Levítico 10:3 - Bible in Tzotzil de Chamula

³ Ts'acal to un, ti Moisese xi laj yalbe ya'i ti Aarone: —Ti jech le' une, ja' smelol sc'an ta xal ti xi laj yal ti Diose: ‘Ti buch'u xac'touc ti lec xa xca'i ti yuni jol no'ox ta xtal snopune, ta xcac'be yil ti mu sts'ic cu'une. Ta xcac' ta ilel ti cutsil jlequil ta stojol scotol ti israeletique.’ Jech xtoc ti Aarone tey xa no'ox ts'ijil com.

Bible in Tzotzil de Chenalhó with Deuterocanon

³ Li Moisese jech laj yalbe li Aarone: —Le'e ja' jech smelol ti c'alal jech laj yal li Muc'ul Diose: ‘Li boch'otic ta xnopaj tal ta jtojole ta xcac' ta ilel ti tuc' co'ntone. Scotol israeletic ta xcac'be yilic ti tsc'an chiyich'icun ta muq'ue’, xi li Muc'ul Diose —xut Aarón li Moisese. Li Aarone mu'yuc c'usi laj yal.

Levítico 10:3 Iomraidhean Croise

Génesis 18:25

Mu nan jechuc ta xapas muts'ul sat ta xatubbe sc'oplal jmoj xchi'uc ti buch'u oy smule. Mu stac' ma' ti jech ta xapas taj une. Yu'un ti vo'ote, muc'ul jchapanvanejot yu'un sjunlej ti banomile, ¿mi ch'abal xa ti pojel une?

Job 2:10

Ti Jobe xi tac'ave: —Ants, ts'ijlan jutucuc ca'itic ti va'i s'elan abolil ta yalilanele. Mi xye'et jc'obtic ta stsaquel ti c'usi lec ta xac' talel ti Diose, ¿c'u cha'al mu jch'amtic ti c'usi chopol ta xvul ta jtojoltic yu'une? Manchuc mi jech un, va'i un, ti Jobe mi juteb oy c'usi chopol loc' ta ye yo' ta sta smul.

Salmos 119:120

Ti jbec'tal jtacopale ta xnic yu'un ti xi'elal ta aba ta asate, ja' yu'un un, nijil chimilun ta spasel ti c'usitic nopbil avu'une.

Salmos 148:14

Laj yac'be yip smuc'ul stsatsal ti slumale yo' ta xlequil c'opojic ti israeletic ti buch'utic tuc' sjolique, ti ja' steclumalic ti nopol oyique. Jun yutsil ta j'ech'el ma' ti Dios une.

Salmos 39:10

Ictao aba ta syalesel ti ac'ob ta jtojole. ta xa xilaj yu'un ti yipal xc'uxule.

Salmos 39:9

“Co'ol s'elan uma' laj jpas jba, mu'yuc c'usi loc' ta que ta jti', yu'un yacalot ta spasel ti c'usi lec ta xavile.

Salmos 46:10

“Pajeso abaic, ch'an xa chanic, c'otuc ta avo'nton ti vu'un Diosune. Cajal jc'oplal c'otem ta stojol ti muc'tiquil lumetique. Jbainoj scotol ma' ti sba banomile.”

Salmos 89:7

Jelavem smuc'ul stsatsal un, Cajval, toj xi'bal aba, ti joyobtabilot yu'un ti c'usitic oy xiq'uique.

Salmos 93:5

Mu stselbuj ma' ti amantaltac une, Ch'ul Dios. Ti ach'ul lequilale xch'alet no'ox c'otem ti xnichimal ta ach'ulnae.

Éxodo 14:17

Ta xcac' pucujibuc yo'nton ti egipcioetique yo' jech ta xasnutsoxuc. Va'i un, ta xcac'be yil ti jmuc'ul jtsatsal ta stojol ti faraone, ta stojol scotol ti yajsoldadotaque, ti carretaetic yu'une, ti jcajlejetic ta ca' yu'une.

