Levítico 11:44 - Bible in Tzotzil de Chamula

⁴⁴ Yu'un vu'un ti Ajvalilune, ti Dios avu'unique, tsots sc'oplal ti oyuc ach'ulelic ta stuc'ulanel abaique, yu'un Ch'ul Diosun. Mu xavac'be aba avocolic ta soquesel abaic ta scoj jtosuc ti chonetic ti xjochet ta banomil ta xanave.

Bible in Tzotzil de Chenalhó with Deuterocanon

⁴⁴ yu'un vu'un Muc'ul Diosun avu'unic, jech tsc'an chavac' abaic ta tuq'uibtasel, xchi'uc tsc'an tuc' avo'ntonic yu'un li vu'une tuc' co'nton. Jech tsc'an ti mu xasoques abaic ta sventa li chonetic ti xjochet, ti xquilet ta banamil chanovique.

Levítico 11:44 Iomraidhean Croise

Salmos 99:5

Lequil c'optaic un cha'e, ti Ajvalil Dios cu'untique, quejano abaic ta yolon yoc sc'ob. Ch'ul Dios ti stuque.

Salmos 99:9

Lequil c'optaic ti Ajvalil Dios cu'untique, quejano abaic ta stojol ti xch'ul vits yu'un une. Ch'ul Ajvalil ta j'ech'el ma' ti Dios cu'untique.

Éxodo 16:12

—Laj xa ca'i ti xbic'tal c'opojic xa ti israeletique. Ja' yu'un un, chi'ino ta lo'il ti xi xavalbe ya'ie: “Ta mal c'ac'al tanae, ta xave'ic ta beq'uet. Yan ti ta sobe, ta xave'ic ti jchop o ta vaje, ja' to ti c'uxi ta xnojic lec yu'une. Ja' to jech ta xana'ic ti vu'un Ajvalilune, ti ja' Diosun avu'unique.”

Éxodo 19:10

Va'i un, xi albat xtoc yu'un ti Diose: —Batan, yu'un avie xchi'uc ti oc'ome, tana no'ox, ac'o xchapan sbaic avu'un ti israeletique yo' ta spasbeicun ti quich'el ta muq'ue. Tsots sc'oplal chuc'bil lec ti sc'u'ique.

Éxodo 19:6

Va'i unbi, ta xac'otic ta paleetic, ta t'ujbil calab jnich'nab.” Albo ya'i scotol ti israeletic ti va'i s'elan taje.

Éxodo 20:2

“Vu'un Ajvalil ti ja' Diosun avu'unique, ti laj jloq'uesoxuc talel ta Egipto ti bu mosovinbiloxuc to oxe.

Éxodo 22:30

Ja' no'ox jech xapas xtoc ta sventa sba yoltac ti avacaxe, ti achije. Vucub (7) no'ox c'ac'al xu' ta xcom xchi'uc ti sme'e. C'alal mi sta ti xvaxaquibal (8) c'ac'al svoq'uele, ja' xa yorail ta xavac'bun.

Éxodo 22:31

“Ti vo'oxuque, t'ujbil cajtunel lac'otic. “Mu xati'ic sbec'tal ti chon bolometic ti lajemic ta ti'el yu'un ti jti'oval chonetic ti oy ta osiltique. Ac'beic sti' ti ts'i'etique.

Éxodo 23:25

Nijano, chimano aba ta yich'el ta muc' ti Ajvalil ti ja' Dios avu'une. Jech ti stuque ta sts'uiltasbot ti ave'el ava'ale. “Ta jnamajes ta atojol ti chamel lajele.

Éxodo 6:7

Ta xa jbisoxuc ta calab jnich'nab. Vu'un Diosun avu'unic. Ja' to jech ta xana'ic ti vu'un Ajvalilune, ti Diosun avu'unique, ti ta jpojoxuc loq'uel ti yacaloxuc ta tsots abtel yu'un ti egipcioetique.

Isaías 43:3

Ajvalilun avu'un, avajpojvanejun, ch'ul Diosun yu'un ti Israele. Vu'un cac'be stoj acolelic ti Egiptoe, ti Etiopiae, xchi'uc ti Sabae.

Isaías 51:15

“Vu'unun ti Ajvalil Diosun avu'une, biiltasbilun ti Dios scotol xu' yu'une. Ta xyuq'uilaj ti nab cu'une. Xpomlajet no'ox xva'i xcoti cu'un.

Levítico 10:3

Ts'acal to un, ti Moisese xi laj yalbe ya'i ti Aarone: —Ti jech le' une, ja' smelol sc'an ta xal ti xi laj yal ti Diose: ‘Ti buch'u xac'touc ti lec xa xca'i ti yuni jol no'ox ta xtal snopune, ta xcac'be yil ti mu sts'ic cu'une. Ta xcac' ta ilel ti cutsil jlequil ta stojol scotol ti israeletique.’ Jech xtoc ti Aarone tey xa no'ox ts'ijil com.

Levítico 11:43

Mu xavac'be aba avocolic ta soquesel abaic ta scoj yu'un jtosuc ti chon ti xjochet ta xanave.

Levítico 18:2

“Xi xcholet xavalbe ya'i ti israeletic jech c'u cha'al li'e: Vu'un ti Ajvalil Diosun avu'unique.

Levítico 19:10

Mi ja'uc xabejel c'uxc'ulta ta j'ech'el ti sat uvatic ti c'alal ta xatul ti oy ta avosile. Mi ja'uc xabejel tsob ti lamal ta lumtique. Comuc xa ta sventa ti me'un mu'natetique xchi'uc ti jyanlumetique. Yu'un vu'un ti Ajvalil Diosun avu'unique.

