Levítico 10:11 - Bible in Tzotzil de Chamula

¹¹ Ma'uc no'ox taje, yo' jech xu' xatojobtasic ti israeletic ta scotol ti c'usitic tsots albil yu'un ti Dios ti la'ac'batic yu'un ti Moisese.”

Bible in Tzotzil de Chenalhó with Deuterocanon

¹¹ Xchi'uc jech xu' avu'unic chachanubtasic li achi'iltaquic ta israelal ta sventa scotol li jmantaltac calojboxuc ta sventa Moisese”, x'utat li Aarone.

Levítico 10:11 Iomraidhean Croise

2 Crónicas 15:3

Ti Israele jal xa ta j'ech'el ti mu'yuc chi'inbil yu'un ti Bats'i Diose, mi ja'uc ti paleetic ti ta xchanubtasatic yu'une, mi ja'uc junuc yu'unic ta sbijubtasatic smelol c'u s'elan ta stoyel xi'el ti Diose.

2 Crónicas 17:9

Laj stacanan batel ta stojol jnaclejetic yu'un ti Judae yo' ac'o yich'ic chanubtasel ti oy c'usi jbel tsots albil yu'un ti Diose. Jech ti stuquic une xanavic ta xchanubtasel ti jnaclejetic ta scotol yu'un ti Judae.

2 Crónicas 30:22

Ti Ezequías une laj smuq'uibtasbe yo'nton scotol ti levitaetique, ti laj yaq'uic ta ilel ti sjunul yo'ntonic ta xac' sbaic ta tunel yu'un ti Diose. C'alal chi'invan xa ta ve'el ti vucub (7) c'ac'al sjalil une, ti laj xa yac' matanal yu'un ti lajesobil o'ntonale, ti laj xa smuyubta ta yalbel slequil yutsilal ti Ajvalil Dios yu'unic ti smolmuc'totic ta vo'nee,

Nehemías 8:2

Ta sliquebal c'ac'al yu'un ti yucubal ue, ta sba ta satic c'alal oyic ta tsobajel ti ants viniquetique, xchi'uc ti buch'utic xa'ibeic lec sni' xchiquinale, yich'oj c'otel ti pale Esdrase ti jpoc svunal ti oy c'usi jbel tsots albile.

Nehemías 8:8

lic yavtaic ti jpoc svunal ti oy c'usi jbel tsots albil yu'un ti Diose. Ta sjelubtasic ta yan c'opetic yo' jech ta xa'iic lec ti c'u s'elan ta xale.

Jeremías 18:18

Ti jnaclejetique xi lic snopique: “Jchapantic lec ti ch'ayuc sc'oplal ti Jeremías ta jtojoltique. Yu'un oy ono'ox paleetic ti ta xistojobtasotique. Oy ono'ox bijil viniquetic ti ta xisbijubtasotique. Oy ono'ox j'alc'opetic xu' ta xisjelubtasbotic c'usi ta xal ti Diose. Jtic'betic ya'i smul yo' ta xich' milel. Mu jch'unbetic ti c'usi ta xale.”

Jeremías 2:8

Ti paleetique, laj ta alel yu'unic ti ta sa'icune. Ti jtojobtasvanejetic yu'un ti jteclumale, mu'yuc laj yaq'uicun ta venta. Ti banquilaletique laj stoy sbaic ta scontrainelun. Ti j'alc'opetic une, c'ajomal no'ox oy ta ye ta sti'ic ta stoybel sc'oplal ti Baale. Bat snaban sbaic ta stojol ti c'usitic loc'tabile, ti mu'yuc c'usi xu' yu'unique.

Malaquías 2:7

Yu'un ja' yabtelic ti paleetic ta xchanubtasel ti jnaclejetic ti ac'o xiyojtiquinique. Ja' yu'un un, scotolic ac'o yac' sjolic ti ac'o sc'anic ti tojobtasele. Ti stuquique, ja' j'al-mantal j'ich'-c'opetic yu'un ti Dios ti scotol xu' yu'une.

San Mateo 28:20

Chanubtasic ta spasel scotol ti c'u s'elan laj xa calboxuc ava'iique. Jech ti vu'un ec une, jchi'inojoxuc scotol c'ac'al c'alal to ta slajebal c'ac'ale. Jechuc.

Hechos 20:27

yu'un laj calboxuc ava'iic c'u s'elan snopoj ti Dios ta atojolique, ti mu'yuc laj jmuc jutebuque.

Deuteronomio 17:10

Jech ti vo'oxuc une ja' me jech ta xapasic scotol ti c'u s'elan xcholet laj sbijubtasoxuque.

Deuteronomio 17:11

Yu'un ti c'u s'elan loc' ta ye ta sti'ique, ja' me xatamic ech'el. Mi ja'uc xajelic jutebuc.

Deuteronomio 24:8

“Yan ti mi ja' sc'oplal ti c'a'emale, tsots sc'oplal, ch'unic scotol ti c'u s'elan ta xa sbijubtasoxuc ti pale levitaetique. Yu'un tsots sc'oplal ta xapasic scotol jech c'u cha'al laj calbeic ya'iique.

Deuteronomio 33:10

Yu'un ti stuquique ta xchanubtasic ti Jacob ti jbel ti c'usi albile, xchi'uc ti c'usi nopbil avu'une. Ta xabtelan ta atojol ta yaq'uel ta sba avaltar ta xchiq'uel ti pome, xchi'uc ti chon bolometic ti ta xc'ot ta matanale.

1 Tesalonicenses 4:2

Ti vo'oxuque xana'ic lec scotol c'u s'elan laj jtojobtasoxuc ta sventa ti Cajvaltic Jesuse.