Levítico 14:4 - Bible in Tzotzil de Chamula

⁴ ta xalbe mantal ti ac'o ba sa' talel cha'cotuc lequil cuxul mut, jutebuc ch'ut te', tsajal poc', xchi'uc hisopo te', yo' jech ta xich' poquel tusel.

Bible in Tzotzil de Chenalhó with Deuterocanon

⁴ ac'o stac ta ich'el cha'cotuc bic'tal mut ti bu lequique, xchi'uc ch'ut te', tsajal poc', xchi'uc hisopo te' sventa chich' lecubtasel o.

Levítico 14:4 Iomraidhean Croise

Salmos 51:7

Mesun tusun ta hisopo te', mesbil ta xic'ot unbi; pocun un, x'ech'uc to sac lapanel ta xicom jech c'u cha'al ti bote.

Éxodo 12:22

Ti xch'ich'ele, tsots sc'oplal ta xach'amic ta jun xch'amobil. C'asic talel xtoc jyomuc yanal hisopo te', ti ts'ajic ta ch'ich'e. Bonic ta ch'ich' sjunul smarcoil ti ti'nae. Mu me buch'u junucal xloc' batel ta sna c'alal mu to ta sacub ti osile.

Levítico 1:14

“Yu'un mi ja' jcot mut no'ox ta xich' chiq'uel ta matanal sventa yich'el ta muc' ti Diose, tsots sc'oplal ti ja'uc jcotuc tortola, mi mo'oje, jcotuc bats'i paloma.

Levítico 12:8

Ti mi mu stabe stojol jcot chij ti ta xac' ti me'ile, xu' ta xac' jcot tortola, mi mo'oje, xu' ta xac' cha'cot ch'iom paloma. Jcot ta xac' ti ta xich' chiq'uele. Ti jcot xtoque, ta xich' svocol ta milel ta scoj ti mulile. Jech ti pale une ta sc'an ti ac'o ch'aybatuc ti smul scolo'e, ja' to jech mesbil tusbil ta xc'ot ti antse.

Levítico 14:5

Ta xal mantal xtoc ti ac'o yich' milel jcotuc ti mut ta sba junuc lumal bin ti ch'amal o vo' ti pulbil talel ta sat vo'e.

Levítico 14:6

Mi laj taj une, ta stsac talel ti cuxul mute, ti juteb ch'ut te'e, ti tsajal poq'ue, xchi'uc ti hisopo te'e. Ti jaytos taj une, ta xt'uxubtas o ta xch'ich'el ti chamem mute, ta sba ti vo' ti pulbil talel ta sat vo'e.

Levítico 5:7

“Mi mu'yuctic lec c'usi x'ayan yu'un yo' ta sman jcotuc ti chije, ac'o yich' batel ta stojol Dios cha'cotuc tórtola, mi mo'oje, cha'cotuc bats'i paloma ti xi s'elan ta xich' aq'uel ta scoj ti mulil c'ot ta pasel yu'une. Ti jcote, ta xich' milel ta scoj ti mulile. Yan ti jcote, ta xc'ot ta chic'bil matanal.

Números 19:18

Mi laj une, ta xtal jun vinic ti mu'yuc soquesoj sbae. Ta stsac jvichuc sc'ob hisopo te' ti ta sts'aj ochel ta vo'e. Ta svits'ulta batel xchi'uc ti Axibalnae, ti lech-lech taq'uine, ti buch'utic oyic to ox ta yute, xchi'uc ti buch'u laj stic' sba ta spiquel ti jmilele, mi ja' ti lequil chamel laj ya'ie, mi ja' ti baque, mi ja' ti muquinale.

Números 19:6

Ta anil no'ox ta stsac talel jpechuc ch'ut te' ti palee, jvich sc'ob hisopo te', xchi'uc tsajal poc'. Scotol ta stic' ech'el ta c'oc' ti bu ta xich' chiq'uel ti me' vacaxe.

Hebreos 9:19

Yu'un ti Moisese laj yavta scotol ti oy c'usi tsots sc'oplal albil ta stojol scotol ti jteclume. Laj taj une, laj stsac tsajal tsots xchi'uc jun sc'ob hisopo te'. Laj sts'aj ta xch'ich'el ti ch'iom tot vacaxetique xchi'uc xch'ich'el ti tentsunetic ti capal ta vo'e. Lic svaj ta sba ti jpoc svunal yu'un ti oy c'usi tsots sc'oplal albile, xchi'uc ta sba scotol xtoc ti jteclume.