Levítico 12:6 - Bible in Tzotzil de Chamula

⁶ “C'alal ta sta sc'ac'alil ti c'u sjalil ta xchabi sbae, c'usiuc no'ox ololal, mi querem, mi tseb, jech ti me'ile, ac'o yic' batel jcotuc tot chij ti yich'oj jun jabil ta ochebal sti' ti Axibalna ti bu nupel ta bee yo' jech ta xich' chiq'uel. Jech xtoc, ac'o yic' batel jcotuc paloma, mi mo'oje, ja'uc jc'otuc tortola ti ta xich' svocol ta sventa xch'ayobil ti mulil colo'ile ti ta xac'be ta yoc ta sc'ob ti palee.

Bible in Tzotzil de Chenalhó with Deuterocanon

⁶ “C'alal me its'aqui ti c'u yepal c'ac'al albil chac' sba ta lecubtasele, me querem me tseb ivoc' yu'une, ac'o yic' batel jcotuc ch'ium chij te ta sti' scoralil ch'ulna pasbil ta nucul. Li chij chic' batele, ja' ti bu jun to jabil svoq'uele, yu'un ja' sventa chich' chiq'uel ta jmoton. Xchi'uc ac'o yic' batel jcotuc stsumut, o me jcot puruvoc stsu sventa chich' milel ta sventa smul; ja' ac'o yac'be li palee.

Levítico 12:6 Iomraidhean Croise

Génesis 15:9

Va'i un, xi albat yu'un ti Diose: —Ich'bun talel jcotuc ch'in me' vacax ti yich'oj oxib jabile, xchi'uc jcot tot tentsun ti yich'oj oxib jabile, xchi'uc jcot tot chij ti yich'oj oxib jabile, xchi'uc jcot tórtola, xchi'uc jcot paloma.

Levítico 12:2

“Xi xcholet xavalbe ya'i ti israeletic jech c'u cha'al li'e: C'alal mi laj xchi'in yol jun ants ti ja' querem ta svoq'uese, vucub c'ac'al sjalil ti mu'yuc slequil ta x'ilate, yu'un jech c'otem ta stojol jech c'u cha'al c'alal yorail ta xil ti xchamele.

Levítico 12:5

Yan ti mi ja' tseb ta svoq'uese, ja' chib xemuna ti mu'yuc slequil ta x'ilate, yu'un c'otem ta stojol jech c'u cha'al c'alal yorail ta xil ti xchamele. Ta to xchabi sba batel ta slecubtasel sba vaquib xchanvinic (66) c'ac'al, ja' to ti mi c'ot ta lecubele.

Levítico 12:7

Va'i un, ti palee ta xac' jelavel ta stojol ti Diose yo' jech ta sc'anbe ti ac'o ch'aybatuc smul scolo' ti antse. Ja' jech mesbil tusbil ta xc'ot yu'un ti xmalmun ti ya'lele.” Li'e, ja' bijubtasel yu'un c'alal mi ta xvoc' mi jun querem, mi ja' jun tseb:

Levítico 14:22

Ma'uc no'ox taje, ta xich' talel cha'cot tórtola, mi mo'oje, cha'cot ch'iom paloma, ja' ti c'u s'elan xu' yu'une. Ti june, ja' ta xich' svocol ta scoj ti mulile. Ja'uc ti june, ta xich' aq'uel ta chiq'uel.

Levítico 15:14

Ta xvaxaquibal c'ac'al un, ac'o stsac talel cha'cotuc tórtola, mi cha'cotuc ch'iom paloma. Ta xbat ta sti' ochebal Axibalna ti bu nupel ta bee yo' jech ta xac'be ti pale ti ta xc'ot ta stojol ti Diose.

Levítico 15:29

Ta xvaxaquibal c'ac'al un, ac'o yich' talel cha'cotuc tórtola, mi mo'oje, cha'cotuc ch'iom paloma. Ac'o yac'be ti pale ta ochebal sti' ti Axibalna ti bu nupel ta bee.

Números 6:10

Ta xvaxaquibal c'ac'al un, ta xich' batel ta stojol ti palee cha'cot tórtola, mi mo'oje, cha'cot ch'iom paloma ta ochebal sti' ti Axibalna ti bu nupel ta bee.

San Lucas 2:22

C'alal c'ot sc'ac'alil ta stus ta spoc sbaic jech c'u cha'al ta xal smantal ti Moisese, laj yiq'uic batel c'alal to jteclum Jerusalén ti olole yo' ta xac'beic sventain ti Cajvaltic Diose.

San Juan 1:29

Ta yoc'omal un, laj yil ti Juan ti ta xnopaj talel ti Jesús ta stojol ti xi laj yale: —Q'uelo avilic le'e, ja' ti xch'iom chij Dios ti ta xch'aybe smul scolo' ti jnaclejetic ta banomile.

2 Corintios 5:21

Ti Cristoe mi juteb oy smul, ja'uc le'e, ta jcojtic vo'otic ti oy smul c'ote, jsa'mulil ile yu'un ti Diose yo' ta sventa Cristo ta jtabetic slequilal yutsilal ti Diose.

Hebreos 7:26

Ti Jesús taje, ja' ti tsots sc'oplal ta xtun cu'untic ta Banquilal Palee, yu'un ja' jun ch'ul vinic. Mu'yuc c'usi chopol laj spas. Mu xco'olaj yo'nton jech c'u cha'al ti jsa'muliletique, yu'un x'ech' to cajal sc'oplal ta vinajel.