Levítico 1:3 - Bible in Tzotzil de Chamula

³ “Ti mi ja' yu'un stuc ti chon bolom ta xac' ta chic'bil matanele, sc'an ti ja'uc jcot tot vacax ti mu'yuc jutebuc xchopolile. Yo' jech ich'bil tsacbil ta xc'ot, tsots sc'oplal ta xich' aq'uel ta stojol Dios ta ochebal sti' ti Axibalna ti bu nupel ta bee.

Bible in Tzotzil de Chenalhó with Deuterocanon

³ “Me vacax chaq'uic sventa chixchic'bicun jmotonine, ja' ac'o yaq'uic li stot ti bu ven leque. Ti c'u cha'al xu' chquich'beique, te ac'o tal yaq'uic ta ti'ch'ulna pasbil ta nucul ta jtojol, vu'un li Muc'ul Diosune.

Levítico 1:3 Iomraidhean Croise

Génesis 22:13

Jech ti Abrahame laj stoy batel sat, ja' o laj yil jcot chij ts'otol xulub ta vach'il te'. Va'i un, bat yic' talel ti chije. Ja' laj yac' ta chic'bil matanal ti c'ot ta q'uexolil ta sventa ti squereme.

Génesis 22:2

Xi laj yal ti Diose: —Ic'o talel ti Isaac ti c'ajomal yo jun ti avuni quereme, ti mu tuch'baj ta avo'ntone. Batan ta yosilal Moria. C'alal mi tey xa oyot une, loc'uc ayanuc ta avo'nton ti ta xavac' ta chiq'uel ta matanal ta jol vits ti bu ta xcac'bot avile.

Génesis 22:8

—Dios ta sbain bu ta xtal jcotuc chij ti ta xich' chiq'uel ta sventa ti matanale, Nich'on —xi tac'bat yu'un ti stote. Jmoj xanavic batel xchibalic.

Génesis 8:20

Ts'acal to un, ti Noee lic xchapan jun altar ta sventa yich'el ta muc' ti Diose. Laj stsac talel jujucot ta jujutos ti lequil chon bolometique xchi'uc ti mutetique. Laj xchic' ta matanal ta sventa yich'el ta muc' ti Diose.

2 Crónicas 29:32

Ti laj yaq'uic chon bolometic ti jteclum sventa ti chic'bil matanale, lajuneb xchanvinic (70) ta cot tot vacax, vo'vinic (100) ta cot chij, xchi'uc lajunvinic (200) ta cot ch'in chij. Scotol c'ot ta chic'bil matanal ta sventa smoton ti Diose.

2 Crónicas 35:12

Ts'acal to un, laj sloq'uesic ti xepu' ti oy sc'oplal ta xich' chiq'uel ta sventa ti c'u s'elan nopbil ta spasic ta jujuchop jnaclejetic yu'un ti jteclum ta xaq'uic ta stojol Dios jech c'u cha'al albil ta jpoc vun yu'un ti Moisese, jech laj spasic xtoc ta stojol ti capon vacaxetique.

Salmos 110:3

Ti ateclumale ta xac' sba ta atojol c'alal yorail ti tsalbil ta xc'ot avu'un scotole. Xqueremaj no'ox ti viniquetic avu'une jech c'u cha'al ti ch'ul vits ti sts'ujulin no'ox job ac'ubal ta stojol ta jujun sacubel osile.

Salmos 40:8

Ximuyubaj ta spasel ti c'usi oy ta avo'ntone, Dios; c'otem ta co'nton ti c'u s'elan lachanubtasvane.

Éxodo 12:5

Jech ti chon bolometic ti ta xamilique, sc'an ti jun to no'ox jabil yich'oje, ti mu'yuc jutebuc xchopolile, ti mu'yuc xchamele. Xu' ta chij, mi ta tentsun, ipaluc ti mi ja' yuni tote.

Éxodo 24:5

Laj taj une, laj yalbe mantal jun chibuc querem israeletic ti ac'o smilic tot vacaxetic ti ta xac'beic ta smoton ti Diose, ti ta xchiq'uic ta sventa ti lajesobil o'ntonale.

Éxodo 29:18

Ja' jech xtoc ti chije, ac'o ta sba ti altare yo' jech ta xich' chiq'uel ta stojol ti Diose, ti jun yutsil ti smuile.

