Levítico 10:12 - Bible in Tzotzil de Chamula

¹² Ti Moisese xi laj yalbe ti Aarone xchi'uc ti chib xnich'nab Aarón ti come, ja' ti Eleazare xchi'uc ti Itamare: —Tamic lajesic scomelal ti matanal sat ts'unubil ti laj yich' chiq'uel ta stojol ti Diose. Ti mu'yucuc spajubtasbile, ve'anic ta sts'el ti altare, yu'un c'ot ta ch'ul matanal ta j'ech'el.

Bible in Tzotzil de Chenalhó with Deuterocanon

¹² Li Moisese jech laj yalbe li Aarón xchi'uc xnich'nab ti cuxul to icomique, ja' li Eleazar xchi'uc Itamare: —Ich'ic li scomelal smoton Dios chcom ta chiq'uele, ja' li c'usitic jech chac c'u cha'al trigoe. Ve'anic, pero mu me xavac'beic svolesubil xch'ut, xchi'uc te no'ox xave'ic ta sts'el scajleb smoton Dios yu'un ja' bats'i lequil ch'ul matanal.

Levítico 10:12 Iomraidhean Croise

2 Crónicas 31:14

Ti jchabiej ti'na ti oy ta yelov sloq'ueb c'ac'ale, ja' sbainoj com ti levita vinic ti sbiinoj Coré xnich'on ti Imnae, ti sbainoj to ox ta stsobel ti matanal ti ta xloc' x'ayan ta o'ntonal ta yac'bel ti Diose, ta xch'aquel ti patanil ti ac'bil ta sventa ti Diose, ta spuquel ti matanaletic ti c'otem ta sventa ti Diose.

Esdras 7:5

ti Abisúae, ti Fineese, ti Eleazare, xchi'uc ti Aarón ti sliquebal palee.

Éxodo 29:2

Vots'o ta aceite ti lequil t'ujbil harinae yo' jech ta xameltsan panetic, xchi'uc muc'tiquil panetic ti ch'abal ac'bil ti spajubtasobile. Meltsano xtoc jayaquil pac'anbil harina ti ta'ajesbil ta aceitee.

Éxodo 29:33

Yu'un ta stun slajesic, ja' ti laj yich' aq'uel ta sventa xch'ayobil ti smul scolo'ic ti yo' laj staic ti va'anbil ti c'otic ta yabtelique, ti laj yich' cajal yabtelic ti jech c'otic ta paleale. Taj une, mu xu' ta sti'ic ti buch'uuc no'oxe, yu'un oy stutac ti ch'acbil c'ote.

Éxodo 6:23

Ti Aarone laj yic' ti Elizaba ti ja' xchi'il ta voq'uel ti Nahsone. Ti Elizabae, ja' yantsil nich'on ti Aminadabe. Ja' jech sbitac ti yol laj svoq'uese, ja' ti Nadabe, ti Abihue, ti Eleazare, xchi'uc ti Itamare.

Ezequiel 44:29

Xu' slajesic ti sat ts'unubaletic ta xac'beicun ti israeletique, xchi'uc sbec'tal ti chon bolometic ta xich' aq'uel ta scoj ti mulile, xchi'uc ti ta xich' aq'uel ta scoj ti colo'ile. Ja' yu'unic ec, jech c'u cha'al scotol c'usitic c'otem ta jventa ta yac'belun ti israeletique.

Levítico 10:13

Ve'anic tey ti bu tuc'ulanbil leque, yu'un ja' c'ot ta apuculalic xchi'uc ti anich'nab ti matanal ti laj yich' chiq'uel sventa yich'el ta muc' ti Diose. Ti va'i s'elan taje, yu'un ja' jech albilun talel.

Levítico 21:22

Ti buch'u taje, xu' ta sve' ti pan taje, ti c'usi ch'acbile, xchi'uc ti c'usi ts'uiltasbil ta j'ech'ele.

Levítico 24:9

Taje, ja' me ti ta xc'ot ta spuculal ti Aarone xchi'uc ti snitilultaque, ti tsots sc'oplal ta sve'ic ti bu tuc'ulanbil leque. Yu'un ti matanaletic ti ta xich' chiq'uel sventa yich'el ta muc' ti Diose, ja' ti ech'em jelavem ts'uiltasbil ta j'ech'ele.”

Levítico 7:9

Ja' jech xtoc scotol ti matanal sat ts'unubaletic ti ta'ajesbil ta hornoe, xchi'uc scotol ti c'usi ch'ilbil ta muc' ta lech-lech taq'uine, xchi'uc ti ch'ilbil ta xalteme, ja' xa yu'un ti pale ti buch'u laj sva'an sba ta yet'esel ti matanale.

Números 3:2

Ti xnich'nab ti Aarone, xi s'elan oye: ti Nadabe, ja' banquilal. Tal un ti Abiue, ti Eleazare, xchi'uc ti Itamare.