Levítico 13:57 - Bible in Tzotzil de Chamula

⁵⁷ Mi yan to velta ta xvul ta loq'uel ti c'usi le'bele, ti ta xtanij ta c'u'ile, ti c'usi jalbile, ti c'usiuc no'ox meltsanbil ta nucule, ta xich' chiq'uel ti c'usiuc no'ox ti oy c'usi le'bel ta sbae.

Bible in Tzotzil de Chenalhó with Deuterocanon

⁵⁷ Pero me chlic yan veltae, me yantic ch-epaj ta c'u'il, ta jalbil poc', o ta nucule, ac'o yich' chiq'uel ta c'oc'.

Levítico 13:57 Iomraidhean Croise

Isaías 33:14

Ti ta Sione, ta sniquesatic yu'un xi'el ti jsa'muliletique. Ti buch'utic sa'sunic no'ox ta spasel ti chopole, ta xbat xch'ulelic ta xi'el, ti xi ta xalique: “¿Buch'u xa ono'ox la junucal ta xijcuxiotic ti xijbalet yu'un ti c'oc' ti j'ech'el ta stsutsesvane, ti mu no'ox albajuc ti sleb sbatel osile?”

Levítico 13:48

mi ja' ti jalbil ta saquil noe, mi ja' ti ta tsotse, mi ja' ti ta nucule, mi ja' ti c'usiuc no'ox ti meltsanbil ta nucule,

Levítico 13:56

C'alal ta xich' q'uelel ti c'usi le'bajtique, ti ta xil xtoc ti pale ti ch'ay xa batel jutuc ti c'usi le'bajtic ti c'alal laj xa yich' chuq'uele, ta set loq'uel ti c'usi le'bel ta sba ti c'u'ile, ti nucule, ti c'usiuc no'ox jalbile.

Levítico 13:58

Ja'uc ti ta c'u'ile, ti jolobile, ti c'usiuc no'ox meltsanbil ta nucule, mi ch'ay o batel ti c'usi le'bel ti c'alal laj yich' chuq'uele, ac'o to yich' chuq'uel yan velta xtoc, ja' to jech ta xlecub o.”

San Mateo 22:7

Ti ajvalile ech'em soc sjol. Laj yalbe mantal ti yajsoldadotaque ac'o ba smilic ti jmilvanejetique xchi'uc ac'o chic'beic ti slumalique.

San Mateo 25:41

“Ti vu'un Ajvalilune xi ta jtac'beic ti buch'u oyic ta jts'et c'obe: ‘Ch'aco abaic loq'uel ta jtojol ti bisbiloxuc ta cotol chaval yu'un ti Diose. Sbatel osil, batanic ta c'oc' ti bu chapanbil ta sventa ti pucuje xchi'uc ti yaj'ánjeltaque.

San Mateo 3:12

Ti Buch'u ta ts'acal to ta xtale stsacoj xa ti yic'aobil trigoe. Ta st'ujbe loq'uel ti sc'a'epale yo' naca trigo ta xcom. Ti t'ujbil trigoe ta sq'uej ta yavil. Yan ti sc'a'epale ta xich' chiq'uel ti bu mu xtub ti c'oq'ue.

Deuteronomio 24:8

“Yan ti mi ja' sc'oplal ti c'a'emale, tsots sc'oplal, ch'unic scotol ti c'u s'elan ta xa sbijubtasoxuc ti pale levitaetique. Yu'un tsots sc'oplal ta xapasic scotol jech c'u cha'al laj calbeic ya'iique.

Apocalipsis 21:27

Ti bu taje, laj c'op ta x'och batel ti c'usi chopole, ti buch'u oy c'usi chopol ta spase, ti jlo'lavanejetique. Ja' no'ox ta x'ochic batel ti buch'utic tsacal ti sbiic ta jpoc vun sventa cuxlejal ti oy ta stojol ti jcot ta Uni Chije.

Apocalipsis 21:8

Ja'uc ti buch'utic xi'el no'ox xa'i sbaique, ti buch'utic mu'yuc c'usi ta xc'ot ta yo'nton ta xch'unele, ti buch'utic xti'et sjolique, ti buch'utic jmilvaneje, ti buch'utic batem yo'ntonic ta mulivajele, ti j'ac'-chameletique, ti buch'utic ta xich'ic ta muc' ti c'usitic meltsanbil ta c'abale, ti buch'utic jutc'opetique, scotolic taje, ta xbatic ta muc' ta c'oc' ti bu ta xtil ta azufree, ti ja' xa xcha'cojal lajebale.”