Levítico 13:6 - Bible in Tzotzil de Chamula

⁶ Mi sta ti yucubal c'ac'al une, yan to velta ta xcha'q'uel c'u s'elan. Mi yantic xa xch'ay batel ti syayijemale, mi mu'yuc tanijem batel ta snuculile, jech ti palee jamal ta xal ti lec xa oy ti jchamele. Yu'un ja' jun yayijemal no'ox ti ta snuculile. Ja' yu'un un, ti jchamele, ac'o xchuc' lec ti sc'u'e, j'ech'el lec ta xcom ti jchamele.

Bible in Tzotzil de Chenalhó with Deuterocanon

⁶ Ta svucubal c'ac'al ac'o xcha'q'uel yan velta. Pero me te xa c'unc'un ta xch'ay batel, xchi'uc me muc yanticuc ch-epaj batele, li palee ac'o yal ti lec xa chcom li boch'o ip cha'ye yu'un ja' no'ox bic'tal chinetic te ich'i. Li boch'o ip cha'ye ac'o xchuc' lec sc'u', jech stac' xa chi'inel.

Levítico 13:6 Iomraidhean Croise

1 Reyes 8:38

buch'uuc no'ox ti xvocolete, mi ja' scotol ti ateclumal Israele, mi ja' ti ta sc'anbot vocol ti c'alal ta xilic ti svocolic ti ta xc'ot ta stojole, mi ja' ti c'usi ip c'ux ta xa'iique, ti snub xa sc'obic ta ch'ulna li'e,

1 Reyes 8:45

ti xvocolet ta staot ta c'oponele, ta vinajeluc to, a'yibo ti sc'opojel sti'inele. Pojo me yu'un ti svocolic staojique.

Salmos 19:12

¿Mi oy la buch'u ta xil stuc ti bu chopol ta xbat yu'une? Ch'ayo jpimil jtoyobbail, Cajval, mu xquil bu chopol ta xbat cu'un.

Proverbios 20:9

Mu'yuc ma' ti oy buch'u xu' xi ta xal une: “Lec co'nton ta j'ech'el, mi jts'ujucun ta mulil.”

Eclesiastés 7:20

Ti li' ta banomil une, mu'yuc ono'ox ma' ti oy buch'u junuc lec tuc' ta x'ech'e, ti lec ta spas sbae, ti mu jutebuc ta sta ti smule.

Isaías 42:3

Mu c'ajomaluc ta xac'be xchi'il ta voch'el ti aj ti c'alal yich'oj xa stsiq'uemale. Mu yu'unuc naca stubel ti bu jutuc xa ta xtil ti mechae. Ta j'ech'el naca lequilal yich'oj talel.

Levítico 11:25

“Buch'uuc no'ox ta xchech loq'uel jtosuc ti chamem chonetic taje, ac'o xchuc' ti sc'u'e, yu'un ta smalil to c'ac'al ta xlaj yip ti staoj svocol ta soquesel sba xchi'uque.

Levítico 11:28

Ja' jech xtoc ti buch'u ta xchech loq'uel jtosuc ti chamem chon taje, ac'o xchuc' lec ti sc'u'e, yu'un ta smalil to c'ac'al ta xlaj yip ti staoj svocol ta soquesel sbae. Ja' yu'un un, c'otuc ta o'ntonal ti mu lecuc ti chonetic taje.

Levítico 11:40

Ti buch'u ta sti'be sbec'tal ti chamem chon taje, tsots sc'oplal ac'o xchuc' sc'u', yu'un ta smalil to c'ac'al ta xlaj yip ti staoj svocol ta soquesel sba xchi'uque. Ti buch'u ta xchech loq'uel ti chamem chon taje, tsots sc'oplal ac'o xchuc' ti sc'u'e, yu'un ta smalil to c'ac'al ta xlaj yip ti staoj svocol ta soquesel sba xchi'uque.

Levítico 13:2

“C'alal ta xvinaj mi oy buch'u situneb ti sbec'tale, ti oy c'usi ta xt'om talele, ti oy c'usi le'bajtic ta xch'i talel ta snuculile, ti co'ol s'elan syayijemal ti c'a'emale, ac'o yiq'uic batel ta stojol ti pale Aarone. Mi mo'oje, ac'o yiq'uic batel ta stojolal junuc snitilul ti ja' paleetique.

Levítico 13:5

C'alal mi laj sta ti yucubal c'ac'al une, yan to velta ta sq'uel c'u s'elan. Mi staoj yav ti syayijemale, ti mu'yuc tanijem batel ta snuculile, yan to velta mu xac' loc'uc batel vucub c'ac'al.

Levítico 13:7

“Yan ti mi yantic xa xtanij batel ti syayijemal ta snuculil c'alal laj xa ox yich' q'uelel ti jchamele, ti albat yu'un ti pale ti lec oye, ac'o ba yac' sba ta q'uelel yan velta ta stojol ti palee.

Levítico 14:8

“Ti buch'u ta xich' poquel tusele, tsots sc'oplal ac'o xchuc' lec ti sc'u'e. Ac'o spoc sba lec, ac'o xch'ul sba lec yo' jech pocbil tusbil ta xc'ot. Ts'acal to un, xu' xa x'och chi'invanuc ta naclej, ac'o mi tey to no'ox ta xcom vucub c'ac'al ta pana.

Romanos 14:1

Ich'ic lec ta muc' ti buch'u ch'abal to lec yip yo'nton ta xch'unele, mu xavul abaic xchi'uc ti c'usi vocol ta a'yiele.

2 Corintios 7:1

Ti co'ol jchi'il jbatique, ja' jech albil ma' ti jc'oplaltic taje. Jech o xal tsots sc'oplal, la' jq'uel jbatic lec, mu jsoques ti jbec'taltique, mi ja'uc ti co'ntontique, jxi'tatic ti Diose yo' lec ta q'uelel ti jcuxlejaltique.

Deuteronomio 32:5

“Yu'un xi ac'oplalic ti chopol pucujil jnaclejetic ti ta stsaquic ta c'op ti Diose, ti mu ja'uc jutebuc xc'ot o ti bisbilic ta xnich'nabe.

Hebreos 10:22

Jech o xal un, sjunuluc co'ntontic nopajcutic batel ta stojol ti Diose, ti j'ech'eluc ta jch'untic oe, ti pocbil xa c'ot ti c'usitic chopol laj snop ti jol co'ntontique, xchi'uc pocbil xa ta ch'ul vo' ti jbec'tal jtacopaltique.

Hebreos 9:10

Yu'un spat xocon no'ox, naca sc'oplal ve'liletic, uch'bolaletic, xchi'uc c'u s'elan ta stus ta spoc sbaic. Yu'un naca mantal ti ja' no'ox itun ti c'u sjalil mu'yuc to ta xc'ot ta jelel yu'un ti Diose.

Santiago 3:2

Jcotoltic, yepal ta xijelavotic ti c'usi ta xcaltique. Mi oy buch'u mu xjelav ti c'usi ta xale, ja' jun lequil tuq'uil vinic, ochem ta be yu'un ti sbec'tal stacopale.