Éxodo 14:4

Ja' no'ox un, vu'un ta xcac' pucujibuc yo'nton ti faraone yo' jech ta xlic sjol ta nutsvanej. Ti jech taje, ta xcac' iluc ti jmuc'ul jtsatsal ta stojole, xchi'uc ta stojol scotol ti yajsoldadotaque. Jech ti egipcioetique ta sna'ic ti vu'un Ajvalilune.” Ja' jech laj spasic ti israeletique.

Éxodo 19:22

Ja'uc ti paleetic ti oy sc'oplal ta xnopajic ta jtojole, tsots sc'oplal ti ta stus ta smes sbaique, naca mi yilbe sba svocolic cu'un.

Éxodo 19:24

Xi tac'bat yu'un ti Diose: —Batan, yalan batel. Ts'acal to un, jmoj xamuyic talel xchi'uc ti Aarone. Ja'uc ti paleetique xchi'uc ti israeletique, mu me xjelavic talel ta sq'uelelun ti bu albil sc'oplal ti tey oyune, naca mi yilbe sba svocolic cu'un.

Éxodo 30:30

“Ti aceite taje, malbo ta sba ti Aarone, xchi'uc ti xnich'nabe, yo' jech ta xcomic ta cajpaletac.

Isaías 39:8

Laj snop ti Ezequiase, ti c'u to sjalil cuxule, xu' nan ti lamajem ti c'ope, ti mu'yuc c'usi sna'e. Jech o xal xi laj stac'be ti Isaiase: “Ti c'op ti laj avich'bun talel ta sventa ti Diose, jc'uxubinel ta xca'i.”

Isaías 49:3

Xi laj yalbune: “Cajtunelot ma' ti vo'ote, Israel, ti jun no'ox cutsilal ta xcac' iluc ta atojole.”

Isaías 52:11

Loc'anic talel ta Babilonia, loc'anic xa talel. Mu xasoques abaic yu'un ti c'usi ta soquesvane. Loc'anic xa talel ta Babilonia. Stuc'ulanuc sbaic lec ti buch'utic ta xich'ic batel ti c'usitic ja' yu'un ti Diose.

Ezequiel 20:41

C'alal ta jtsoboxuc talel ta jteclumetic xchi'uc ta muc'tiquil lum ti bu tanijemoxuc batel tanae, ta svinajesel cutsilal jlequilal ta sba ta satic scotol ti jteclumetic ta atojolique, va'i unbi, ta jtsac ta xquich' ti muil matanal ta xavac'beicune.

Ezequiel 28:22

ti xi xavalbe une: ‘Xi s'elan ta xal ti Diose: Contra xaquil, jteclum Sidón. Cajal ta xc'ot jc'oplal ta aventa. C'alal ta xquich'bot ave ta xchapanelote, xchi'uc ta svinajesel ti jlequilal cutsilale, ta sna'ic unbi vu'un ti Ajvalilune.

Ezequiel 38:16

vol xa xavut ti jteclumal Israele. X'ic'ubin no'ox liquel ti banomil avu'une, Gog, jech c'u cha'al lumal toc. Slajebal xa ech'el c'ac'al ta xavul ta loq'uel cu'un ta scontrainel ti cosilal jbanomilale. Ta aventa vo'ot, ta xlic sna'ic ti yan muc'tiquil lum ta xcac' iluc ti jlequilal cutsilal ta stojolique.

Ezequiel 40:46

Ti jbej na sq'ueloj batel sti' ta yolon ti yolon xocon sloq'ueb c'ac'ale, ta stunesic paleetic ti buch'utic sbainojic ta sq'uelel ti altare. Naca snitilultac Sadoc ma' taje, ja' no'ox levitaetic xu' xnopajic ta tunel yu'un ti Diose.”

