Levítico 11:25 - Bible in Tzotzil de Chamula

²⁵ “Buch'uuc no'ox ta xchech loq'uel jtosuc ti chamem chonetic taje, ac'o xchuc' ti sc'u'e, yu'un ta smalil to c'ac'al ta xlaj yip ti staoj svocol ta soquesel sba xchi'uque.

Bible in Tzotzil de Chenalhó with Deuterocanon

²⁵ “Me oy boch'o ta stsac jcotuc li chamen chon le'e ac'o xchuc' sc'u', pero te chopol chcom o c'alal to ch-och ac'ubal.

Levítico 11:25 Iomraidhean Croise

Salmos 51:2

Meso tuso loq'uel ti jchopolale. Meso tuso loq'uel ti mulil oy ta jtojolale.

Salmos 51:7

Mesun tusun ta hisopo te', mesbil ta xic'ot unbi; pocun un, x'ech'uc to sac lapanel ta xicom jech c'u cha'al ti bote.

Éxodo 19:10

Va'i un, xi albat xtoc yu'un ti Diose: —Batan, yu'un avie xchi'uc ti oc'ome, tana no'ox, ac'o xchapan sbaic avu'un ti israeletique yo' ta spasbeicun ti quich'el ta muq'ue. Tsots sc'oplal chuc'bil lec ti sc'u'ique.

Éxodo 19:14

Va'i un, ti Moisese sut yalel tal ti ta vitse, tal xchapan ti israeletique yo' jech ta spasbeic yich'el ta muc' ti Diose. Jech ti israeletique laj xchuc' ti sc'u'ique.

Levítico 11:24

“Ti bu xu' ta xasoquesoxuque, xi s'elan jech c'u cha'al li'e: “Buch'uuc no'ox ta spic ti chamem chonetic taje, ta smalil to c'ac'al ta xlaj yip ti staoj svocol ta soquesel sba xchi'uque.

Levítico 11:26

“Scotol chon bolometic ti oy svoy ti mi ma'uc cha'xole, ti ma'uc xc'umlajet ta xjuch' ti sve'ele, c'otuc ta o'ntonal ti ma'uc leque. Ti buch'u ta spique ta sta svocol ta soquesel sba xchi'uc.

Levítico 11:28

Ja' jech xtoc ti buch'u ta xchech loq'uel jtosuc ti chamem chon taje, ac'o xchuc' lec ti sc'u'e, yu'un ta smalil to c'ac'al ta xlaj yip ti staoj svocol ta soquesel sbae. Ja' yu'un un, c'otuc ta o'ntonal ti mu lecuc ti chonetic taje.

Levítico 11:40

Ti buch'u ta sti'be sbec'tal ti chamem chon taje, tsots sc'oplal ac'o xchuc' sc'u', yu'un ta smalil to c'ac'al ta xlaj yip ti staoj svocol ta soquesel sba xchi'uque. Ti buch'u ta xchech loq'uel ti chamem chon taje, tsots sc'oplal ac'o xchuc' ti sc'u'e, yu'un ta smalil to c'ac'al ta xlaj yip ti staoj svocol ta soquesel sba xchi'uque.

Levítico 13:6

Mi sta ti yucubal c'ac'al une, yan to velta ta xcha'q'uel c'u s'elan. Mi yantic xa xch'ay batel ti syayijemale, mi mu'yuc tanijem batel ta snuculile, jech ti palee jamal ta xal ti lec xa oy ti jchamele. Yu'un ja' jun yayijemal no'ox ti ta snuculile. Ja' yu'un un, ti jchamele, ac'o xchuc' lec ti sc'u'e, j'ech'el lec ta xcom ti jchamele.

Levítico 14:46

Buch'uuc no'ox ti ta x'och batel ti ta na ti c'alal yaloj mantal stuc ti pale ti c'u sjalil bajluque, ta smalil to c'ac'al ta xlaj yip ti staoj svocol ta soquesel sba xchi'uque.

