Levítico 14:3 - Bible in Tzotzil de Chamula

³ Va'i un, ta xloc' batel ta sti'il ti bu lamalic ta nacleje yo' jech ta xich' q'uelel. Mi laj yil ti pale ti colem xa syayijemal ti c'a'emal tabile,

Bible in Tzotzil de Chenalhó with Deuterocanon

³ Li pale ac'o yic' loq'uel ta spat to ti bu apasoj acarpanaique yu'un ja' te ac'o sq'uel lec. Me laj yil ti colem xa li sc'a'el chamele,

Levítico 14:3 Iomraidhean Croise

2 Reyes 5:14

Ti Naamane bat smul sba vucub velta ta uc'um Jordán jech c'u cha'al albat yu'un ti j'alc'ope. Xch'ulet no'ox liquel ti sbec'tal jech c'u cha'al junuc ti jch'iel quereme col ti xchamele.

2 Reyes 5:3

Ti tseb taje xi laj yalbe ya'i ti sme' ajvale: —Ti sc'anuc xbat ta sq'uelel j'alc'op ta Samaria ti cajvale, ta xcol ma' ti sc'a'emale.

Job 5:18

Mi ta syayijesvane, ta xpix no'ox xtoc; mi ta xmajvane, ta xpoxtavan xtoc.

Éxodo 15:26

Xi albatique: “Mi ta xats'etan lec achiquinic ta ya'yiel ti c'usi ta xcal ti vu'un Ajvalil Diosun avu'unique, mi ja' ta xapasic ti c'usi lec ta xquile, mi ta xc'ot ta ch'unel avu'unic ti jmantaltaque, mi ta xc'ot ta pasel avu'unic ti oy c'usi tsots sc'oplal albil cu'une, mu'yuc ta jtac talel jtosuc ta atojolic ti c'usi chopol jech c'u cha'al laj jpas ta stojol ti egipcioetique. Yu'un vu'un jpoxtavanejun, jcoltavanejun, ti Ajvalil Diosun avu'unique.”

Levítico 13:2

“C'alal ta xvinaj mi oy buch'u situneb ti sbec'tale, ti oy c'usi ta xt'om talele, ti oy c'usi le'bajtic ta xch'i talel ta snuculile, ti co'ol s'elan syayijemal ti c'a'emale, ac'o yiq'uic batel ta stojol ti pale Aarone. Mi mo'oje, ac'o yiq'uic batel ta stojolal junuc snitilul ti ja' paleetique.

Levítico 13:46

Yu'un ti jech ip yu'un ti syayijemale, tsots sc'oplal mu stac' nopel ti vinique, xbat nacluc stuc ta sti'il ti jteclume.

Levítico 14:48

“Ti c'alal ta x'och batel ta sq'uelel ti na ti palee, mi ta xil ti mu'yuc tanijem batel ti c'usi le'bajtic ti c'alal laj yich' paq'uel ta ach'e, jamal ta xal ti lec xa ti nae, ti tub xa sc'oplal ti c'usi le'bajtique.

San Mateo 10:8

Colesic ti jchameletique. Cha'cuxesic ti animaetique. Colesic ti jc'a'emal-chameletique. Taquic loq'uel ti pucujetique. Moton laj cac'boxuc ti jech xu' avu'unique. Mu xac'anbeic stojol.

San Mateo 11:5

Chapbeic ya'i, ti ma'satetique jam xa ti satique. Ti coxovetique ta xanavic xa. Ti jc'a'emal-chameletique, pocbil tusbilic xa. Ti macal xchiquinique ta xa'iic xa c'oponel. Ti animaetique cha'cuxiic xa. Ti buch'u abol sbaique, yich'ic xa albel sc'oplal ti colebale.

San Lucas 4:27

C'alal ja' o yorail xanav ti j'alc'op Eliseoe, yepal no'ox oy jc'a'emal-chameletic ta Israel. Mi junuc laj scoles. C'ajomal no'ox laj scoles jun jyanlum vinic Naamán sbi ti nacal ta Siria banomile.

San Lucas 7:22

Ta jech yepal un, xi tac'batique: —Batanic, ba albeic ya'i ti Juan ti c'usi laj ava'iique, ti c'usi laj avilique. Chapbeic ya'i ti jam xa satic ti ma'satetique, ta xanavic ti coxovetique, mesbil pocbil xchamel ti jc'a'emal-chameletique, jam xa xchiquinic ti jmacal-chiquinetique, cha'cuxi xa ti animaetique, ta x'albatic xa lequil ach' c'op ti buch'utic abol sbaique.