Ezequiel 42:13

Ti vinique xi laj yalbune: “Ti ep ta c'ol naetic oy ta yeloval yolon ti yolon xocon sloq'ueb c'ac'ale, xchi'uc ti oy ta yeloval yolon ti yac'ol xocon sloq'ueb c'ac'ale, ta yeloval ti macbil amaq'ue, naetic ti ac'bil ta ventainele. Ti bu taje, c'otem ta na ta sventa stunesel matanaletic ti paleetic ti c'usitic c'otem ta ventae, ti buch'utic nabalic ta tunel yu'un ti Diose. Ti bu taje, c'otem ta yavil spajebal matanal ti ventainbile, jech c'u cha'al ti sat ts'unubale, ti ch'ayobil mulile, xchi'uc ti matanal xch'ayel stubel ti oy c'usi chopol c'ot ta pasele, yu'un ventainbil ti bu taje.

Levítico 21:15

Jech ta sc'an ta spas taje yo' jech mu xbat ta yoc ta soquesbel sc'oplal snitilultac ta stojol ti svinquileltaque. C'otem xa ta jtunel cu'un ti vu'un Ajvalilune.”

Levítico 21:17

“Albo ya'i ti Aarone, li' ta xlic batel avi tanae, ti mi ma'uc lec ts'acal vinic junuc ti snitilultaque, mu xu' ta sva'an sba ta yaq'uel ti matanal pan ta stojol ti Dios yu'une.

Levítico 21:21

Ti snitilultac ti pale Aarone, mi ja'uc junuc xu' ta xac' ta stojol Dios ti matanal ti ta xich' chiq'uel ti mi oy c'usi soquem yu'une. Ja' yu'un un, mu xu' ta xac' ti matanal pan ta stojol ti Dios yu'une.

Levítico 21:6

Yu'un c'ajomal jbeluc sc'oplal ti xchapanoj sba ta sventa ti Dios yu'unique, ti mu soquesbeic ti sc'oplale. Yu'un ti stuquique, ja' jelubtasej matanaletic ti ta xich' chiq'uele, xchi'uc ti pan ti ta xaq'uic ta stojol ti Dios yu'unique. Ja' yu'un un, ja' yabtelic ti tsots sc'oplal ac'o yac' sbaic ta tunele.

Levítico 21:8

J'ech'el ch'acalicuc o avu'un ta stojol scotol. Yu'un ti stuquique ja' ta sva'an sbaic ta yaq'uel ti pan ta stojol ti Dios avu'une, ti oyuc yutsilal slequilal ta atojole. Yu'un ti vu'une, Ajvalilun, Ch'ul Diosun, vu'un ta xcac' c'otuc ta ch'ul jtunel.

Levítico 22:9

“Albo ya'iic ti c'otuc ta pasel yu'unic ti jc'optaque, ti mu jutebuc cajaluc ta xcom ta sba ti smulic ti mu xc'ot ta pasel yu'unique. Ti jech taj une, mu xchamic. Yu'un vu'un Ajvalilune ti laj jt'ujic loq'uel yo' ta xac' sba ta jtunele.

Levítico 8:35

Ac'o mi jech un, ja'uc ti vo'oxuc une, tsots sc'oplal, vucub c'ac'al, vucub ac'ubal sjalil, ta xacomic ta ochebal sti' ti Axibalna ti bu Nupel ta bee. Ich'biluc ta muc' c'otuc avu'unic smantal ti Diose, yu'un ja' jech laj quich' talel ti mantale yo' jech mu xachamic.”

Números 16:5

Va'i un, xi laj yalbe ya'i ti Coree xchi'uc ti c'u yepal vololic batel ti xchi'iltaque: —Sob oc'om, ta xac' ta na'el ti Dios buch'u ti yu'untaque, ti buch'u ti t'ujbil yu'une, ti xu' ta xac'beic ti matanale. Ja' no'ox xu' ta xaq'uic matanal ti buch'u t'ujbilic ta xc'ot yu'une.

