Levítico 10:6 - Bible in Tzotzil de Chamula

⁶ Va'i un, ti Moisese xi laj yalbe ti Aarone xchi'uc ti xnich'nabe, ja'ic ti Eleazare xchi'uc ti Itamare: —Mu me xapasic ti xch'ebuj ajolic yu'une, ti xach'i'ic xa ta jatel ac'u'ic ta yaq'uel ta ilel ti oyoxuc ta me'unale, naca mi xachamic ec, xu' me ta sloq'ues sc'ac'al yo'nton ti Dios ta stojol ti jteclume. Ja'uc no'ox ti avinquilelique xchi'uc scotol ti israeletique, oyicuc ta vul o'nton yu'un ta scoj ti laj stiles c'oc' ta sc'ac'al yo'nton ti Diose.

Bible in Tzotzil de Chenalhó with Deuterocanon

⁶ Li Moisese jech laj yalbe li Aarón xchi'uc xnich'nabe, ja' li Eleazar xchi'uc Itamare: —Mu me jeche'uc spispun li ajolique, xchi'uc mu me xali' ac'u'ic ta scoj me'nal, yu'un jech mu xachamic, xchi'uc jech mu x'ilin Muc'ul Dios ta stojol li jchi'iltactic ta israelale. Scotol li cuts' calaltic ti jun jts'unubal jchi'uctique ja' ac'o yat yo'ntonic ta sventa ti persa chtal yac' jtoj jmultic li Muc'ul Diose.

Levítico 10:6 Iomraidhean Croise

2 Samuel 24:1

Ti Diose lic sc'ac'al yo'nton ta stojol ti israeletique, ti laj stijbe yo'nton ti Davide yo' jech ta xcontrainatic yu'une, ti lic yal mantal ti licuc tsacob-biil ta stojol ti Israele xchi'uc ta stojol ti Judae.

Esdras 7:5

ti Abisúae, ti Fineese, ti Eleazare, xchi'uc ti Aarón ti sliquebal palee.

Éxodo 33:5

Yu'un ti Diose xi ono'ox laj yalbe ya'i ti Moisese: —Xi xavalbe ya'i ti israeletique: “Ti vo'oxuque, toyobba jteclumoxuc. Yu'un xu' ta jtub ats'unubalic ti mi ta jchi'inoxuc uni jliqueluque. Loq'uesic ta ora no'ox ti c'usitic c'upil sba alapojique. Ta jq'uel quil c'usi xu' ta jpas ta atojolic.”

Éxodo 6:23

Ti Aarone laj yic' ti Elizaba ti ja' xchi'il ta voq'uel ti Nahsone. Ti Elizabae, ja' yantsil nich'on ti Aminadabe. Ja' jech sbitac ti yol laj svoq'uese, ja' ti Nadabe, ti Abihue, ti Eleazare, xchi'uc ti Itamare.

Jeremías 7:29

Jteclum Jerusalén, loq'uic ti stsotsil ajole, jipo batel xtoc. Chapano aba ta sq'uejintael me'inal q'uejimol ta sts'ijlajan vitstic. yu'un ti Diose ilinem xa xchi'uc ti avinquileltaque, laj xa sten, laj xa sjip comel ta yo'nton.

Levítico 13:45

“Va'i un, ti buch'u yayijem xa ta c'a'emale, jatantic xa ta slap loq'uel sc'u'. Mi ja'uc xa ta xpix ti sjole, c'ajomal juteb xa a'bal ti sat smacoj ta pixele, ti xi x'avet ta xale: ‘¡Mu jtac' nopel! ¡Mu jtac' nopel!’

Miqueas 1:16

Jnaclejetic yu'un Sión, t'axbuno ta loq'uel ajolic yu'un ti avocolique, ta scoj ti mu xtuch' ta avo'nton ti avalab anich'nabique. T'axbuno ta loq'uel ti ajolic jech c'u cha'al ti t'ax-jol tararane, yu'un ti avalab anich'nabe, bec'bil ta xloq'uic batel ta sbanomilic.”