Éxodo 29:4

Ts'acal to un, ti Aarone xchi'uc ti xnich'nabe, ic'o talel ta sti'il ochebal Axibalna ti bu nupel ta bee, ac'o atinicuc avu'un.

Éxodo 29:42

Ti matanaletic ti ta xich' chiq'uel sventa quich'obil ta muq'ue, ja' ta sliquesic ti totil me'iletique, yo' jech xchanoj ta xcom ti yalab xnich'nabic ti ta xaq'uic ta jtojole, ti ta ochebal sti' ti Axibalna ti bu ta jnupot ta be ta sc'oponelote.

Éxodo 32:6

Sob ta yoc'omal un, lic xchapan sbaic, lic yaq'uic chic'bil matanaletic, xchi'uc milbil matanaletic sventa ti lajesobil o'ntonale. Ts'acal to un, ti israeletique chotiic ta ve'el ta uch'ubajel. C'alal laj yo'ntonique, tey lic spasic ti c'usi xmuyubaj ta xa'iic xchi'uquique.

Éxodo 35:21

Ac'o mi jech scotol taj une, ts'acal to un, ti buch'utic tijbil c'ot yo'ntonic ta j'ech'el ti laj ya'iic ta melele, laj yich'ic talel ti matanal ta sventa ti Diose yo' jech ta xich' meltsanel ti Axibalna ti bu nupel ta bee, xchi'uc scotol ti c'usi ta xtun yu'une, xchi'uc ti abtelal c'u'ile.

Éxodo 35:29

Scotol israeletic, viniquetic, antsetic, ti c'ot ta yo'ntonic ti laj ya'iic ti sc'an ta xcoltavanic yo' jech ta xc'ot ta pasel ti c'u s'elan albat mantal yu'un Dios ti Moisese, ta slequil yutsil yo'ntonic, laj yich'ic talel ti matanal ta stojol ti Diose.

Éxodo 35:5

Tsobic li' ta atojolic junuc smoton Dios ti c'usi x'ayan avu'unic ta jujune. Yu'un scotol ti buch'utic ta xloc' x'ayan ta yutsilal yo'nton sc'an ta xac'be ya'i smoton ti Diose, tsots sc'oplal ac'o yich' talel ti oroe, ti platae, ti c'anal taq'uine.

Éxodo 36:3

Ti c'u yepalic taje, ac'bat ta yoc ta sc'obic yu'un Moisés ti matanaletic ti laj yich'ic talel ti israeletique yo' jech ta sliquesic ta yabtelanel ti c'usitic ta xtun ta Axibalna sventa yich'el ta muc' ti Diose. Ac'o mi jech un, jujun c'ac'al tey ono'ox ta yutsil slequil yo'ntonic ti israeletic ta xich'ic talel ti matanale.

Éxodo 38:1

Ti Bezaleele, ta acacia te', ta smeltsanbe yaltaril xchic'obil ti c'usitic ta xich' aq'uele. Ja' co'ol sjamlej ti jujujote. Yich'oj buluch-ch'ix xchi'uc jquejlej (2.25mts.) ti sjamalil ti jujujote. Yich'oj vac-ch'ix xchi'uc jquejlej (1.25mts.) ti stayleje.

Isaías 1:11

Yu'un ti Diose xi ta xale: “¿C'usi xtun o ti ep ta xavich'beicun talel ti milbil matanale? Xtaet xa ta xca'i ti chic'bil matanal chij ta xavac'beicune, xchi'uc xepu'al ti ch'in chijetique. Mu xa jc'an jq'uelbe sat xch'ich'eltac ti tot vacaxetique, ti chijetique, xchi'uc ti ch'in tentsunetique.

Ezequiel 20:40

Sjunul lum Israel ta xlic snijan sbaic ta yich'elun ta muc' ta jch'ul vits, ta cosilal ta toyol vits ti oy ta Israele. Mu lo'iluc no'ox ta xcal ti vu'un Diosune. Ximuyubaj xa ta xlic tunanic cu'un. Ta jc'anboxuc ti matanaletic ta xavac'beicune. Ich'beicun talel ti sba sat ts'unubaletic avu'unique, xchi'uc scotol ti c'usi loq'uem xa sc'oplal ta xavac'beicune.