Números 20:12

Ja'uc ti Dios une xi laj yalbe ti Moisese xchi'uc ti Aarone: —Ti jech mu'yuc teq'uelun ta avo'ntonique, ti mi ja'uc jutebuc laj avaq'uicun ta ich'el ta muc' ta sba ta satic ti israeletique, mu xa'ochic batel xchi'uc ti lum li'e ti ta jteclum ti laj xa cac'beic yich'ique.

San Mateo 10:37

“Buch'uuc no'ox ti mu tsotsuc jc'oplal ta xiya'ie, ti ja' tsots sc'oplal ta xa'i ti stote, ti sme'e, laj to c'op ti ja' cu'une. Ja' jech xtoc ti buch'u ja' tsots sc'oplal ta xa'i ti xnich'nabe, laj to c'op ti ja' cu'une.

San Juan 12:28

Ac'o aba ta ich'el ta muc' atuc, Tot”, xi ti Jesuse. Va'i un, ja' o vinaj oy Buch'u ta xc'opoj talel ta vinajel ti xi ta xale: “Laj xa cac' jba ta ich'el ta muc'. Ta xcac' to no'ox jba xtoc ta ich'el ta muc'.”

San Juan 14:13

Scotol ti c'usi ta xac'anic ta jventae, ta xc'ot ta pasel yo' jech ta sventa ti Nich'onile, ta jvinajes yutsilal ti Totile.

Deuteronomio 32:51

Yu'un ti vo'oxuc achibalique mu'yuc lec laj apas abaic ta jtojol ti laj yil ta sba ta sat ti israeletic ti c'alal oyoxuc ta Meriba-cades ta sts'el vo' ti oy ta sbajtical banomil yu'un ti Zine. Yu'un mi ja'uc laj anijan achiman abaic ta yich'elun ta muc' ta sba ta sat ti stuquique.

2 Tesalonicenses 1:10

C'alal ta sta sc'ac'alil ta xtal ti Cajvaltique, ich'bil ta muc' ta xc'ot xchi'uc ti yu'untaque, labal ta xa'iic scotol ti jch'unolajeletique. Taje, oyoxuc ta venta ec, yu'un c'ot ta avo'nton ta xch'unel ti sc'op Dios ti laj calboxuc ava'iique.

1 Pedro 4:17

Yu'un sta xa yorail ti ta xich'ic chapanel ti yalab xnich'nabtac ti Diose. Mi jech lic xa ti chapanel ta jtojoltique, ¿c'u xa ono'ox s'elan ta xc'ot ta stojolic ti buch'utic mu'yuc c'otem ta yo'ntonic ta xch'unel ti lequil ach' c'op yu'un ti Diose?

1 Samuel 2:30

Ja'uc le' un cha'e, ti Ajvalil ti ja' Dios yu'un ti Israele, ti laj yal ti ta xatunic o xchi'uc ti avalab anich'nabe, avi tana un, xi ta xal ta jamale: ‘Mu xcac' que jti' ti jech le'e. Ta xcac' ta ich'el ta muc' ti buch'u ta xiyac'un ta ich'el ta muq'ue. Ta xcac' ta q'uexlal ti buch'u ta xisoquesbeicun ti jc'oplale. Ti vu'un Ajvalilune mu me lo'iluc no'ox ta xcal.

1 Samuel 3:18

Ja'uc ti Samuele xchapet lic yal scotol ti c'usi sc'oplale. Mu ja'uc jutebuc yo'nton no'ox sna', ti xi tsots avan liquel ti Elie: —¡Yu'un ja' Dios ti stuque! ¡Ac'o c'otuc ta pasel yu'un ti c'usi lec ta xa'ie!

1 Samuel 6:20

Va'i un, ti jnaclejetic ta Bet-semese xi laj yalique: “¿Buch'u xa ono'ox xu' ta spoj sba ta stojol ti Ajvalil ti ja' Ch'ul Diose? ¿Buch'u xa ono'ox ta stsac ta c'op ti c'alal ta xch'ac sba ta jtojoltique?”