Levítico 10:19 - Bible in Tzotzil de Chamula

¹⁹ Ti Aarone xi laj staq'ue: —A'yio ava'i, yu'un avie, ti stuquique laj xa yaq'uic ta stojol Dios ti c'usi ta xich' svocol ta scoj ti smulique, xchi'uc ti c'usitic ta xich' chiq'uele, va'i to la s'elan ta xc'ot ta jtojol ec un. Ti lajuc jti' ti c'usitic laj yich' svocol ta scoj ti mulile, ¿mi lec van ta xa'i ti Diose?

Bible in Tzotzil de Chenalhó with Deuterocanon

¹⁹ Itac'ov li Aarone: —Nax laj yaq'uic ta stojol Muc'ul Dios li matanal sventa smulique xchi'uc li chic'bil matanal yu'unique. Li vu'une ja' jech la jpas ec. Vu'cun la jti' li matanal sventa mulile, ¿me lec chil xana' li Muc'ul Diose? —xi.

Levítico 10:19 Iomraidhean Croise

Isaías 1:11

Yu'un ti Diose xi ta xale: “¿C'usi xtun o ti ep ta xavich'beicun talel ti milbil matanale? Xtaet xa ta xca'i ti chic'bil matanal chij ta xavac'beicune, xchi'uc xepu'al ti ch'in chijetique. Mu xa jc'an jq'uelbe sat xch'ich'eltac ti tot vacaxetique, ti chijetique, xchi'uc ti ch'in tentsunetique.

Isaías 1:15

“C'alal xnubulet avoc ac'obic ta xac'opoj ta xati'inique, ta jq'uej batel ti jsat ta atojolique. Ac'o mi jal ta j'ech'el ta xac'opoj ta xati'inique, mi ja'uc ta jchiquintaboxuc, yu'un balom ch'ich' ti ac'obic ta scoj ti amilvanejalique.

Jeremías 14:12

Mi yepal no'ox ta xicta ti yotique, mu xca'ibe ti jech xvocoletique. Mi yepal no'ox ta xaq'uic ti chic'bil matanale, ti sat ts'unubaletique, j'ech'el mu lecuc ta xquil. Ta jtsutsesic ya'i ta leto, ta vi'nal, ta chamel.”

Jeremías 6:20

¿C'u cha'al yich'eluc talel avu'unic ti pom ti ta xlic talel ta lum Sabae, xchi'uc ti muil poxiletic ti ta xlic talel ta muc'tiquil lumetic ta namal banomile? Ti chic'bil matanaletic avu'unique, mu xal co'nton ta stsaquel yich'el, mi ja'uc ti c'usitic yan ta xich' svocol ta matanale.”

Oseas 9:4

Ta xch'ay ta ye ta sti' ta yuch'el ti vino ta sventa yich'obil ta muc' ti Diose. Ta xc'ot ta ch'ayel yu'un ta yaq'uel ti milbil matanele. Ti pan ta sve'ique, co'ol s'elan ti c'otem ta sventa ti lajel tubele. Ti buch'utic ta sve'ic taje, laj xa soques ti sc'oplale. Mi ta sve'ic ti pan taje, mu xu' ta x'ochic batel ta xch'ulna ti Diose.

Levítico 10:20

C'alal jech laj ya'i ti Moisés ti va'i s'elan taje, mu'yuc xa c'usi xal yo'nton yu'un.

Levítico 9:12

Ti chon bolom ti ta xich' chiq'uel ta sventa ti matanale, ti Aarone tey laj sc'ocbe ti snuq'ue. Ti xnich'nabe ta xet'esic jelavel ti ch'ich' ta stojol ti Aarone. Laj taj xtoc une, laj smalbe ta sba ta sjoylejal ti altare.

Levítico 9:8

Nopaj ech'el ta sts'el altar ti Aarone. Laj sc'ocbe snuc' ti ch'iom tot vacax ti ta xac' ta scoj ti smulique.

Malaquías 1:10

“Ti oyuc la buch'u xu' ta smacbe sti' ti ch'ulnae yo' jech mu ta jeche'uc no'ox ta xich' tilesbel sc'ac'al ti caltare, toj xlaet xa ta xca'i unbi. Mi ja'uc ximuyubaj avu'unic. Mi ja'uc ta jtsac ta xquich' ti matanal ta xavac'beicune.

Malaquías 1:13

Ti vo'oxuque xachi ta xavalique: ‘Mu xa ts'icbaj ta xca'icutic ta j'ech'el yu'un scotol taje.’ Ti jech s'elan taje, ta xasoquesbeicun ti co'ntone. Taje, mi avalojic to nan ti ximuyubaj avu'unic c'alal ta xavac'beicun ta matanal ti elc'anbil chon bolome, mi ja' jun coxov vacax, mi ja' ti oy xchamele.

Malaquías 2:13

Ja'uc ti vo'oxuc une, xi s'elan avac'ojbeic yipal ta spasele: Ti xmal no'ox ti ya'lel asatic ta sba ti altar yu'un ti Diose, xchi'uc ti xamil no'ox abaic ta oq'uel ta avanele, ja' ti mu xa xmuyubaj ti Dios ta stsacboxuc ti matanale.

Deuteronomio 12:7

Ti bu taje, ta xave' xavuch'ic vo' ta sts'el ta sba ta sat ti Diose, jmoj xchi'uc ti c'u avepalic ta nacleje. Jmoj xamuyubajic ta sventa ti oy c'usi lec ch'i ta sventa avabtelic ti jech laj sva'an sba ta atojolic ti Ajvalil Dios avu'unique.

Deuteronomio 26:14

Mi ja'uc jutebuc laj jtsac ta stunesel ta slajesel ti c'alal oyun ta me'inale, ti c'alal jsoquesoj jba xchi'uc jtosuc ti albil sc'oplal ti mu staq'ue. Mi ja'uc laj cac'be ta xrexpon ti animae. Cajval Dios, ti c'u s'elan ta xac'ane, laj jch'un. C'ot ta pasel cu'un scotol ti c'u s'elan laj avac' ta na'ele.

Filipenses 4:4

Muyubajanic scotol c'ac'al ta stojol ti Cajvaltique. Xi ta jcha'alboxuc xtoque: ¡j'ech'eluc o muyubajanic!

Hebreos 7:27

Mu xco'olaj xchi'uc jech c'u cha'al ti yan banquilal paleetic ti jujun c'ac'al ta smilic ta xchiq'uic ti chon bolometic ta stojol Dios ta scoj ti smulique, xchi'uc ta scoj smul ti jteclume. Yu'un ti Jesuse, jcoj no'ox laj yac' stojol ti mulil ta sventa scotol ti c'alal ja' stuc laj yac' sba ta mataninele.

Hebreos 9:8

Ti jech taj une, ti Ch'ul Espiritue ta xac' ta na'el ta jtojoltic ti macal to sbelal ti bats'i ch'ul cuarto c'alal ta to xtun ti sliquebal cuartoe.