Levítico 15:13 - Bible in Tzotzil de Chamula

¹³ “Mi ta xlic lecubuc ti vinic ti buch'u ta xich' svocol yu'un ti c'usi ta xjelave, ac'o xchap batel vucub c'ac'al sventa ti spoquel stusele. Ta xchuc' lec ti sc'u'e, ac'o spoc sba ta vo' ti pulbil talel ta sat vo'e. Va'i unbi, ja' to jech pocbil tusbil ta xc'ot.

Bible in Tzotzil de Chenalhó with Deuterocanon

¹³ “Me ich'abi xchamel li vinique, ac'o yac' sba ta lecubtasel vucubuc c'ac'al. Ts'acal ac'o xchuc' lec sc'u'; ac'o spoc sba ta vo' ti bu lupbil tal ta nio'e, jech lecubtasbil xa chcom o.

Levítico 15:13 Iomraidhean Croise

Éxodo 29:35

“Scotol taje, jech me xapas ta stojol ti Aarone xchi'uc ti xnich'nabe, co'ol s'elan jech c'u cha'al laj cac' avile. Abtelano vucub c'ac'al ta yac'bel yich' ti yabtele.

Éxodo 29:37

Vucub c'ac'al sjalil ta xavac' milbil matanal ta altar sventa ti mulile. Ja' jech ta xc'ot ta tunel yu'un ti Diose, ti xi s'elan ch'acbil c'ote: c'usiuc no'ox ti ta xc'ot tey ta altare, ventainbil xa ta xc'ot ec.

Jeremías 33:8

Ti yepal xa ti smulic ta scontrainelune, ta jmes ta jtusic. Ta jch'aybeic ti yepal no'ox ti xchopolalic laj spasic ti laj stoy sba xchi'uquic ta jtojole.

Levítico 14:10

Ta xvaxaquibal c'ac'al un, ta xich' talel cha'cotuc chij ti mu'yuc jutebuc xchopolile, xchi'uc jcotuc ch'in me' chij ti mu'yuc jutebuc xchopolil ti ja' yich'oj jun jabile. Ta xich' talel xtoc o'lol yucubal kilo lequil t'ujbil harina ti vots'bil ta aceitee, xchi'uc jch'ac ta oxch'ac ti jun litro aceitee.

Levítico 14:8

“Ti buch'u ta xich' poquel tusele, tsots sc'oplal ac'o xchuc' lec ti sc'u'e. Ac'o spoc sba lec, ac'o xch'ul sba lec yo' jech pocbil tusbil ta xc'ot. Ts'acal to un, xu' xa x'och chi'invanuc ta naclej, ac'o mi tey to no'ox ta xcom vucub c'ac'al ta pana.

Levítico 15:28

“C'alal mi mac ti jech xbelbun ti ya'lele, ac'o yich' chapal batel vucub c'ac'al, jech lecuneb ta xc'ot.

Levítico 15:5

“Ti buch'uuc no'ox ta stsac ti c'usiticuc ti bu laj xpuch'an sba ti vinic taje, tsots sc'oplal ac'o xchuc' ti c'u'ile, ac'o spoc sba ta vo'. C'otuc ta o'ntonal ti ta smalil to c'ac'al ta xch'ay ti sbolile.

Levítico 8:33

Ja' jech xtoc un, vucub c'ac'al sjalil, mu xanamajic batel ti ta ochebal sti' ti Axibalna ti bu Nupel ta bee, yu'un ja' jech sjalil sc'an chabiel ti abtel laj avich'ique.

Levítico 9:1

Ta xvaxaquibal c'ac'al un, ti Moisese laj sta ta iq'uel ti Aarone xchi'uc ti xnich'nabe, xchi'uc ti moletic yu'un ti israeletique.

Números 12:14

Xi tac'bat talel yu'un ti Diose: “Ti mi ta scoj ti q'uexlal sba sat c'ot yu'un ti stote, vucub c'ac'al (7) nel satibil ta xcom. Ja' yu'un un, jipic loq'uel vucub (7) c'ac'al ti bu vololoxuque. Ts'acal to un, xu' ta sut talel.”

2 Corintios 7:1

Ti co'ol jchi'il jbatique, ja' jech albil ma' ti jc'oplaltic taje. Jech o xal tsots sc'oplal, la' jq'uel jbatic lec, mu jsoques ti jbec'taltique, mi ja'uc ti co'ntontique, jxi'tatic ti Diose yo' lec ta q'uelel ti jcuxlejaltique.

Santiago 4:8

Nopajanic ta stojol ti Diose, jech ti stuque ta xnopaj talel ta atojolic ec. Jsa'muliletic, ac'o ta poquel ti ac'obique. Ti vo'oxuc ti c'ux ta xava'iic ti Diose xchi'uc ti mu tuch'baj ta avo'ntonic ta xava'iic ti sc'upijel banomile, aq'uic ta tusel ta poquel ti avo'ntonique.

Apocalipsis 1:5

xchi'uc ta sventa ti Jesucristoe, ti Buch'u j'ech'el laj sva'an sba ta rextico ti c'usi ta xale, xchi'uc ti Buch'u ja' ba'yel cha'cuxie, ti oy ta yoc ta sc'ob ti ajvaliletic li' ta banomile. Yu'un laj xc'uxubinotic ti Cristoe, laj spocbotic jmultic ta sventa laj smal ti xch'ul ch'ich'ele.