Levítico 15:5 - Bible in Tzotzil de Chamula

⁵ “Ti buch'uuc no'ox ta stsac ti c'usiticuc ti bu laj xpuch'an sba ti vinic taje, tsots sc'oplal ac'o xchuc' ti c'u'ile, ac'o spoc sba ta vo'. C'otuc ta o'ntonal ti ta smalil to c'ac'al ta xch'ay ti sbolile.

Bible in Tzotzil de Chenalhó with Deuterocanon

⁵ “Boch'ouc no'ox ta spic ti bu chmochi li vinique ac'o xchuc' lec sc'u', ac'o atinuc lec; pero chopol chcom o c'alal to ch-och ac'ubal.

Levítico 15:5 Iomraidhean Croise

Salmos 26:6

Pocbil xa c'otem ti jc'ob une, mu'yuc xa jmul jcolo'; jc'an xa ca'i xinopaj ta sts'el ti avaltare, Cajval.

Salmos 51:2

Meso tuso loq'uel ti jchopolale. Meso tuso loq'uel ti mulil oy ta jtojolale.

Salmos 51:7

Mesun tusun ta hisopo te', mesbil ta xic'ot unbi; pocun un, x'ech'uc to sac lapanel ta xicom jech c'u cha'al ti bote.

Éxodo 19:10

Va'i un, xi albat xtoc yu'un ti Diose: —Batan, yu'un avie xchi'uc ti oc'ome, tana no'ox, ac'o xchapan sbaic avu'un ti israeletique yo' ta spasbeicun ti quich'el ta muq'ue. Tsots sc'oplal chuc'bil lec ti sc'u'ique.

Isaías 1:16

Poco, tuso abaic. Tenic jipic loq'uel ta jba ta jsat ti achopolalique. Ictao abaic ta spasel ti chopole.

Isaías 22:14

Va'i un, ti Dios ti scotol xu' yu'une, laj yac' sba iluc ta jtojol ti xi tsots laj yalbun ca'i ta jchiquine: “Mu xa jch'aybeic smul scolo'ic ma' ti jech le'e. Ta xc'ot ta pasel ma' ti ba'yel ta xac' sjol sbaquilic yu'une.” Ma' ti va'i s'elan taje, ja' me ta xal ti Dios ti scotol xu' yu'une.

Ezequiel 36:25

Ta yax jipan vo' ta jpocoxuc. Ta jmes ta jtus loq'uel ti c'usitic mu xtun oy ta atojolique, xchi'uc ti sbolil laj ach'ambeic ti laj anijan abaic ta yich'el ta muc' ti c'usitic meltsanbile.

Ezequiel 36:29

Ta jten loq'uel scotol ta atojolic ti bu laj soquesoxuque. Ta jventa, busul liquel ti trigo avu'unique. Mu'yuc xa ta jtac talel vi'nal ta atojolic.

Levítico 11:24

“Ti bu xu' ta xasoquesoxuque, xi s'elan jech c'u cha'al li'e: “Buch'uuc no'ox ta spic ti chamem chonetic taje, ta smalil to c'ac'al ta xlaj yip ti staoj svocol ta soquesel sba xchi'uque.

Levítico 11:25

“Buch'uuc no'ox ta xchech loq'uel jtosuc ti chamem chonetic taje, ac'o xchuc' ti sc'u'e, yu'un ta smalil to c'ac'al ta xlaj yip ti staoj svocol ta soquesel sba xchi'uque.

Levítico 11:28

Ja' jech xtoc ti buch'u ta xchech loq'uel jtosuc ti chamem chon taje, ac'o xchuc' lec ti sc'u'e, yu'un ta smalil to c'ac'al ta xlaj yip ti staoj svocol ta soquesel sbae. Ja' yu'un un, c'otuc ta o'ntonal ti mu lecuc ti chonetic taje.

Levítico 11:32

“Ja' jech xtoc c'usiuc no'ox ti cajal ta xc'ot ta sba jtosuc ti chamem chon taje, yu'un xcuchojbe ta xc'ot ti sbolile. Yu'un c'usiuc no'ox ti cajal ta xc'ot ta sbae, mi ta te', mi ta c'u'il, mi ja' ti c'usi meltsanbil ta nucule, mi ta coxtal, mi ta abtejebal, ac'o yich' ts'ajel ta vo', yu'un ta smalil to c'ac'al ta xch'ay ti sbolile. Ts'acal to un, lec xa ta xcom.

Levítico 13:34

C'alal ech' ti vucub c'ac'al une, ta xcha'tuc'ulan lec ti yayijemale. Mi mu'yuc tanijem ti salile, mi mu'yuc yantic xac' ti xch'enale, jech ti palee jamal ta xal ti lec xa ti buch'u ip ta xa'ie. Va'i un, ta xchuc' lec ti sc'u'e, ja' ti lec xa oye.

Levítico 13:6

Mi sta ti yucubal c'ac'al une, yan to velta ta xcha'q'uel c'u s'elan. Mi yantic xa xch'ay batel ti syayijemale, mi mu'yuc tanijem batel ta snuculile, jech ti palee jamal ta xal ti lec xa oy ti jchamele. Yu'un ja' jun yayijemal no'ox ti ta snuculile. Ja' yu'un un, ti jchamele, ac'o xchuc' lec ti sc'u'e, j'ech'el lec ta xcom ti jchamele.

Levítico 14:27

Va'i un, ta sni' ti sbats'i c'obe, ti aceite ti ch'amal ta jun sc'obe, vucub velta ta svij batel ta stojol ti Diose.