Levítico 19:2

“Xi xcholet xavalbe ya'iic scotol ti c'u yepal oy ti israeletic jech c'u cha'al li'e: Oyuc alequilalic avutsilalic, yu'un ti vu'un Ajvalil Diosun avu'unique, jelavem jlequilal cutsilal ta j'ech'el.

Levítico 19:3

“Ti jujunoxuque, bic'tajeso abaic ta snijanel xchimanel abaic ta yich'el ta muc' ti atotique xchi'uc ti ame'ique. “Ich'ic ta muc' xtoc ti sc'ac'alil cuxob o'ntonale. Yu'un vu'un ti Ajvalil Diosun avu'unique.

Levítico 19:4

“Mu xanijan xachiman abaic ta sts'ac-patiel ti c'usi meltsanbil ta c'abale. Mi ja'uc xameltsan ta xrioxinel ti ulesbil ta taq'uine. Yu'un vu'un ti Ajvalil Diosun avu'unique.

Levítico 20:26

Oyuc alequilalic avutsilalic ta jtojol. Yu'un vu'un ti Ajvalilune, Ch'ul Diosun, ch'acbiloxuc cu'un xchi'uc ti yan lume yo' jech ta xac'otic ta cu'un.

Levítico 20:7

“Ta j'ech'eluc, ac'o abaic ta tunel ta jtojol. Oyuc ach'ulelic ta j'ech'el. Yu'un vu'un ti Ajvalil Diosun avu'unique.

Levítico 21:8

J'ech'el ch'acalicuc o avu'un ta stojol scotol. Yu'un ti stuquique ja' ta sva'an sbaic ta yaq'uel ti pan ta stojol ti Dios avu'une, ti oyuc yutsilal slequilal ta atojole. Yu'un ti vu'une, Ajvalilun, Ch'ul Diosun, vu'un ta xcac' c'otuc ta ch'ul jtunel.

Amós 3:3

Mi jmoj xlotetic ta jun bee, yu'un jmoj ti snopobil yu'unique.

Números 15:40

Ti jech taje, ja' to jech ta xavules ta avo'ntonic scotol ti jmantaltaque. Ta xc'ot ta pasel avu'unic. Va'i un, jbel xa sc'oplal t'ujbil lac'otic cu'un ti vu'un Diosun avu'unique.

San Mateo 5:48

Oyuc yutsil avo'ntonic jech chac c'u cha'al oy yutsil yo'nton ti Dios oy ta vinajele —xi ti Jesuse.

Deuteronomio 14:2

Yu'un ti vo'oxuque, ja' jun jteclum ti ch'acbiloxuc loq'uel yu'un ti Ajvalil Dios avu'unique. Yu'un ja' stuc laj st'ujoxuc loq'uel ta stojol scotol ti yan lumetic ti oy ta banomile yo' jech ta xac'otic ta steclumal stuc.

1 Tesalonicenses 4:7

Yu'un ti Diose laj yic'otic ta spasel ti c'usi leque. Ma'uc laj yic'otic ta spasel ti c'usi chopole.

Josué 24:19

Ja'uc ti Josuee xi laj stac'be ti jteclume: —Mu xu' avu'unic ta xavac' abaic ta tunel yu'un ti Diose. Yu'un ti stuque ja' jun Ch'ul Dios. Mu j'ech'eluc ts'icbaj ta xa'i ti pec'tsanbil ta xc'ot ti sc'oplal avu'unique, ti ja' xa ich'bil xa ta muc' ta xc'ot avu'unic ti yane. Mi ja'uc sts'ic yu'un ti atoyobbailique, ti amulique.

1 Pedro 2:9

Ti vo'oxuque, alab nich'nabiloxuc ti t'ujbiloxuque, yu'un paleoxuc ti avac'oj abaic ta tunel yu'un ti Diose, yu'un ch'ul jteclumoxuc, yu'un yalab xnich'naboxuc ti Diose. Ti jech taj une, yo' jech ta xavabtelanic ta yalel ti oy c'usi jun yutsil slequil laj spas ti Diose. Yu'un laj yic'oxuc loq'uel ta ic'al osil, la'ochic xa batel ta saquilal ti ja' xch'ul lequilale.

Apocalipsis 22:11

Ti buch'u yacalic ta spasel ti c'usi chopole, ch'an xa no'ox uto. Ti buch'u yacal ta spasel ti c'usi mu'yuc smelole, ch'an xa no'ox uto, ac'o yac'be yipal ta spasel ti c'usi mu'yuc smelole. Ti buch'u yacalic ta spasel ti c'usi leque, mu me xicta sbaic ta spasel. Mu me xicta sba xtoc ta stuc'ulanel sba ti buch'u laj sta ti slequil yutsile.”

1 Samuel 2:2

Mu'yuc xa yan Ch'ul Dios jech c'u cha'al ti vo'ote. Mu'yuc xa yan ta xchabivan jech c'u cha'al ti vo'ot Dios cu'uncutique. Mi junuc ti oy to buch'u x'ech' to jech c'u cha'al ti vo'ote.

1 Samuel 6:20

Va'i un, ti jnaclejetic ta Bet-semese xi laj yalique: “¿Buch'u xa ono'ox xu' ta spoj sba ta stojol ti Ajvalil ti ja' Ch'ul Diose? ¿Buch'u xa ono'ox ta stsac ta c'op ti c'alal ta xch'ac sba ta jtojoltique?”