Levítico 1:2 - Bible in Tzotzil de Chamula

² “Va'ano aba ta sc'oponel ta stojol ti israeletique. Mi oy buch'u ta xich'bun talel ta jmoton ti chon bolometique, albo ya'iic ti ja' me ac'o yich' talel ti vacaxe, mi ja' ti chije, ti ja' yu'un stuquique.

Bible in Tzotzil de Chenalhó with Deuterocanon

² “Albo scotol li achi'iltac ta israelale, c'alal me oy boch'o chtal yac'bun jmotone, ja' ac'o yich'bicun tal li xvacaxique xchi'uc li xchijique.

Levítico 1:2 Iomraidhean Croise

Génesis 4:3

Ech' c'uc sjaliluc un, oy jun c'ac'al, ti Caine laj yich' batel ta smoton Dios sat ti c'usi sts'unojane.

Génesis 4:5

Ja'uc ti Caine, mu jechuc ilat, mi ja'uc tsacbat ti matanal laj yaq'ue. Ja' yu'un un, ti Caine ep soc sjol ta j'ech'el. Yanijem ti sat ta j'ech'ele.

1 Crónicas 16:29

C'otuc ta pasel avu'unic ti ich'biluc ta muc' ti sc'otebal oe. Ich'o batel matanaletic c'alal ta xabat ta stojole. Nijiletan chimiletan ta stojol Dios ta xch'ulna ti jun yutsile.

Esdras 3:5

jech c'u cha'al ti chic'bil matanal jujun c'ac'ale, ta sventa ti jujun ach' ue, ti c'u yepal ta xtun ta jujun q'uinetic ti c'otem ta sventa ti Diose, xchi'uc ti oy buch'u ta xac' ta slequil yo'nton ta stojol ti Diose.

Éxodo 20:24

Ja' yu'un un, meltsanbeicun junuc altar ti meltsanbil no'ox ta latsbil lume. Cajanic tey ti chon bolometic ti oy ta acorralique, ti avacaxique, ti ta xich' svocol ta chiq'uel ta sventa ti lajesobil o'ntonale. Ta xtal jts'uiltas ta jujun ti bu ta jc'an ta xich' na'el ti jbie.

Números 15:3

xu' ta xac'beicun jcotuc tot vacax, mi ja' jcotuc chij ti ta xich' svocol ta chiq'uel sventa quich'el ta muq'ue, ti jun yutsil smuil ta xich' chiq'uele, mi ja' ic'ot ta pasel ti oy c'usi yaloj ta xaq'ue, mi ja' ti c'usi loq'uem ayanem ta o'ntonal ta xich' aq'uel ta matanale, mi ja' ta sventa ti ta xtun ta jujun q'uine.

Números 5:15

Ti c'uc s'elan ti xcha'tosal taje, ti vinique ta xic' batel ti yajnil ta stojol ti palee. Ta xac' chib kilo matanal juch'bil jchop o ta trigo ta sventa ti yajnile. Ja' no'ox un, mu'yuc ta smalbe ti aceite ta sba ti harinae. Mi ja'uc ta xac'be pom. Yu'un ja' jun matanal ta scoj ti it'ixale, ti ja' jun matanal ta svinajesel ti mulile.

Números 7:15

Ma'uc no'ox taje, yu'un laj yac' ta matanal jcot ch'iom tot vacax, xchi'uc jcot ch'iom tot chij ti yich'oj jun jabile, ta sventa ti jun yutsil smuil ta xich' chiq'uele.

Marcos 7:11

Ti vo'oxuque ta xava'an abaic ta xchanubtasel ti buch'uuc no'oxe, ti xi ta xalbe ti stot sme' avu'unique: ‘Mu xa xu' ta jcoltaot, scotol ti c'usi oy cu'une, laj xa cac'be smotonin Dios ti sbiinoj corbane.’

Romanos 12:1

Ja' yu'un un, Jchi'iltac, ta sventa syail xc'uxul yo'nton ti Dios ta jtojoltique, ta jc'anboxuc vocol, cuxul ac'o abaic ta tunel jech c'u cha'al ti matanal ti c'otem ta sventa ti Diose, ti jun yutsil slequil ta xich' aq'uel ta stojole. Taje, ja' jech ta ich'el ta muc' ti Diose.

Romanos 12:6

Ti Diose yantic o laj yac'botic jbijiltic ta jujun tal, ja' ti c'u s'elan loc' ayan ta yo'nton ta yac'belotique. Jech un, mi ja' laj yac'botic jbijiltic ta scaj'alel ti c'usitic ta xc'ot ta pasele, caltic jech c'u cha'al c'otem ta o'ntonal ta xch'unele.

Efesios 5:2

Oyuc xc'uxul avo'ntonic c'uxianic jech c'u cha'al laj xc'uxubinotic ti Cristoe, ti laj yac' sba ta milel ta jcojtic ti co'ol s'elan jcot uni chij ti laj yich' aq'uel ta smoton Dios ti jun yutsil slequil laj yile.