Levítico 15:18

“Mi laj sta sbaic ta xchi'inel ti jun vinic xchi'uc ti jun antse, ti xchibalique, tsots sc'oplal ac'o spoc sbaic ta vo'. C'otuc ta o'ntonal ti ta smalil to c'ac'al ta xch'ay ti sbolile.

Levítico 15:4

“Yu'un ti buyuc no'ox ta xpuch'an sba ti vinic taje, ti ta xjelav yu'un xtoc ti c'usi oy svocol xchi'uque, c'otuc ta o'ntonal ti xcuchinojbe ta xc'ot ti sbolile. “C'usiuc no'ox ti ta xchotlebine, c'otuc ta o'ntonal ti xcuchinojbe ta xc'ot ti sbolile.

Levítico 15:6

“Buch'uuc no'ox ta stsac ta xchotlebinel ti bu choti ti vinique, tsots sc'oplal ac'o xchuc' ti sc'u'e, ac'o spoc sba ta vo'. C'otuc ta o'ntonal ti ta smalil to c'ac'al ta xch'ay ti sbolile.

Levítico 16:26

Ti buch'u laj yic' batel ta scoltael comel ti tentsun ta sventa Azazele, ta xchuc' ti sc'u'e, xchi'uc ta spoc sba ta vo'. Ts'acal to xtoc un, xu' xa x'och batel ti bu lamalic ta nacleje.

Levítico 16:28

Jech ti buch'u ta xchiq'ue, tsots sc'oplal ac'o xchuc' sc'u', ac'o spoc sba ta vo'. Ts'acal to xtoc un, xu' x'och batel ti bu lamalic ta nacleje.

Levítico 17:15

“Buch'uuc no'ox ti israeletique, mi jyanlum ti ta sti'be sbec'tal ti c'usiuc no'ox chon bolomal ti chameme, mi ja' ti lilinbil ta ti'el yu'un jun jti'oval te'tical chone, tsots sc'oplal ac'o xchuc' ti sc'u'e, ac'o spoc sba ta vo'. C'otuc ta o'ntonal ti ta smalil to c'ac'al ta xch'ay ti sbolile. Ts'acal to un, tusbil pocbil ta xc'ot.

Números 19:10

Ti buch'u ta stsob loq'uel ti tane, ta xchuc' sc'u'. Ta smalil to c'ac'al ta xlaj yip ti xcuchoj ti sbolile. Taje, ta xc'ot ta c'usi jbel tsots albil sc'oplal ti bejel ta xcom ta atojolic ti vo'oxuc israeloxuque, xchi'uc ta stojol ti jyanlumetic ti nacal ta atojolique.

Números 19:22

Scotol ti c'usi picbil ta xc'ot yu'un ti buch'u xcuchoj ti sbolile, ta xcuchbe sbolil ec. Ti buch'u tijil ta xc'ot ta stojol ti buch'u mu stac' nopele, ta smalil to c'ac'al ta xlaj yip xcuchojbe ti sbolile.”

Hebreos 10:22

Jech o xal un, sjunuluc co'ntontic nopajcutic batel ta stojol ti Diose, ti j'ech'eluc ta jch'untic oe, ti pocbil xa c'ot ti c'usitic chopol laj snop ti jol co'ntontique, xchi'uc pocbil xa ta ch'ul vo' ti jbec'tal jtacopaltique.

Hebreos 9:14

Ti mi ja' jech taj une, buc xa la xch'ich'el ti Cristo ti ja' x'ech' to jelavem ti yip xu' yu'une. Ti jech coltabil yu'un Ch'ul Espíritu ti sbatel osil cuxule, ti Cristoe laj yac' sba ta milel ta stojol Dios ti c'ot ta jun matanal ti mu'yuc xchopolale, yo' ta xcac' jbatic ta tunel ta stojol ti Dios ta sventa ti tun ti xch'ich'el ta spoquel stusel ti sbolil jol co'ntontic ti naca ch'ayel jq'uelojtic batel yu'une.

Hebreos 9:26

Ti jechuque, ta sliquebal no'ox banomil lic ono'ox yaq'uilan sba talel ta milel. Le'e, c'alal slajebtic xa batel ti c'ac'ale, ja' o vul ta loq'uel ti Cristo ta yaq'uel sba ta milel yo' ta xch'ay ti mulile.

Santiago 4:8

Nopajanic ta stojol ti Diose, jech ti stuque ta xnopaj talel ta atojolic ec. Jsa'muliletic, ac'o ta poquel ti ac'obique. Ti vo'oxuc ti c'ux ta xava'iic ti Diose xchi'uc ti mu tuch'baj ta avo'ntonic ta xava'iic ti sc'upijel banomile, aq'uic ta tusel ta poquel ti avo'ntonique.

Apocalipsis 7:14

—Yojtot, xana' atuc bu talemic —xcut. Xi laj stac'bune: —Le'e, ja'ic ti buch'utic cuch yu'un ti tsots svocolique, yu'un laj yaq'uic ta chuq'uel ti sc'u'ique, xchi'uc laj yaq'uic ta sacubtasel ta sventa xch'ich'el ti jcot ta Uni Chije.

1 Samuel 20:26

Mu'yuc c'usi laj yal ti Saúl ti jech c'ac'al taje. Laj snop ti oy c'usi spasoj ti mu'yuc to spocoj stusoj sba ti Davide.