Levítico 1:13 - Bible in Tzotzil de Chamula

¹³ Va'i un, ti buch'u ta xac' ti chiq'uel ti chon bolome, tsots sc'oplal ta xich' sapbel lec ta vo' ti sbel xch'ute, xchi'uc ti yo'taque. Jech ti palee ta xchic' scotol ta sba ti altare, ti ja' jun chic'bil matanal ti jun yutsil smuil ta xich' ac'bel ti Diose.

Bible in Tzotzil de Chenalhó with Deuterocanon

¹³ Ts'acal ac'o sapbeic lec ta vo' li sbiquile xchi'uc li yacane. Li palee ac'o xchic' scotol te ta scajleb jmoton yu'un ja' chic'bil matanal ti lec mu yic' chc'ot ta jtojol, vu'un li Muc'ul Diosune.

Levítico 1:13 Iomraidhean Croise

Génesis 8:21

C'alal jun yutsil smuil c'ot ti matanal ta stojol ti Diose, xi laj yale: “J'ech'el xa, mu'yuc c'usi ta xcal ta soquesel ti banomil ta scoj smul ti vinique. Yu'un ta xch'iebal no'ox talel ti vinique, ja' no'ox ta snopilan ta spasel ti c'usi chopole. Ja' jech xtoc mi ja'uc xa ta jtubbe sts'unubal scotol ti chon bolometic jech c'u cha'al laj jpas avie.

2 Crónicas 4:6

Laj smeltsan xtoc lajunbej (10) c'anal taq'uin pila. Vo'bej (5) laj yac' ta stuq'uil bats'i c'ob. Vo'bej (5) laj yac' ta stuq'uil ts'et c'ob. Taj une, c'ot ta sventa sapobil scotol ti c'usi ta xich' chiq'uele. Ja'uc ti muc' ta pilae, c'ot ta yavil vo' sventa ta spoc sbaic ti paleetique.

Ezequiel 40:38

Oy jc'ol na xtoc, sti'nainoj sbaic xchi'uc ti coriol ti oy ta ochebale. Taj une, ti bu ta xich' poquel ti chon bolometic ta xich' chiq'uel ta sventa ti matanale.

Levítico 1:9

Ti buch'u ta xac' ta chiq'uel ti matanale, ac'o sapbe lec ta vo' ti sbiquile, xchi'uc ti yo'tac ti chon bolome. Jech ti palee ta xchic' scotol ta sba ti altare, ti ja' jun chic'bil matanale, ti jun yutsil smuil ta xich' ac'bel ti Diose.

Levítico 2:11

“Mu xavac'beic spajubtasobil mi junuc matanal ti ja' sat ts'unubil ti ta xavac'beic ti Diose. Ti yan xtoque, j'ech'eluc mi ja'uc c'usi jtosuc spajubtasobil, mi ja'uc ajapom xu' ta xich' chiq'uel ti ta xich' aq'uel ta sventa smoton ti Diose.

Levítico 2:2

Ts'acal to un, ac'o yich' talel ta stojol xnich'nab ti Aarón ti ja' paleetique. Ac'o stsac jopuc harina xchi'uc aceite junuc yu'unic jmoj xchi'uc ti pome. Ac'o xchic' ta sba ti altare, ti ja' jun matanal ti bejel ta o'ntonale, ti ta xc'ot ti jun yutsil smuil ti matanal ta xich' ac'bel ti Diose.

Levítico 3:5

Jech ti paleetique ta xchiq'uic scotol ta sba ti altar taje, jmoj xchi'uc ti chon bolom ti bu ta xtil ti si'e. Yu'un ja' jun chic'bil matanal ti jun yutsil smuil ta xich' ac'bel ti Diose.

Levítico 4:31

Ja' jech xtoc tsots sc'oplal ta sloq'uesbe scotol ti xepu'ale jech c'u cha'al laj yich' pasbel ti jcot chon bolom ti laj yich' aq'uel ta matanal ti laj yich' milel ta sventa ti lajesobil o'ntonale. Ta xchic' ta altar ti jun yutsil smuil ta xich' ac'bel ti Diose. Jech ti pale une ta sta ti ta xch'ay smul scolo' ti buch'u taje. Tub ti mulil colo'ile.

Levítico 6:14

“Xi s'elan ti bijubtasel ta sventa ti c'u s'elan ta xich' aq'uel ti matanal sat ts'unubaletique: Ti paleetique, ac'o yaq'uic ta stojol Dios ti tey ta altare.

Levítico 8:21

Laj taj une, laj sapbe ta vo' ti sbiquile xchi'uc yo' ti chije. Laj xchic' scotol ta altar ti ja' ti xchic'obil matanale, ti jun yutsil smuil ta xich' ac'bel ti Diose jech c'u cha'al yaloj mantal ti Diose.

Números 15:3

xu' ta xac'beicun jcotuc tot vacax, mi ja' jcotuc chij ti ta xich' svocol ta chiq'uel sventa quich'el ta muq'ue, ti jun yutsil smuil ta xich' chiq'uele, mi ja' ic'ot ta pasel ti oy c'usi yaloj ta xaq'ue, mi ja' ti c'usi loq'uem ayanem ta o'ntonal ta xich' aq'uel ta matanale, mi ja' ta sventa ti ta xtun ta jujun q'uine.

Números 15:4

Ti buch'u ta xac' ti matanale, ac'o yac'be ech'el xchi'il chibuc kilo t'ujbil harina ti vots'bil ta jun litro aceitee.

Números 28:11

“Ti sba c'ac'al yu'un ti sliqueb jujun ue, ta xavac'beic chic'bil matanal ti Diose, cha'cot ch'iom tot vacax, jcot tot chij, xchi'uc vuc-cot ch'iom tot chij ti yich'oj jun jabil ti mu'yuc jutebuc ti xchopolile.

Números 28:8

Ja'uc ti xcha'cotal chije, ta xich' svocol ta milel ta smalil to c'ac'al, xchi'uc ta xich' ac'bel sts'aquebtac ta matanal sat ts'unubal, xchi'uc ti matanal vinoe, co'ol jech c'u cha'al ti matanal ti laj yich' aq'uel ta sobe. Ti matanal taje, ja' jun muil matanal ti ta xich' chiq'uel ta sventa yich'el ta muc' ti Diose.

Deuteronomio 12:27

Ti bu taje, ta xavac' ta sba yaltar ti Ajvalil Dios avu'unic ti c'usi ta xachiq'uique. Ja'uc xch'ich'el ti chon bolometic ti ta xavaq'uique, malic ta sba yaltar ti Ajvalil Dios avu'unique. Ja'uc ti sbec'tale, xu' xati'ic.