Levítico 14:8 - Bible in Tzotzil de Chamula

⁸ “Ti buch'u ta xich' poquel tusele, tsots sc'oplal ac'o xchuc' lec ti sc'u'e. Ac'o spoc sba lec, ac'o xch'ul sba lec yo' jech pocbil tusbil ta xc'ot. Ts'acal to un, xu' xa x'och chi'invanuc ta naclej, ac'o mi tey to no'ox ta xcom vucub c'ac'al ta pana.

Bible in Tzotzil de Chenalhó with Deuterocanon

⁸ “Li boch'o chich' lecubtasele, ac'o xchuc' lec sc'u'. Ac'o xjux scotol stsotsil sbec'tal xchi'uc sjol; ac'o atinuc lec, jech lecuben xa chcom o. Jech xu' xa ch-och batel te yo' bu apasoj acarpanaique, pero vucub c'ac'al te no'ox ac'o oyuc ta osilaltic. Mu to xu' ch-och ta scarpana.

Levítico 14:8 Iomraidhean Croise

2 Crónicas 26:21

Tsacbil o ta c'a'emal c'alal sta sc'ac'alil cham laj ti ajvalil Uzías une. Yipal o c'a'emal c'u sjalil cuxul ti ajvalile. Slecoj bu ac'bil ta jbej na. Mi ja'uc xa x'aq'ue ochuc ta xch'ulna ti Diose. Ti xnich'on ti Jotam sbie lic sbain ti abtelal ta sventainel ti muc' ta jteclume.

Éxodo 19:10

Va'i un, xi albat xtoc yu'un ti Diose: —Batan, yu'un avie xchi'uc ti oc'ome, tana no'ox, ac'o xchapan sbaic avu'un ti israeletique yo' ta spasbeicun ti quich'el ta muq'ue. Tsots sc'oplal chuc'bil lec ti sc'u'ique.

Éxodo 19:14

Va'i un, ti Moisese sut yalel tal ti ta vitse, tal xchapan ti israeletique yo' jech ta spasbeic yich'el ta muc' ti Diose. Jech ti israeletique laj xchuc' ti sc'u'ique.

Levítico 11:25

“Buch'uuc no'ox ta xchech loq'uel jtosuc ti chamem chonetic taje, ac'o xchuc' ti sc'u'e, yu'un ta smalil to c'ac'al ta xlaj yip ti staoj svocol ta soquesel sba xchi'uque.

Levítico 14:20

Ta xich' aq'uel ta sba altar jmoj xchi'uc ti matanal sat ts'unubale. Ti jech taj une, ti palee ta stabe talel ti ch'aybil ta xc'ot smul ti buch'ue. Ja' jech pocbil tusbil ta xc'ot.

Levítico 14:9

Ti mi sta ti yucubal c'ac'ale, ta xch'ul ta loq'uel ti stsotsil sjole. Ta xch'ul lec ta loq'uel ti yisime, ti smotsobe, xchi'uc ti yan stsotsiltaque. Ta xchuc' sc'u'. Ta spoc sba lec xtoc. Va'i unbi, pocbil tusbil ta xc'ot.

Levítico 15:13

“Mi ta xlic lecubuc ti vinic ti buch'u ta xich' svocol yu'un ti c'usi ta xjelave, ac'o xchap batel vucub c'ac'al sventa ti spoquel stusele. Ta xchuc' lec ti sc'u'e, ac'o spoc sba ta vo' ti pulbil talel ta sat vo'e. Va'i unbi, ja' to jech pocbil tusbil ta xc'ot.

Levítico 8:6

Laj taj une, jech ti Moisese laj snopajes talel ta sts'el ti Aarone xchi'uc ti xnich'nabe, laj yatintas.

Números 6:9

“Mi oy buch'u ta xcham ta anil no'ox ti xchi'inoje, ti c'ot ta sts'i'lejel ti stsotsil sjol ti yaloj ti ta xc'ot ta stunel yu'un ti Diose, ta yucubal c'ac'al yech'el un, ti xcaltique, ja' ti c'alal nopol xa batel yorail ti mesel tusele, ac'o xt'axbun ta loq'uel ti sjole.

Números 8:7

Ti smelol ti mesel tusele, xi s'elan jech c'u cha'al li'e: Ta xavijbe ti jmesvanej jtusvanej vo'e. Ts'acal to un, ta xch'ul sbaic lec sjunul. Ta xchuc' sc'u'ic. Va'i un, mesbil tusbil ta xc'otic.

Deuteronomio 21:12

tsots sc'oplal, ac'o yic' batel ta sna. Ac'o sloc' stsotsil sjol yu'un. Ac'o set sni' yich'ac yu'un.

1 Pedro 3:21

Ti nojel ta vo' taje, ja' ta xac' ta na'el sc'oplal ti ich' vo'e, ti ja' senyail ta xijcole. Yu'un ti ich' vo'e, ma'uc ta sventa ta spoc ti jbec'taltique, yu'un ja' no'ox ta sventa ac'o jc'anbeticuc spoquel jol co'ntontic ti Diose, yo' jech ta xijcolotic ta sventa ti cham cha'cuxi ti Jesucristoe.

Apocalipsis 7:14

—Yojtot, xana' atuc bu talemic —xcut. Xi laj stac'bune: —Le'e, ja'ic ti buch'utic cuch yu'un ti tsots svocolique, yu'un laj yaq'uic ta chuq'uel ti sc'u'ique, xchi'uc laj yaq'uic ta sacubtasel ta sventa xch'ich'el ti jcot ta Uni Chije.