Levítico 1:14 - Bible in Tzotzil de Chamula

¹⁴ “Yu'un mi ja' jcot mut no'ox ta xich' chiq'uel ta matanal sventa yich'el ta muc' ti Diose, tsots sc'oplal ti ja'uc jcotuc tortola, mi mo'oje, jcotuc bats'i paloma.

Bible in Tzotzil de Chenalhó with Deuterocanon

¹⁴ “Yan me mutetic chich'ic tal sventa chachic'bicun jmotonin, vu'un li Muc'ul Diosune, ja' ac'o yich'ic tal jcotuc puruvoc stsu, o me stsumut.

Levítico 1:14 Iomraidhean Croise

Génesis 15:9

Va'i un, xi albat yu'un ti Diose: —Ich'bun talel jcotuc ch'in me' vacax ti yich'oj oxib jabile, xchi'uc jcot tot tentsun ti yich'oj oxib jabile, xchi'uc jcot tot chij ti yich'oj oxib jabile, xchi'uc jcot tórtola, xchi'uc jcot paloma.

Levítico 12:8

Ti mi mu stabe stojol jcot chij ti ta xac' ti me'ile, xu' ta xac' jcot tortola, mi mo'oje, xu' ta xac' cha'cot ch'iom paloma. Jcot ta xac' ti ta xich' chiq'uele. Ti jcot xtoque, ta xich' svocol ta milel ta scoj ti mulile. Jech ti pale une ta sc'an ti ac'o ch'aybatuc ti smul scolo'e, ja' to jech mesbil tusbil ta xc'ot ti antse.

Levítico 5:10

Yan ti xchibale, ta xchic' jech c'u cha'al albil sc'oplal ti liquem ono'oxe. Jech ti palee ta sta ti ta xch'ay smul scolo' ti buch'u jech c'ot ta pasel yu'une. Jech c'ot ta tubel ti smul scolo'e.

Levítico 5:11

“Yan ti mi mu'yuc c'usi x'ayan jutebuc yu'un yo' ta sman o cha'cotuc tórtolae, mi cha'cotuc ch'in palomae, ac'o yac' chibuc kilo harina ti lec t'ujbile ti ta xc'ot ta sventa xch'ayobil mulile. Mu me xac'be aceite, mi ja'uc pom ta sba, yu'un ja' jun xch'ayobil mulil.

Levítico 5:7

“Mi mu'yuctic lec c'usi x'ayan yu'un yo' ta sman jcotuc ti chije, ac'o yich' batel ta stojol Dios cha'cotuc tórtola, mi mo'oje, cha'cotuc bats'i paloma ti xi s'elan ta xich' aq'uel ta scoj ti mulil c'ot ta pasel yu'une. Ti jcote, ta xich' milel ta scoj ti mulile. Yan ti jcote, ta xc'ot ta chic'bil matanal.

San Mateo 11:29

Ac'o abaic ta ventainel ta jtojol. Chanbeicun co'nton. Mu jna' jtoy jba, manxuun. Mi jech ta xapasique, ta xataic ti xcuxobil avo'ntonique.

San Mateo 21:12

Ts'acal to ti Jesuse bat ta ch'ulna, laj snuts loq'uel scotol ti buch'utic ta xchonilajique xchi'uc ti ta xmanolajique. Laj svalc'unanbe xmexaic ti jel-taq'uinetique xchi'uc xilaic ti jchon-palomaetique.

San Lucas 2:24

Batic un, bat yaq'uic milbil matanal jech c'u cha'al yaloj ti oy c'usi tsots sc'oplal albil yu'un Dios ti xi ts'ibabile: “Ac'o yich'icuc batel cha'cot toltora, mi mo'oje, cha'cot paloma.”

2 Corintios 8:12

Buch'uuc no'ox ti ta sjunul yo'nton ta sc'an ta xcoltavane, ich'bil ta venta ta xc'ot yu'un Dios ti c'u yepal xu' yu'un ta xaq'ue. Yu'un ti Diose mu yu'unuc ta sc'anbe ti buch'u ch'abal c'usi x'ayan yu'une.

Hebreos 7:26

Ti Jesús taje, ja' ti tsots sc'oplal ta xtun cu'untic ta Banquilal Palee, yu'un ja' jun ch'ul vinic. Mu'yuc c'usi chopol laj spas. Mu xco'olaj yo'nton jech c'u cha'al ti jsa'muliletique, yu'un x'ech' to cajal sc'oplal ta vinajel.