Levítico 14:47

Buch'uuc no'ox, mi ta xve'e, mi ta xvay ta na taje, tsots sc'oplal ac'o xchuc' lec ti sc'u'e yo' jech mu teyuc no'ox xcuchoj ti xchopolile.

Levítico 14:8

“Ti buch'u ta xich' poquel tusele, tsots sc'oplal ac'o xchuc' lec ti sc'u'e. Ac'o spoc sba lec, ac'o xch'ul sba lec yo' jech pocbil tusbil ta xc'ot. Ts'acal to un, xu' xa x'och chi'invanuc ta naclej, ac'o mi tey to no'ox ta xcom vucub c'ac'al ta pana.

Levítico 15:13

“Mi ta xlic lecubuc ti vinic ti buch'u ta xich' svocol yu'un ti c'usi ta xjelave, ac'o xchap batel vucub c'ac'al sventa ti spoquel stusele. Ta xchuc' lec ti sc'u'e, ac'o spoc sba ta vo' ti pulbil talel ta sat vo'e. Va'i unbi, ja' to jech pocbil tusbil ta xc'ot.

Levítico 15:15

Va'i un, ti palee ta xac'be yich' svocol jcotuc ta scoj ti mulile. Ja'uc ti jcote, ta xich' chiq'uel. Ta sliques yabtel ta spoquel stusel ta stojol Dios ta sventa ti vinic ti buch'u ta xich' svocol yu'un ti c'usi ta xjelave.

Levítico 15:5

“Ti buch'uuc no'ox ta stsac ti c'usiticuc ti bu laj xpuch'an sba ti vinic taje, tsots sc'oplal ac'o xchuc' ti c'u'ile, ac'o spoc sba ta vo'. C'otuc ta o'ntonal ti ta smalil to c'ac'al ta xch'ay ti sbolile.

Levítico 16:26

Ti buch'u laj yic' batel ta scoltael comel ti tentsun ta sventa Azazele, ta xchuc' ti sc'u'e, xchi'uc ta spoc sba ta vo'. Ts'acal to xtoc un, xu' xa x'och batel ti bu lamalic ta nacleje.

Levítico 16:28

Jech ti buch'u ta xchiq'ue, tsots sc'oplal ac'o xchuc' sc'u', ac'o spoc sba ta vo'. Ts'acal to xtoc un, xu' x'och batel ti bu lamalic ta nacleje.

Levítico 17:15

“Buch'uuc no'ox ti israeletique, mi jyanlum ti ta sti'be sbec'tal ti c'usiuc no'ox chon bolomal ti chameme, mi ja' ti lilinbil ta ti'el yu'un jun jti'oval te'tical chone, tsots sc'oplal ac'o xchuc' ti sc'u'e, ac'o spoc sba ta vo'. C'otuc ta o'ntonal ti ta smalil to c'ac'al ta xch'ay ti sbolile. Ts'acal to un, tusbil pocbil ta xc'ot.

Levítico 22:6

Va'i un, c'otuc ta o'ntonal ti ta smalil to c'ac'al ta xlaj ti sbolile. Mu xu' ta slajes ti c'usitic ts'uiltasbil ti mi mu ba'yeluc ta spoc sba ta vo'e.

Zacarías 13:1

“Ti jech yorail taje, ta xvul ta t'omel jun sat vo' yo' jech ta spoquic ta smesic loq'uel smulic, ta smesel stusel loq'uel xchopolal snitilultac ti Davide xchi'uc ti jnaclejetic yu'un ti jteclum Jerusalene.

Números 19:10

Ti buch'u ta stsob loq'uel ti tane, ta xchuc' sc'u'. Ta smalil to c'ac'al ta xlaj yip ti xcuchoj ti sbolile. Taje, ta xc'ot ta c'usi jbel tsots albil sc'oplal ti bejel ta xcom ta atojolic ti vo'oxuc israeloxuque, xchi'uc ta stojol ti jyanlumetic ti nacal ta atojolique.