Ezequiel 40:39

Ta ochebal coriol yu'une, oy chancot mexa, cha'cha'cot ac'bil ta jujujot ta xtun ta smilobil chon bolometic ti ta xich' chiq'uel ti milbil matanaletic ta scoj ti mulil colo'ile.

Levítico 1:10

“Mi ja' yu'un stuc ti chon bolom ta xich' chiq'uel ta matanale, mi ja' ti chije, mi ja' ti tentsune, tsots sc'oplal ti ja'uc me ti stote, ti mu'yuc jutebuc ti xchopolile.

Levítico 14:10

Ta xvaxaquibal c'ac'al un, ta xich' talel cha'cotuc chij ti mu'yuc jutebuc xchopolile, xchi'uc jcotuc ch'in me' chij ti mu'yuc jutebuc xchopolil ti ja' yich'oj jun jabile. Ta xich' talel xtoc o'lol yucubal kilo lequil t'ujbil harina ti vots'bil ta aceitee, xchi'uc jch'ac ta oxch'ac ti jun litro aceitee.

Levítico 16:7

Ts'acal to un, ta stsac talel ti cha'cot tentsune. Ta xac' ta stojol Dios ta ochebal sti' Axibalna ti bu nupel ta bee.

Levítico 17:4

mi mu'yuc laj yich' talel ta ochebal sti' ti Axibalna ti bu nupel ta bee yo' jech ta xaq'ue, oy smul ti jeche' no'ox ta smal ti ch'ich'e. Ma'uc no'ox taj une, tenbil ta xloc' ta stojol ti xchi'iltaque.

Levítico 17:8

“Albo ya'iic xtoc, buch'uuc no'ox ti israeletique, mi jyanlumetic ti nacal ta atojolique, ti ta xac' ti c'usi ta xich' chiq'uele, mi oy c'usi yan ti ta xac'be yich' svocole,

Levítico 17:9

ti mi mu'yuc ta xiq'uic batel ta sti' ti ochebal Axibalna ti bu nupel ta bee, ti ta xac'beic yich' ti Diose, tenbil ta xloc' yu'un ti steclumale.

Levítico 23:12

Ti sc'ac'alil ti ta xich' aq'uel ti jchuc ts'unubile, ja' o ta xac' xtoc jcot chij ti yich'oj jun jabile, ti mu'yuc xchopolile, ti ta xich' chiq'uel sventa yich'el ta muc' ti Diose.

Levítico 23:18

Ti panetic taje, jmoj ta xich' aq'uel batel xchi'uc vuc-cot ch'iom tot chij ti mu'yuc jutebuc ti xchopolile, ti ja' to no'ox yich'oj jun jabile, xchi'uc jcot ch'iom tot vacax, xchi'uc cha'cot tot chij, ti ta xich' chiq'uel ta sventa yich'el ta muc' ti Diose, xchi'uc ti matanal sat ts'unubil xtoque, xchi'uc ti vinoe. Taje, ja' jun chic'bil matanal ti jun yutsil smuil ta xich' ac'bele.

Levítico 3:1

“Ti mi oy buch'u ta xac' ta matanal ta stojol Dios jcotuc me' vacax, mi tot vacax, ti ta xich' svocol ta sventa ti lajesobil o'ntonale, ti chon bolom ti ta xich' aq'uel ta matanale, tsots sc'oplal ti mu'yuc jutebuc ti xchopolile.

Levítico 4:15

Jech ti moletic yu'un ti israeletique ta scajan sc'obic ta sjol ti ch'iom tot vacax ta stojol ti Diose. Ti bu taje, tey no'ox ta sc'ocbeic snuc'.

Levítico 4:23

C'alal ta xil ti ja' mulil ti c'usi laj spase, tsots sc'oplal ac'o yic' batel ta matanal jcotuc tot tentsun ti mu'yuc jutebuc ti xchopolile.

Levítico 4:3

“Mi ja' laj sta smul ti banquilal palee, ti ta sta ta maquiel yu'un ti jteclume, tsots sc'oplal ta xac' ta stojol Dios jcotuc ch'iom tot vacax ti mu'yuc jutebuc xchopolile, ti ta xich' milel ta scoj ti smul ti laj stae.

Levítico 4:32

“Yan ti mi ja' jcot chij ta xac' ta milel ta scoj smul ti buch'u taje, ac'o yic' talel jcotuc me' chij ti mu'yuc jutebuc xchopolile.

