Levítico 11:42 - Bible in Tzotzil de Chamula

⁴² “Scotol ti chonetic ti xquilet ta xanav ta banomile, tsots sc'oplal ti mu xati'ic jtosuque, ac'o mi xjochet xch'ut ta xanav, mi ta yacan, yu'un ja' chonetic ti albil sc'oplal ti mu stac' ti'ele.

Bible in Tzotzil de Chenalhó with Deuterocanon

⁴² “Scotol li chonetic ti xquilet ta banamil chanovique, me ta xch'ut chanovic, me ta chanib yacan, o me ta ep yacan chanovique, mu xu' chati'ic yu'un ja' bol chonetic.

Levítico 11:42 Iomraidhean Croise

Génesis 1:20

Ti Diose xi laj yale: “Ti ta vo'e, ac'o ayanuc ep ta tos c'usitic chanul. Ja' jech xtoc, ac'o ayanuc viletel mutetic ta banomil.” Ja' jech ic'ot ta pasel.

Isaías 65:25

Ti oq'uile xchi'uc ti ch'in chije, jmoj xvolet ta xve'ic. Ti leone ta slo' yaxal jech c'u cha'al junuc vacax. Ti chone naca banomil ta xipan. Ta sjunul ti ch'ul vits cu'une, mi junuc ti oy c'usi chopol ta spase”, xi laj yal stuc Dios ma' taj une.

Levítico 11:41

“Tsots sc'oplal ti mu me xati'ic jtosuc ti chonetic ti xquilet ta xanav ta banomile, yu'un ja' chonetic ti albil sc'oplal ti mu stac' ti'ele.

Levítico 11:43

Mu xavac'be aba avocolic ta soquesel abaic ta scoj yu'un jtosuc ti chon ti xjochet ta xanave.

Miqueas 7:17

Ac'o slo'ic ya'iic pucuc jech c'u cha'al ti pucujil chone jech c'u cha'al ti yan quiletel chonetique. Ac'o niclajeticuc xa loq'uel ta xi'el ta xch'enique, ti batemuc xa xch'ulelic ta xi'ele, ac'o talicuc ta atojol, Cajval, Dios cu'uncutic.

San Mateo 23:23

“¡Mu cha'belucoxuc, jchanubtasvanejetic yu'un ti oy c'usi tsots albil sc'oplale, jpac'taejba fariseoetic! Ja' no'ox tsots sc'oplal ta xava'iic ta sloq'uesel ti jujun ta lajlajuneb ti tul nichime, ti culantue, ti cominoe, yo' ta xavac'beic smotonin ti Diose. Mi ja'uc xavich'ic ta muc' ti c'u s'elan ta xchanubtasvan ti oy c'usi tsots sc'oplal albile, ti ta xalbe sc'oplal ti lequilale, ti xc'uxul o'ntonale, ti junuc o'ntonal ta stojol ti Diose. Ja' tsots sc'oplal ta xapasic ti jechuque xchi'uc mu xavictaic ta yaq'uel ti jujun ta lajlajunebe.

San Mateo 3:7

C'alal laj yil ti Juan ti ep ta xtalic ta yich'el vo' ti fariseoetique xchi'uc ti saduceoetique, xi laj yalbee: —Xnich'nab jti'oval chon, ¿buch'u laj yalboxuc ava'iic ti ta xapoj abaic yu'un ti tsots tsitsel ti ta xa xtale?

San Juan 8:44

Yu'un ti atotique, ja' ti pucuje. Yu'un ja' yu'unoxuc. Ja' ta xapas ava'iic jech c'u cha'al ta sc'an ti stuque. Ta sliquebal ono'ox, ja' jun jmilvanej ti pucuje. Mu xac' ta venta ti bu ja' melele. Mu no'ox meleluc sna' xal. Ti buch'u naca jutbil ti c'usi ta xale, jech ta xal jech c'u cha'al ti stuque. Yu'un jutc'op ono'ox ta j'ech'el, ja' jun totil jutc'op.

2 Corintios 11:13

Yu'un naca jlo'lavanej jcholc'opetic ti sbisoj xa sbaic yilel ta yajtuneltac ti Cristoe.

2 Corintios 11:3

Ta jvul co'nton avu'unic mi ta xavac' abaic ta lo'lael jech c'u cha'al lo'lae ti Eva yu'un ti manyoso jlo'lavanej jti'oval chone. Ti vo'oxuc xtoque yic'al nan x'ech' to ta xalajic ta lo'lael mi ta xyanij ti snopobil avu'unic c'alal mi ta xavicta abaic ti jech sjunul avo'ntonic ta stojol ti Cajvaltique.

SUN TITO 1:12

Ti jun j'alc'op ti oy ono'ox ta Creta banomile, xi laj yalbe sc'oplal ti xchi'iltaque: “Ti cretaetique naca jutc'opetic, mu'yuc xch'ulel xa'i sbaic, lec xa'i ti ve'el uch' vo'e, toj ch'ajic xtoc un.”