Levítico 14:7 - Bible in Tzotzil de Chamula

⁷ Va'i un, ti ch'ich'e, vucub velta ta xich' vijbel ta sba ti buch'u ta xich' poquel tusel yu'un ti c'a'emale. Jamal ta xalbe sc'oplal ti lec xa oye. Yan ti cuxul mute, ta scolta batel.

Bible in Tzotzil de Chenalhó with Deuterocanon

⁷ Ts'acal ac'o svij ta ch'ich' vucub velta li boch'o chich' lecubtasel ta sventa c'a'el chamele. Ac'o yal ti lec xa icome. Li jcot mut cuxul icome ac'o scolta batel.

Levítico 14:7 Iomraidhean Croise

Ezequiel 36:25

Ta yax jipan vo' ta jpocoxuc. Ta jmes ta jtus loq'uel ti c'usitic mu xtun oy ta atojolique, xchi'uc ti sbolil laj ach'ambeic ti laj anijan abaic ta yich'el ta muc' ti c'usitic meltsanbile.

Isaías 52:15

Ja' jech xtoc ep muc'tiquil lumetic ti ch'ayal ta xc'ot ti yo'ntonique. C'alal ta xlic yilic ti ajvaliletique, mi ja'uc xa xtal ta sjolic ti c'usi xu' ta xloc' ta yeique. Yu'un ja' to ta xlic yilic, ta xlic ya'ibeic jutebuc smelol ti c'usi mu'yuc ya'yiojique.

2 Reyes 5:14

Ti Naamane bat smul sba vucub velta ta uc'um Jordán jech c'u cha'al albat yu'un ti j'alc'ope. Xch'ulet no'ox liquel ti sbec'tal jech c'u cha'al junuc ti jch'iel quereme col ti xchamele.

2 Reyes 5:10

Ja'uc ti Eliseoe laj stac batel jun j'al-mantal ti xi bat yalbe ya'ie: “Batan, ba la poco aba vucub la velta ta uc'um Jordán. Tusbil pocbil ta xc'ot ti abec'tal yu'un ti c'a'emale.”

1 Pedro 1:2

Ti vo'oxuque t'ujbiloxuc yu'un ti Jtotic Dios jech c'u cha'al snopoj ono'ox ta vo'nee. Yu'un ta sventa ti Ch'ul Espíritue, ventainbil lac'otic yu'un yo' jech ta xapasic c'usi ta sc'an ti Diose, xchi'uc ti pocbil tusbiloxuc lac'otic ta sventa xch'ich'el ti Jesucristoe. Yepaluc ac'o sva'an sba ta atojolic, ac'o yac'boxuc slamajemal avo'ntonic.

Hebreos 9:19

Yu'un ti Moisese laj yavta scotol ti oy c'usi tsots sc'oplal albil ta stojol scotol ti jteclume. Laj taj une, laj stsac tsajal tsots xchi'uc jun sc'ob hisopo te'. Laj sts'aj ta xch'ich'el ti ch'iom tot vacaxetique xchi'uc xch'ich'el ti tentsunetic ti capal ta vo'e. Lic svaj ta sba ti jpoc svunal yu'un ti oy c'usi tsots sc'oplal albile, xchi'uc ta sba scotol xtoc ti jteclume.

Hebreos 9:13

Jech ono'ox un, xch'ich'el ti tentsunetique, xch'ich'el ti ch'iom tot vacaxetique, stanil ti me' ch'in vacax ti laj yich' chiq'uel ta altare, melel, xtun ti laj yich' vijbel ta sbaic ti buch'utic albil sc'oplal ti mu staq'uic nopele, yo' jech pocbil tusbil ta xc'ot spat xoconic ti ventainbil ta xc'otique.

1 Juan 5:6

C'alal tal ti Jesucristoe, vinaj sc'oplal ti c'alal laj yich' ti vo'e, xchi'uc ti laj smal ti xch'ich'ele. Ma'uc no'ox vinaj sc'oplal ti laj yich' ti vo'e, ti laj smal ti xch'ich'ele, jech xtoc ti Ch'ul Espíritu ti ja' melel ti c'usi ta xale, ja' laj sva'an sba ta rextico ta yalbel ti sc'oplale.

Hebreos 12:24

Lanopajic xtoc ta stojol ti Jesuse, ti ja' j'et'esej-c'op yu'un ti ach' tratee. Lanopajic ta stojol xch'ich'el Jesús ti laj smale, ti ja' x'ech' to yutsil ta xac' ta na'ele, ti ja' mu sta sc'oplal xch'ich'el ti Abele.

Hebreos 10:22

Jech o xal un, sjunuluc co'ntontic nopajcutic batel ta stojol ti Diose, ti j'ech'eluc ta jch'untic oe, ti pocbil xa c'ot ti c'usitic chopol laj snop ti jol co'ntontique, xchi'uc pocbil xa ta ch'ul vo' ti jbec'tal jtacopaltique.