Levítico 5:15

“Ti buch'u mu'yuc xa'i sba c'uxi bat ti oy smul c'ote, ti ts'acal to vinaj ti ja' smul c'ot ta scoj ti mu'yuc xac' ti c'usi oy sc'oplal ti ja' yu'un ti Diose, ac'o yich' talel jcotuc sts'unub stot chij ti mu'yuc jutebuc c'usi xchopolile, ti ja' ta xich' svocol yu'un ta scoj ti smule. Ac'o yich' aq'uel ta stojol ti Diose. Ti stojol ti chij xtoque, ac'o yich' q'uelel c'u yepal plata taq'uin xtojolin o yu'un, ja' ti c'u s'elan liquem yu'unic ta ch'ulna ta sventa ti matanal yu'un ti mulile.

Levítico 5:18

Ja' yu'un un, tsots sc'oplal ac'o yich' talel jcotuc sts'unub chij ti mu'yuc jutebuc c'usi xchopolile. Ti stojole, tey xaq'uel c'u yepal xtojolin o. Ja' jech xtoc ta xich' batel ta stojol ti palee yo' ta xc'ot ta stojol ti mulile. Ja' to jech ta xich' tael ti ta xch'ay smul ti buch'u mu'yuc xa'i c'uxi bat ti oy smul c'ote. Tub ti mulil yu'une.

Levítico 6:2

“C'alal mi oy buch'u laj xa sta ti smule, ti oy smul c'ot ta stojol ti Dios ta scoj ti laj slo'la ti xchi'ile, ti ta xc'ot xa ta pasel ti mu xa sutes ti c'usi ac'bat xch'amune, mi ja' ti c'usi ta xelc'anbee, mi ja' ti oy c'usi ta stsatsal-poje,

Levítico 6:8

Ti Diose xi laj yalbe ti Moisés ti c'alal laj sc'opon talele:

Levítico 7:16

Yan ti mi ja' chon bolom ta xac' ta matanal ti c'usi loc' ta ye ta sti' ti ta ono'ox xaq'ue, mi ja' xtoc ti c'usiuc no'ox xloc' x'ayan ta o'ntonale, ta yorail no'ox, ac'o yich' ti'el c'alal mi laj yich' aq'uele. Xu' xtoc ta xich' ti'el ta yoc'omal ti c'u to yepal ta xcom ti scomelale.

Levítico 8:18

Ti Moisese laj yal ti ac'o snopajesic talel ti chij ti ta xich' aq'uel ta chiq'uele. Ti Aarón xtoque xchi'uc ti xnich'nabe laj scajan sc'obic ta sjol ti chije.

Levítico 8:21

Laj taj une, laj sapbe ta vo' ti sbiquile xchi'uc yo' ti chije. Laj xchic' scotol ta altar ti ja' ti xchic'obil matanale, ti jun yutsil smuil ta xich' ac'bel ti Diose jech c'u cha'al yaloj mantal ti Diose.

Levítico 9:2

Xi laj yalbe ya'i ti Aarone: “Tsaco talel jcotuc ti ch'iom tot vacax ti ta xich' milel ta scoj ti mulile, xchi'uc jcotuc tot chij ti mu'yuc jutebuc ti xchopolile, ti ta xich' aq'uel ta chiq'uele, ti ta xich' aq'uel xtoc ta stojol ti Diose.

Zacarías 13:7

Ti Dios ti scotol xu' yu'une xi ta xale: “Va'lan, tec'lan un, espada, tsaco ta milel ti caj'il-chije. Tsaco ta milel xtoc ti caj'coltaobbae, milo ti j'il-chije, jech ti jvoc' chijetique, tan puc ta xbatic, yu'un ti vu'un eque ta jcontrain ti uni ch'iom chijetique.

Malaquías 1:14

Bac svocol xa'i o ti buch'u xac' xa ye yilel ti ta xac' jun lequil matanal chon bolom ti oy ta corral ti c'alal ja' ta xac' ti oy xchamele. Ti jech banquilal Ajvalilune, xi'tabilun yu'unic jlomuc ti muc'tiquil lumetique.” Ti va'i s'elan taje, ja' ta xal stuc ti Dios ti scotol xu' yu'une.

