Levítico 12:2 - Bible in Tzotzil de Chamula

² “Xi xcholet xavalbe ya'i ti israeletic jech c'u cha'al li'e: C'alal mi laj xchi'in yol jun ants ti ja' querem ta svoq'uese, vucub c'ac'al sjalil ti mu'yuc slequil ta x'ilate, yu'un jech c'otem ta stojol jech c'u cha'al c'alal yorail ta xil ti xchamele.

Bible in Tzotzil de Chenalhó with Deuterocanon

² “Jech xavalbe ya'yic li achi'iltac ta israelale: C'alal me oy xch'ut jun antse, me querem ivoc' yu'une, vucub c'ac'al mu'yuc lec chcom, co'ol jech chac c'u cha'al ti c'alal chil jujun ue.

Levítico 12:2 Iomraidhean Croise

Génesis 1:28

Va'i un, xi laj sts'uiltase: “Epajuc avalab anich'nabic; nojesic sjunul ti banomile, ventainic ta stuc'ulanel; ochuc ta be avu'unic ti choyetique, ti mutetique, xchi'uc scotol ti chonetic ti xquilet ta xanave.”

Génesis 3:16

Xi albat ti antse: —C'alal ta x'ayan ti avalabtaque, ta xquepajes ti avocole. Ja' jech xtoc ta xava'ibe xc'uxul ti c'alal ta xavoq'ues ti avole. Manchuc mi jech un, mu no'ox xu' avu'un ta xava'i, tsots sc'oplal ta xava'i ti amalale, pasbilot ta mantal yu'un.

2 Samuel 11:4

Ti David une laj yalbe mantal jun chib yajtuneltac ti ac'o yiq'uic talele, ti vay xchi'uc ti c'alal naca to ta xlaj yo'nton ta yilel ti ue. Va'i un, sut ech'el ta sna ti antse.

Job 14:4

Ta stojol ti jsoquesvaneje, mu'yuc buch'u ti oy c'usi lec ta sta loq'uel teye.

Job 15:14

Mu'yuc junuc ma' ti ch'ul vinic xa'i sbae, ti mu'yuc smul scolo'e.

Job 25:4

¿Mi xu' van ti uni vinic no'oxe, ti ch'abal smul ta sva'an sba ta stojol ti Diose?

Salmos 51:5

Melel un, quich'oj xa ono'ox jchopolil c'alal livoq'ue; oyun xa ono'ox ta mulil ti chi'inbilun yu'un ti jme'e.

Levítico 12:1

Ti Diose xi laj yalbe ti Moisés ti c'alal laj sc'opon talele:

Levítico 12:5

Yan ti mi ja' tseb ta svoq'uese, ja' chib xemuna ti mu'yuc slequil ta x'ilate, yu'un c'otem ta stojol jech c'u cha'al c'alal yorail ta xil ti xchamele. Ta to xchabi sba batel ta slecubtasel sba vaquib xchanvinic (66) c'ac'al, ja' to ti mi c'ot ta lecubele.

Levítico 15:19

“C'alal oy jun ants ti stalel ono'ox ta xil ti xchamele, c'otuc ta o'ntonal ti ja' to ta xch'ay sbolil mi ech' batel ti vucub c'ac'al yu'une. “Scotol ti c'usitic ta sbonane, c'otuc ta o'ntonal ti ta smalil to c'ac'al ta xch'ay ti sbolile.

Levítico 18:19

“Mu stac' xata ta chi'inel jun ants ti c'alal yorail ta xil ti xchamele.

Levítico 5:3

“Mi oy buch'u ta spic ti albil sc'oplal ti mu stac' piquel ti xcuchinoj talel ti yane, mi c'usiuc no'ox yan, oy xa me smul ti c'alal ta xlic ya'i sba ti c'usi laj spase.

San Lucas 2:22

C'alal c'ot sc'ac'alil ta stus ta spoc sbaic jech c'u cha'al ta xal smantal ti Moisese, laj yiq'uic batel c'alal to jteclum Jerusalén ti olole yo' ta xac'beic sventain ti Cajvaltic Diose.