Levítico 12:5 - Bible in Tzotzil de Chamula

⁵ Yan ti mi ja' tseb ta svoq'uese, ja' chib xemuna ti mu'yuc slequil ta x'ilate, yu'un c'otem ta stojol jech c'u cha'al c'alal yorail ta xil ti xchamele. Ta to xchabi sba batel ta slecubtasel sba vaquib xchanvinic (66) c'ac'al, ja' to ti mi c'ot ta lecubele.

Bible in Tzotzil de Chenalhó with Deuterocanon

⁵ Yan me unin tseb ivoc' yu'une, chib xemuna mu'yuc lec chcom jech chac c'u cha'al chopol chcom c'alal chil ono'ox xchamele. Xchi'uc ac'o yaq'uilan sba ta lecubtasel vaquib xchanvinic (66) c'ac'al ta sventa ti iloc' xch'ich'ale.

Levítico 12:5 Iomraidhean Croise

Génesis 3:13

Va'i un, ti Dios ti ja' Ajvalile xi laj sjac'be ti antse: —¿C'u cha'al jech laj apas? Xi laj stac' ti stuque: —Ja' laj slo'laun ti chone. Jech o xal laj jlo'.

Levítico 12:2

“Xi xcholet xavalbe ya'i ti israeletic jech c'u cha'al li'e: C'alal mi laj xchi'in yol jun ants ti ja' querem ta svoq'uese, vucub c'ac'al sjalil ti mu'yuc slequil ta x'ilate, yu'un jech c'otem ta stojol jech c'u cha'al c'alal yorail ta xil ti xchamele.

Levítico 12:4

Ac'o mi jech un, ja'uc ti me'ile ta to xchabi sba batel ta slecubtasel sba oxlajuneb xcha'vinic (33) c'ac'al, ja' to ti mi lecube. Mu xu' ta spic ta stsaquel ti c'usitic ti ts'uiltasbile. Mi ja'uc xu' ta x'och ta Axibalna ti mi mu'yuc to ta sts'aqui sc'ac'alil ti c'u sjalil ta xc'ot ta lecubele.

Levítico 12:6

“C'alal ta sta sc'ac'alil ti c'u sjalil ta xchabi sbae, c'usiuc no'ox ololal, mi querem, mi tseb, jech ti me'ile, ac'o yic' batel jcotuc tot chij ti yich'oj jun jabil ta ochebal sti' ti Axibalna ti bu nupel ta bee yo' jech ta xich' chiq'uel. Jech xtoc, ac'o yic' batel jcotuc paloma, mi mo'oje, ja'uc jc'otuc tortola ti ta xich' svocol ta sventa xch'ayobil ti mulil colo'ile ti ta xac'be ta yoc ta sc'ob ti palee.