Levítico 11:10 - Bible in Tzotzil de Chamula

¹⁰ Yan ti mu'yuc ti xiq'ue, mi mu'yuc ti smic'ale, c'otuc ta o'ntonal ti ja' jun ti albil mu stac' ti'ele. Manchuc mi ch'iem ta muc' ta nab, mi ta uc'um, manchuc mi muc'tic, mi biq'uitic, yu'un co'ol sba.

Bible in Tzotzil de Chenalhó with Deuterocanon

¹⁰ Yan ti bu mu'yuc xic' xchi'uc smerioale mu me xati'ic, yu'un ja' bol chonetic, ac'o me ta uc'um, o ta nab ch'iemic. Tsc'an chach'unic o ti ja' chopolique, ac'o me muc'tic me biq'uitic.

Levítico 11:10 Iomraidhean Croise

Génesis 1:20

Ti Diose xi laj yale: “Ti ta vo'e, ac'o ayanuc ep ta tos c'usitic chanul. Ja' jech xtoc, ac'o ayanuc viletel mutetic ta banomil.” Ja' jech ic'ot ta pasel.

Proverbios 13:20

tsobetan xchi'uc ti buch'u oy sbijilique, ta xata abijil ec un; mi ja' xatsobet xchi'uc ti buch'u pimuneb xa'i sbaique, ch'ayel xal un.

Proverbios 29:27

Ti buch'u oy stuq'uilique mu ts'icbaj ta xa'iic ti buch'u mu'yuc xch'ulel xa'i sbaique, jech ec ti buch'u mu'yuc xch'ulel xa'i sbaique mu ts'icbaj ta xa'iic ti buch'u oy stuq'uilique.

Levítico 11:11

Mi jset'uc xati'beic ti sbec'tale, yu'un c'otuc ta o'ntonal ti albil mu stac' ti'ele, ti bajbil tenbiluc c'otuc avu'unic ti chamemic xae.

Levítico 11:9

“Ja'uc ti ta vo' cuxulique, mi ta muc' ta nabe, mi ta uc'ume, c'ajomal no'ox xu' xati'ic ti mi oy xiq'ue, xchi'uc ti mi oy smic'ale.

Levítico 7:18

Yu'un mi oy buch'u ta sti' ti beq'uet ta yoxibal xa c'ac'al ti laj yich' svocol ta sventa ti lajesobil o'ntonale, mu'yuc xa tsacbil ich'bil ta muc' ta xc'ot ti jech laj yich' svocole. Bajbil ta xc'ot ti sbec'tale. Jech ti buch'u ta sti'be ti sbec'tal taje, xcuchoj lec ta xcom ti mulil taje.

Deuteronomio 14:10

Ja'uc ti mu'yuc ti snene' xiq'uique, xchi'uc ti mu'yuc smic'ale, c'otuc ta o'ntonal ti mu stac' ti'ele.

Deuteronomio 14:3

“Mu xati'ic ti albil sc'oplal mu stac' ti'ele.

Apocalipsis 21:8

Ja'uc ti buch'utic xi'el no'ox xa'i sbaique, ti buch'utic mu'yuc c'usi ta xc'ot ta yo'nton ta xch'unele, ti buch'utic xti'et sjolique, ti buch'utic jmilvaneje, ti buch'utic batem yo'ntonic ta mulivajele, ti j'ac'-chameletique, ti buch'utic ta xich'ic ta muc' ti c'usitic meltsanbil ta c'abale, ti buch'utic jutc'opetique, scotolic taje, ta xbatic ta muc' ta c'oc' ti bu ta xtil ta azufree, ti ja' xa xcha'cojal lajebale.”