untic. Jechuc me co'ntontic ta scoltael ti jchi'iltique, manchuc mi ta xcac' jol jbaquiltic yu'un.