Hebreos 9:26

Ti jechuque, ta sliquebal no'ox banomil lic ono'ox yaq'uilan sba talel ta milel. Le'e, c'alal slajebtic xa batel ti c'ac'ale, ja' o vul ta loq'uel ti Cristo ta yaq'uel sba ta milel yo' ta xch'ay ti mulile.

Hebreos 9:21

Ti Moisese laj svajbe ch'ich' xtoc ti ch'ulnae xchi'uc scotol ti c'usitic ta xtun ta yute.

San Juan 19:34

Manchuc mi jech un, oy jun soldado laj to spajbe ta lanza xocon xch'ilte' ti Jesuse. Ta jech yepal, loc' talel ch'ich' xchi'uc vo'.

Miqueas 7:19

Yanuc to velta c'uxubajuc avo'nton ta jtojolcutic, tubo ta j'ech'el ti jtoyobbailcutique, teno batel ta snatil nab xtoc ti jmulcutique.

Daniel 9:24

“Ti lajuneb xchanvinic (70) xemunae, ja' jech sjalil ta xcom ta sbaic vocol ti ateclumale xchi'uc ti ch'ul jteclum avu'une. Ja' to jech ta xc'ot ta tsutsel ti toyobbaile, ti mulil colo'ile. Ja' jech ta xich' tael ti ta xich' ch'ayel ti mulil colo'ile, ti ta xc'ot ta pasel ti sbatel osil lec ta xcome. Ja' to jech ta xc'ot ta pasel ti c'usi laj yich' ilel ti c'alal jam ti ba satile xchi'uc ti laj yich' caj'alele, ti ta xich' cha'tunesel smelol ti bats'i ch'ulnae.

Salmos 51:7

Mesun tusun ta hisopo te', mesbil ta xic'ot unbi; pocun un, x'ech'uc to sac lapanel ta xicom jech c'u cha'al ti bote.

Salmos 51:2

Meso tuso loq'uel ti jchopolale. Meso tuso loq'uel ti mulil oy ta jtojolale.

Levítico 16:22

Ja' yu'un un, ti c'alal jech ta xch'ay batel ta sbajtical banomil ti tentsune, xcuchojbe batel scotol ti xchopolalic ta sts'ijlajan banomile.

Levítico 16:19

Vucub velta ta xch'itulta ta sni' sc'ob ta ch'ich' ta sba ti altare. Ja' jech ta xich' poquel tusel loq'uel yu'un xchopolalic ti israeletique. Ja' jech ta xc'ot ta jtunel yu'un Dios ti altare.

Levítico 16:14

Ta stsac jutebuc xch'ich'el ti ch'iom tot vacaxe. Ti ta sni' sc'obe, ta svij batel ta sba smac ti caxa ti oy ta stuq'uil sloq'ueb c'ac'ale. Mi laj taj une, vucub velta ta sni' sc'ob ta xch'itulta batel ti ch'ich' ta yeloval smac sti' ti caxae.

Levítico 14:51

Mi laj taj une, ta stsac ti juteb ch'ut te'e, ti hisopoe, ti tsajal poq'ue, ti cuxul mute. Ta xt'uxubtas ta xch'ich'el mut ti laj yich' svocol ta milele, xchi'uc ta vo' ti pulbil talel ta sat vo'e. Vucub velta ta svij ti ta nae.

Levítico 13:17

yo' jech ta xtuc'ulanat lec. Mi laj yil ti pale ti ta xa smats' ta colel ti xchamele, jamal ta xal ti lec xa oy ti jchamele, ja' ti lecubem xae.

Levítico 13:13

va'i un, ti palee ta stuc'ulan lec. Ti jech tanijem ta sjunul ti sbec'tale, jech ti palee jamal ta xal ti lec xa oy ti jchamele, ja' ti sac mesan xa ta colel ti c'a'emale.

Levítico 8:11

Ti jtunel aceite taje, ja' laj svij vucub velta ti ta altare, xchi'uc laj smalbe ta sba ti altare, xchi'uc ta sba scotol ti c'usitic ta xtune, xchi'uc ti muc' ta lech-lech taq'uine, ti xlechleb xtoque. Ja' jech jtunel ic'otic yu'un ti Diose.

Levítico 4:17

Ta sts'aj sni' sc'ob ti ta ch'ich'e, ti vucub velta ta slilin batel ta stojol Dios ta yeloval ti bu joc'ol ti muc' ta poq'ue.

Levítico 4:6

Ti bu taje, ta sts'aj sni' sc'ob ti ta ch'ich'e, ti vucub velta ta slilin batel ta stojol Dios ta stuq'uil ti bu lich'il ti poc' yu'un ti Axibalnae.

Números 19:12

Ti ta yoxibal c'ac'ale, xchi'uc ti ta yucubal c'ac'ale, tsots sc'oplal ta stus ta spoc sbaic ta sventa ti jtusvanej jpocvanej vo'e. Ja' to jech ta xlaj yip ti xcuchoj ti sbolile. Yan ti mi mu slecubtas sba ta yoxibal c'ac'ale, xchi'uc ti ta yucubal c'ac'ale, xcuchoj ti sbolile.