Levítico 10:15 - Bible in Tzotzil de Chamula

¹⁵ Ti sbec'tal yo'e xchi'uc ti xpech-pechul sti' yo'ntone, co'ol ta xich' ye'ilanel jelavel ta lequil matanal ta stojol ti Diose. Tey ta xtal ec ti xepu'etic ti ta xich' chiq'uele. Ti bu ta xc'ot ta avu'unic xchi'uc ti anich'nabe, ja' ti sbec'tal yo'e xchi'uc ti xpech-pechul sti' yo'ntonic jech c'u cha'al yaloj ono'ox mantal ti Diose.

Bible in Tzotzil de Chenalhó with Deuterocanon

¹⁵ Li jec yo' ti ja' sventa apatanique xchi'uc li sna yo'nton ti ja' matanal tsc'an co'ol chich' aq'uel ta stojol Dios xchi'uc xepualtaque, ja' avu'unic o chcom xchi'uc anich'nabtac jech chac c'u cha'al yaloj Muc'ul Diose —xut.

Levítico 10:15 Iomraidhean Croise

Génesis 13:15

Le'e, vu'un ta xcac'bot scotol ti banomil ti ta xaq'uel batele. Ja' avu'unic o ta xcom xchi'uc scotol ti anitilultaque.

Génesis 17:13

Ti c'u s'elan ta xich' ti june, ja' jech ta xich'ic ti yane. Yu'un tsots sc'oplal ti scotolic co'ol ta xich'ic ti circuncisione. Ja' yu'un un, ti jtratee, oy lec senyail ta xcom ta abec'talic ti ja' sna'obil avu'unic ti oy trate ta atojolic c'u sjalil cuxuloxuque.

Génesis 17:17

Va'i un, ti Abrahame snupilan xa banomil laj spatan sba ta lum, lic tse'inuc c'alal xi ta snopilane: “¿Mi yu'un la xu' to ta xlic joybijuc ta totil ti vinic ti yich'oj xa vo'vinic (100) jabile? ¿Mi yu'un la xu' to ta xilbe sat junuc squerem ti Sara c'alal yich'oj xa lajuneb yo'vinic (90) jabile?”

Génesis 17:8

Ti vo'ote xchi'uc ti stuquique, ta xcac'boxuc scotol yosilal Canaán ti bu nacalot avie. Yu'un j'ech'el ta xcom o ta arextoic cu'un, xchi'uc ta jva'an jba ta Dios avu'unic.

Éxodo 29:27

“Ti spechel sti' yo'nton ti chije, xchi'uc ti sbec'tal yo'tac ti ta xtun ta sventa ti lajesobil o'ntonale, ti ta xich' ye'ilanel ta stojol ti Diose, ja' xa c'ot ta yu'un ti Aarone, xchi'uc ti xnich'nabe.

Éxodo 29:28

Ti matanaletic ti ta xich'ic talel ti israeletique, na'bil ta xcom o yu'unic ti c'ot ta jbel mantal ti ja' yu'unic ti paleetic ti xpechel sti' yo'ntone, ti sbec'tal yo'tac ti laj yich' aq'uel ta sventa ti lajesobil o'ntonale.

Levítico 2:3

Scomelal smoton ti Diose, ti ja' c'ot ta yu'un Dios ti laj yich' chiq'uel ta sventa yich'el ta muc' ti Diose, ja' xa ta xich' ti Aarón xchi'uc ti xnich'nabe.

Levítico 3:17

“Xi s'elan ta xal ti c'usi tsots albil sc'oplale, ti ich'biluc ta muc' sbatel osil ti ta x'ech'ic ti totil me'iletique, ti alab nich'nabiletic ti buyuc no'ox nacalique: J'ech'eluc mu xati'ic ti xepu'e, ti ch'ich'e.”

Levítico 7:34

Yu'un ti c'usi laj yich' svocol ta sventa lajesobil o'ntonal ti laj yac'beicun ti israeletique, laj quich' ti jpech sti' yo'ntone, xchi'uc ti sbec'tal yo' ti c'ot ta jch'ul moton yu'unique. Taje, ja' laj cac'be yich' ti pale Aarón xchi'uc ti xnich'nabtac ti oy ono'ox sc'oplal ta xich'ic cu'un ti matanaletic ti ta xaq'uic ti israeletique.”

Números 5:9

“Scotol ti jtunel matanaletic ti ta xaq'uic ti israeletic ta stojol ti Dios ti ta xich'ic ac'bel ti palee, ja' ta xc'ot ta yu'un ti palee.