Números 19:19

Jech ti vinic ti smesoj stusoj sbae, ta yoxibal c'ac'al, xchi'uc ta yucubal c'ac'al, ta svits'ulta ta vo' ti buch'u mu'yuc mesbil tusbile. Va'i un, ti ta yucubal c'ac'al une, ta sta ti mesbil tusbil ta xc'ote. Jech ti buch'u xcuchoj ti sbolile, ta xchuc' sc'u', ta x'atin lec ta vo', ac'o mi ta smalil to c'ac'al ta xlaj yip ti xcuchoj ti sbolile.

Números 19:7

Mi laj une, ta xchuc' sc'u', xchi'uc ta x'atin lec ta vo'. Ts'acal to un, xu' x'och batel ti bu lamalic ta nacleje, ac'o mi ta smalil to c'ac'al ta xlaj yip ti xcuchoj ti sbolile.

Números 19:8

Ja'uc ti buch'u laj xchic' ti me' vacaxe, ta xchuc' lec ti sc'u' xtoque. Ta x'atin lec ta vo', ac'o mi ta smalil to c'ac'al ta xlaj yip ti xcuchoj ti sbolile.

Números 31:24

Ta yucubal c'ac'al un, ta xachuc' lec ac'u'ic. Yu'un ja' to jech mesbil tusbil ta xac'otic. Ts'acal to un, xu' xa'ochic batel ti bu lamaloxuc ta nacleje.

San Juan 13:8

Xi laj yal ti Pedroe: —Mi ja'uc xcac' apoc ma' ti coque. Xi laj stac' ti Jesuse: —Mi mu jpoc ti avoque, mu stac' xatal ta jtojol.

Hechos 22:16

Mu li'uc no'ox xach'ayete, lican, va'lan, ich'o vo'. Vocoletan ta stojol ti Cajvaltique yo' jech pocbil tusbil ti amule.’

Hebreos 10:22

Jech o xal un, sjunuluc co'ntontic nopajcutic batel ta stojol ti Diose, ti j'ech'eluc ta jch'untic oe, ti pocbil xa c'ot ti c'usitic chopol laj snop ti jol co'ntontique, xchi'uc pocbil xa ta ch'ul vo' ti jbec'tal jtacopaltique.

Hebreos 9:10

Yu'un spat xocon no'ox, naca sc'oplal ve'liletic, uch'bolaletic, xchi'uc c'u s'elan ta stus ta spoc sbaic. Yu'un naca mantal ti ja' no'ox itun ti c'u sjalil mu'yuc to ta xc'ot ta jelel yu'un ti Diose.

1 Pedro 3:21

Ti nojel ta vo' taje, ja' ta xac' ta na'el sc'oplal ti ich' vo'e, ti ja' senyail ta xijcole. Yu'un ti ich' vo'e, ma'uc ta sventa ta spoc ti jbec'taltique, yu'un ja' no'ox ta sventa ac'o jc'anbeticuc spoquel jol co'ntontic ti Diose, yo' jech ta xijcolotic ta sventa ti cham cha'cuxi ti Jesucristoe.

1 Juan 1:7

Mi oyotic ta saquilal osil jech c'u cha'al ti Dios oy ta saquilal osile, va'i unbi, co'ol co'ntontic jcotoltic. Ja' jech xtoc xch'ich'el ti Xnich'one, ja' ti Jesucristoe, ta spoc ti c'usiuc no'ox mulil ti oy ta jtojoltique.

Apocalipsis 7:14

—Yojtot, xana' atuc bu talemic —xcut. Xi laj stac'bune: —Le'e, ja'ic ti buch'utic cuch yu'un ti tsots svocolique, yu'un laj yaq'uic ta chuq'uel ti sc'u'ique, xchi'uc laj yaq'uic ta sacubtasel ta sventa xch'ich'el ti jcot ta Uni Chije.