Levítico 12:3 - Bible in Tzotzil de Chamula

³ Jech ti uni quereme, ta xich' circuncisión ti c'alal yich'oj xa xvaxaquibal c'ac'al svoq'uele.

Bible in Tzotzil de Chenalhó with Deuterocanon

³ Ta xvaxquibal c'ac'al ac'o yich' circuncisión li olole.

Levítico 12:3 Iomraidhean Croise

Éxodo 22:30

Ja' no'ox jech xapas xtoc ta sventa sba yoltac ti avacaxe, ti achije. Vucub (7) no'ox c'ac'al xu' ta xcom xchi'uc ti sme'e. C'alal mi sta ti xvaxaquibal (8) c'ac'al svoq'uele, ja' xa yorail ta xavac'bun.

Levítico 12:4

Ac'o mi jech un, ja'uc ti me'ile ta to xchabi sba batel ta slecubtasel sba oxlajuneb xcha'vinic (33) c'ac'al, ja' to ti mi lecube. Mu xu' ta spic ta stsaquel ti c'usitic ti ts'uiltasbile. Mi ja'uc xu' ta x'och ta Axibalna ti mi mu'yuc to ta sts'aqui sc'ac'alil ti c'u sjalil ta xc'ot ta lecubele.

Levítico 15:3

Yu'un ti oy c'usi xjelav yu'un ti vinique, ja' svocol o, mi mo'oje, ac'o mi ta xmac ti oy c'usi ta xjelav yu'une, yu'un ono'ox mu'yuc slequil.

San Lucas 1:59

Ta xvaxaquibal (8) c'ac'al un, bat yac'beic yich' circuncisión ti olole. Ti yuts' yalaltaque ta ox sbiin yu'unic Zacarías jech c'u cha'al sbi ti stote.

San Lucas 2:21

C'alal yich'oj xa svaxaquibal (8) c'ac'al ti olole, laj yac'beic yich' circuncisión. Jesús laj yac'beic sbi jech c'u cha'al albat ti María yu'un ti ánjel c'alal mu'yuc to ox xchi'uque.

Hechos 15:1

Ti jech yorail taje, oy jun chib viniquetic ti loq'uic batel ta Judea banomile, batic ta Antioquía jteclum, ti laj yalbeic ti jch'unolajeletic ti mu cha'bel staic pojel colel mi mu'yuc ta xich'ic ti circuncisión jech c'u cha'al ta xal smantal ti Moisese.

Romanos 3:19

Jna'tic ti jech ta x'albatic ti buch'utic oy ta yoc ta sc'ob ti oy c'usi tsots sc'oplal albile yo' jech macal ta xc'ot ye scotolic ta stojol ti Diose, yu'un scotol oy ti smulique.

Gálatas 3:17

Ti c'usi ta jc'an xcale, xi s'elane: Ti Diose stuc laj sva'an sba ta rextico ti laj spasic jun trate xchi'uc ti Abrahame. Ti ta chanibal ciento xchi'uc lajuneb xcha'vinic (430) jabil c'alal ja' o vul ta loq'uel ti oy c'usi tsots sc'oplal albil yu'un ti Moisese, mu ja'uc tal ta xch'aybe sc'oplal ti c'usi ba'yel yaloj ti Diose.

Gálatas 5:3

Ta jcha'alboxuc ava'iic xtoc, buch'uuc no'ox ti ta xac' yo'nton ta yich'el ya'i ti circuncisione, tsots sc'oplal, ac'o xch'un ta spasel scotol ti c'u s'elan ta xal ti oy c'usi tsots sc'oplal albil yu'un ti Moisese.

Deuteronomio 30:6

Yu'un ta stec'an ti trate ta avo'ntonique xchi'uc ta yo'ntonic ti avalab anich'nabique yo' jech c'ux ta xava'iic ta sjunul avo'ntonic, ta sjunul ach'ulelic ti Diose, yo' jech ta xc'ot ta pasel ti oy acuxlejalique.

Filipenses 3:5

c'alal quich'oj xvaxaquibal (8) c'ac'al jvoq'uele, li'ac'bat quich' circuncisión. Yu'un sts'unubalun Israel, snitilulun ti Benjamine, vu'un hebreoun yu'un ja' hebreoetic ti jtot jme'e. Bats'i fariseo xca'i jba ta sventa ti c'u s'elan liquem yu'unic ti israeletic ta xal ti mantal yu'unique.

Colosenses 2:11

Ti jech junoxuc xchi'uc ti Cristoe, avich'ojic c'ot ti circuncisione, ti mu xco'olaj xchi'uc jech c'u cha'al ta xich' setel ti abec'tal atacopalique. Ti circuncisión laj avich'ique, lac'otic ta pojel colel yu'un ti amulique xchi'uc ti c'usi mu'yuc smelol ta xapasique, ti ja' sbainoj c'ot ti Cristoe.