Números 15:3

xu' ta xac'beicun jcotuc tot vacax, mi ja' jcotuc chij ti ta xich' svocol ta chiq'uel sventa quich'el ta muq'ue, ti jun yutsil smuil ta xich' chiq'uele, mi ja' ic'ot ta pasel ti oy c'usi yaloj ta xaq'ue, mi ja' ti c'usi loq'uem ayanem ta o'ntonal ta xich' aq'uel ta matanale, mi ja' ta sventa ti ta xtun ta jujun q'uine.

Números 15:8

Ti mi ja' jcot ch'iom tot vacax ta xich' svocol sventa ta xich' chiq'uele, mi ja' sventa ta xich' svocol yu'un ti lajesobil o'ntonale, mi ja' sventa ti yaloj ti c'usi ta xaq'ue,

Números 19:2

“Ti vu'un Ajvalilune xichi ta xcalbot ti jmantale: Albo ya'iic ti israeletique ti ac'o yich'ic talel jcotuc tsajal me' vacax ti mu'yuc jutebuc ti xchopolile, ti mu bac'niuc xojbil ta sjol ti yabtejebe.

Números 23:19

Yu'un xi s'elan ti Dios ti mu co'oluc s'elan jech c'u cha'al ti buch'u sna' xcham xlaje: mu sna' sjut, mi ja'uc xtal xbat ti snopobil yu'une. Mi yu'un oy c'usi ta sc'an ta spase, ta xc'ot ono'ox ta pasel yu'un. Mi yac'oj sc'op ti ta spase, ta xc'ot ono'ox ta pasel yu'un.

Números 23:27

Va'i un, ti Balaque xi laj yalbee: —La', batic, yu'un ta xquic'ot ech'el li' ta jote. Xu' nan ti mu colo'uc ta xa'i ti Dios mi tey to c'alal ta xac'anbe ech'el slajel stubel ti israele.

Números 23:3

Ts'acal to un, ti Balaame xi laj yalbe ya'i ti Balaque: —Coman li' ta sts'el ti c'usi laj yich' svocole. Ja'uc ti vu'une xbat jq'uel quic mi ta xtal snupun ta be ti Diose. Mi laj une, ta jcholbot ava'i ti c'u s'elan laj yalbun ca'i ti Diose. Jech ti Balaame bat ta stselejal sbajtical banomil ti sts'ijlajane,

Números 23:30

Ti Balaque laj spas jech c'u cha'al albat yu'un ti Balaame. Laj yac'be yich' svocol jcot vacax xchi'uc jcot chij ti ta jujun altare.

Números 28:11

“Ti sba c'ac'al yu'un ti sliqueb jujun ue, ta xavac'beic chic'bil matanal ti Diose, cha'cot ch'iom tot vacax, jcot tot chij, xchi'uc vuc-cot ch'iom tot chij ti yich'oj jun jabil ti mu'yuc jutebuc ti xchopolile.

Números 28:19

Ta sventa ti chic'bil matanal ta xich' aq'uele, ta xavaq'uic cha'cot ch'iom tot vacax, jcot tot chij, xchi'uc vucub ch'iom tot chij ti yich'oj jun jabil ti mu'yuc jutebuc xchopolile.

Números 28:31

Ti matanaletic ti ta xich' aq'uel ta chiq'uel taje, ti sts'aquebtac ti jchop ta trigoe, ti vinoe, ta xaq'uic xtoc ti matanal ti albil sc'oplal ta xich' chiq'uel ta jujun c'ac'ale. Tsots sc'oplal ti mu jutebuc xchopolil ti chon bolometique.

Números 29:13

Ta sliquebal c'ac'al ta sventa ti muil chic'bil matanal ti ta xich' ac'bel ti Diose, ta xavaq'uic oxlajuncot ch'iom tot vacax, cha'cot tot chij, xchi'uc chanlajuncot ch'iom tot chij ti yich'oj jun jabil ti mu'yuc jutebuc ti xchopolile.

Números 29:2

Ta sventa ti jun smuil chic'bil matanal ta xich' ac'bel ti Diose, ja' ta xavaq'uic jcot ch'iom tot vacax, jcot tot chij, xchi'uc vuc-cot ch'iom tot chij ti mu'yuc jutebuc ti xchopolile.

