Levítico 15:2 - Bible in Tzotzil de Chamula

² “Xi xcholet xavalbe ya'i ti israeletic jech c'u cha'al li'e: C'alal mi oy jun vinic ta xich' svocol ta scoj ti oy c'usi ta xjelav yu'une, jech ti oy c'usi ta xjelave, ma'uc slequil.

Bible in Tzotzil de Chenalhó with Deuterocanon

² “Jech xavalbe ya'yic li achi'iltac ta israelale: Me oy jun vinic oy c'usi chloc' yu'une, chopol xa chcom o.

Levítico 15:2 Iomraidhean Croise

2 Samuel 3:29

¡Cajal c'otuc ta sba ti Joabe, xchi'uc scotol ti yalab xnich'nabe, ti malmunuc o ti ya'lelique, mi ja' ti c'a'emale, mi ja' ti coxovile, ma'uc ma' ti ch'ab xi sc'oplal ta xlajic ta milele, ta xlajic ta vi'nale!”

Salmos 78:5

Ti Diose laj yac'be comel sbain Jacob ti oy c'usi jbel tsots albile; laj yalbe ya'i mantal ti Israel une, lecuc ti c'usi ta spase. Albat ya'i ti totil me'iletic, yac'beicuc sna' ti yalab xnich'nabique.

Levítico 15:1

Ti Diose xi laj yalbe ti Moisese xchi'uc ti Aarón ti c'alal laj sc'opon talele:

Levítico 15:3

Yu'un ti oy c'usi xjelav yu'un ti vinique, ja' svocol o, mi mo'oje, ac'o mi ta xmac ti oy c'usi ta xjelav yu'une, yu'un ono'ox mu'yuc slequil.

Levítico 22:4

“Mi junuc snitilultac ti Aarón mi ip ta xa'i ta c'a'emale, mi snuptanoj vocol ti xmalmun ti c'usi xjelav ta yichone, mi ja'uc xu' ta sve' ti c'usi c'otem ta yu'un ti Diose ja' to ti mi laj yich' poquel tusele. “Ti buch'u ta spic ti c'usi ta soquesvan ta scoj ti chamem xae, mi ta spic jun vinic ti oy svocol yu'un ti c'usi xjelav yu'une,

Levítico 5:3

“Mi oy buch'u ta spic ti albil sc'oplal ti mu stac' piquel ti xcuchinoj talel ti yane, mi c'usiuc no'ox yan, oy xa me smul ti c'alal ta xlic ya'i sba ti c'usi laj spase.

Números 5:2

“Albo ya'i mantal ti israeletique ti ac'o sjipic loq'uel c'alal to sti'il jteclum scotol ti buch'utic ti c'usiuc no'ox chamelal ti ch'iem ta snuculilique, mi ja' ti buch'u oy c'usi xmalmun yu'unique, mi ja' ti buch'u laj soques sba xchi'uc ta scoj ti laj spic ti c'usi chamemique.

San Mateo 9:20

Va'i un, oy jun ants ti oy xa xlajchebal (12) jabil xmalmun ti xchamele, nopaj talel ta spat Jesús ti laj spicbe ti sti'il sc'u'e,

Marcos 5:25

Ta scotol ti tijilic batele, oy jun ants xlajchebal (12) xa jabil sts'icoj xchamel ti mu xmac ti ya'lele.

San Lucas 8:43

Ta scotol ti c'u yepal oyique, oy jun ants ti oy xa ta slajchebal (12) jabil yich'oj talel svocol yu'un xchamel ti mu xmac ti ya'lele. Laj xa slajes scotol staq'uin yu'un jpoxtavanejetic ti mu junuc buch'u poxtaj yu'un ti chamele.

Romanos 3:2

Yu'un oy ep sc'oplal, ta xtun ta j'ech'el. Yu'un ti Diose ta slequil yutsil yo'nton ba'yel laj sc'otes ti ch'ul c'op ta stojol ti israeletique.