Levítico 10:18 - Bible in Tzotzil de Chamula

¹⁸ Ti jech mu'yuc laj yich' ich'el ochel ta yut Axibalna ti xch'ich'ele, tey no'ox laj ati'ic jechuc ti c'usi laj yich' milel bu tuc'ulanbil leque jech c'u cha'al calojboxuc ava'iic ti mantale.

Bible in Tzotzil de Chenalhó with Deuterocanon

¹⁸ Yu'un li xch'ich'ale mu'yuc chich' ich'el ochel ta yut ch'ulna, ja' yu'un tsc'an vo'oxuc chati'ic te ta ch'ul banamil ti jechuque jech chac c'u cha'al la calboxuc ono'oxe —xut.

Levítico 10:18 Iomraidhean Croise

Éxodo 29:33

Yu'un ta stun slajesic, ja' ti laj yich' aq'uel ta sventa xch'ayobil ti smul scolo'ic ti yo' laj staic ti va'anbil ti c'otic ta yabtelique, ti laj yich' cajal yabtelic ti jech c'otic ta paleale. Taj une, mu xu' ta sti'ic ti buch'uuc no'oxe, yu'un oy stutac ti ch'acbil c'ote.

Levítico 6:19

Ti Diose xi laj yalbe ti Moisés ti c'alal laj sc'opon talele:

Levítico 6:26

Ti pale ti ja' ta xac' ti matanal ta scoj ti mulile, xu' ta sti' ec. Ja' no'ox un, tey ta sti' ti bu chapanbil sc'oplal ti oy ta yamaq'uil ti Axibalna ti bu Nupel ta bee.

Levítico 6:30

Yan ti chon bolometic ti ac'bil ta matanal ta scoj ti mulile, ti laj yich' ech'el ti xch'ich'el ta Axibalna ti bu Nupel ta bee, ta j'ech'el mu ti'baj, yu'un c'ot ta xch'ayobil mulil ti tey ta Axibalnae. Ti matanal ti laj yich' svocol taje, ac'o yich' chiq'uel ta c'oc'.