San Lucas 1:35

Xi tac'av ti anjele: —Ta xtal ta atojol ti Ch'ul Espiritue. Ta svoliot ta smuc'ul stsatsal ti Dios oy ta vinajele. Jech o xal ti ch'ul olol ta xvoc' ta atojole, ta x'albat sc'oplal ja' Xnich'on ti Diose.

San Juan 1:36

C'alal laj yil ti ta x'ech' ti Jesuse, ti Juane xi laj yale: —Q'uelo avilic le'e, ja' ti xch'iom chij ti Diose.

San Juan 10:7

Xi laj xcha'al ti Jesuse: —J'ech'el ta xcalboxuc ava'iic, xi oy ti jc'oplale: Vu'unun ma' ti ti' corral bu ta x'och batel ti chijetique.

San Juan 10:9

Vu'unun ti ti' corrale. Ti buch'u ta x'och talel ta jtojole, ta xcol. Co'ol s'elan chij ti x'och xloc' ta corral ta stael ti sve'ele.

2 Corintios 8:12

Buch'uuc no'ox ti ta sjunul yo'nton ta sc'an ta xcoltavane, ich'bil ta venta ta xc'ot yu'un Dios ti c'u yepal xu' yu'un ta xaq'ue. Yu'un ti Diose mu yu'unuc ta sc'anbe ti buch'u ch'abal c'usi x'ayan yu'une.

2 Corintios 9:7

Ti jujune ac'o yac' ti c'u yepal ac'bat sna' yu'un ti sjol yo'ntone, ti ma'uc xchibal yo'ntone, ti ma'uc sujbile, yu'un ta xc'uxubine yu'un Dios ti buch'u xmuyubaj ta xaq'ue.

Efesios 2:18

Ta sventa ti Jesucristoe, ac'o mi israel mi ma'uc, jcotoltic xu' xijnopaj ta stojol ti Jtotic Diose, yu'un jun ti Ch'ul Espíritu quich'ojtique.

Efesios 5:27

Jech laj spas ti Cristoe yo' jech mu'yuc c'usi quechel macal yu'unic, mi jutebuc xchopolalic, mi jutebuc oy c'usi soquem yu'unic, jun yutsil, jun slequil scotol ti jch'unolajeletic ta xc'ot sva'an sba yu'un ta stojol ti Diose.

Deuteronomio 12:27

Ti bu taje, ta xavac' ta sba yaltar ti Ajvalil Dios avu'unic ti c'usi ta xachiq'uique. Ja'uc xch'ich'el ti chon bolometic ti ta xavaq'uique, malic ta sba yaltar ti Ajvalil Dios avu'unique. Ja'uc ti sbec'tale, xu' xati'ic.

Deuteronomio 15:21

Yan ti mi oy yuni vocol xa'i sbae, mi coxov, mi ma'sat, mi oy to yan ti mu'yuc yutsil ta q'uelele, mu me xavac' ta milel ta sventa smoton ti Diose.

Deuteronomio 17:1

“Mi ja'uc jcotuc tot vacax, mi jcotuc chij ti oy yuni vocol xa'i sbae, ti oy c'usi soquem yu'une, mu xamilbeic ta sventa smoton ti Ajvalil Dios avu'unique. Yu'un ti jech taje, toj ech'em chopol ta xil.

Hebreos 7:26

Ti Jesús taje, ja' ti tsots sc'oplal ta xtun cu'untic ta Banquilal Palee, yu'un ja' jun ch'ul vinic. Mu'yuc c'usi chopol laj spas. Mu xco'olaj yo'nton jech c'u cha'al ti jsa'muliletique, yu'un x'ech' to cajal sc'oplal ta vinajel.

Hebreos 9:14

Ti mi ja' jech taj une, buc xa la xch'ich'el ti Cristo ti ja' x'ech' to jelavem ti yip xu' yu'une. Ti jech coltabil yu'un Ch'ul Espíritu ti sbatel osil cuxule, ti Cristoe laj yac' sba ta milel ta stojol Dios ti c'ot ta jun matanal ti mu'yuc xchopolale, yo' ta xcac' jbatic ta tunel ta stojol ti Dios ta sventa ti tun ti xch'ich'el ta spoquel stusel ti sbolil jol co'ntontic ti naca ch'ayel jq'uelojtic batel yu'une.