Números 1:53

Ja'uc ti levitaetique ta sjoy sbaic ta naclej ta spat Axibalna yu'un ti tratee, xchi'uc ta xchabiic yo' jech mu x'ilin ti Dios ta stojol ti israeletique.”

Números 14:6

Jech xtoc ti Josuee, ti Calebe, ti ja'ic ti buch'utic ay smucul xchajic ta q'uelel ti jteclume, laj xch'i'ic ta jatel ti sc'u'ique, svinajeb ti c'ux ta xa'i ti svocolique.

Números 16:22

Ja'uc ti stuquic une snupilanic xa banomil laj spatan sbaic ta lumtic ti xi laj yalique: —Ti vo'ote avac'ojbe xcuxlejal scotol ti jnaclejetique, Ch'ul Dios, ¿mi ta xavilta scotol ti jteclum ta scoj no'ox smul ti jun vinique?

Números 18:5

Yu'un vo'oxuc abainojic ta spasel ti abtel ti c'usi sc'an pasel ta ch'ul cuartoe xchi'uc ti ta altare. Ti mi jech taj une, mu xa soc jol xchi'uc ti israeletic yan veltae.

Números 20:25

Ti vo'ote, Moisés, ic'o batel ta jol vits Hor ti Aarone xchi'uc ti Eleazar ti ja' xnich'one.

Números 5:18

Ta xac' va'luc xtoc ti ants ta stojol ti Diose. Ta sjitunbe ti sjole. Ta xac'be ta sc'ob ti matanal yu'un ti it'ixale yo' jech ta xvinaj ti mulile. Jech ti stuc une ta stsac ti ch'ail vo' ti ta xac' bac vocole.

Deuteronomio 33:9

ti buch'u xi laj yalbe ti stot sme'e: ‘Ta j'ech'el mu'yuc xaquiltic o.’ Ti buch'u xi laj yalbe ti xchi'iltac ta voq'uele: ‘Ta j'ech'el mu xaxcojtiquintic’, ti buch'u xi laj yalbe ti xnich'nabe: ‘Mu jna' buch'uoxuc.’ Yu'un ti stuquique ta xc'ot ta ch'unel yu'unic ti ac'ope, ti j'ech'el tsots sc'oplal ta xa'iic ti tratee.

Josué 22:18

¿Mi yu'un mu xavich' o avo'ntonic yu'un ti staoj yav ta xach'ac abaic ta stojol ti Diose? Mi laj xa ach'ac abaic ta stojol ti Dios avi tana li'e, ilinem ta sacub oc'om ta stojol scotol ti israeletique.

Josué 22:20

Vuleso ta ajol ava'iic ti laj yilta scotol jteclum Israel ti Diose, c'alal ti Acan squerem ti Zarae laj sta smul ti c'alal laj stam ti c'usi chapal sc'oplal ti ta xich' lilinel ta j'ech'ele. ¡Yu'un ma'uc no'ox stuc cham ti Acan ta scoj ti smule!

Josué 7:1

Ja'uc le' une, oy jun yu'unic snitilul ti Judae, ti sbiinoj Acane, xnich'on ti Carmie, smom ti Zabdie, syial mom xtoc ti Zarae, ti lic stam jaytos ti c'usi c'otem xa ta nopel sc'oplal ta xich' lilinele. Va'i un, c'ot ta smulic ti israeletic ti laj stamic ti yaloj ti Dios ta xich' lilinele. Jech o xal un, lic sc'ac'al yo'nton ti Dios ta stojolique.

Josué 7:11

Ti israeletique laj sta smul scolo'ic. Yu'un mu'yuc laj yaq'uic ta venta ti jtrate laj jpas ta stojolique. Laj stamic ti c'usi tsots sc'oplal albil ta xich' lilinele, ti nac'al xa lec yu'un ta yelc'anel ti jmoj xa capal xchi'uc ti c'usi x'ayan yu'unic ti c'alal sna'ic lec ta sta svocol xchi'uquique.