Levítico 1:10 - Bible in Tzotzil de Chamula

¹⁰ “Mi ja' yu'un stuc ti chon bolom ta xich' chiq'uel ta matanale, mi ja' ti chije, mi ja' ti tentsune, tsots sc'oplal ti ja'uc me ti stote, ti mu'yuc jutebuc ti xchopolile.

Bible in Tzotzil de Chenalhó with Deuterocanon

¹⁰ “Me chij, o me tentsun chaq'uic sventa chixchic'bicun jmotonine, ja' ac'o yaq'uic li stot ti bu ven leque.

Levítico 1:10 Iomraidhean Croise

Génesis 4:4

Ja' jech xtoc ti Abele laj yich' batel ta smoton Dios ti sba yol xchij ti lec t'ujome. Va'i un, ti Abele lec ilat yu'un ti Diose, lec ilat ti matanal laj yaq'ue.

Génesis 8:20

Ts'acal to un, ti Noee lic xchapan jun altar ta sventa yich'el ta muc' ti Diose. Laj stsac talel jujucot ta jujutos ti lequil chon bolometique xchi'uc ti mutetique. Laj xchic' ta matanal ta sventa yich'el ta muc' ti Diose.

Éxodo 12:5

Jech ti chon bolometic ti ta xamilique, sc'an ti jun to no'ox jabil yich'oje, ti mu'yuc jutebuc xchopolile, ti mu'yuc xchamele. Xu' ta chij, mi ta tentsun, ipaluc ti mi ja' yuni tote.

Ezequiel 43:22

Ta yoc'omal une, ta xavac'be yich' svocol jcot ch'in tentsun ti mu'yuc xchopolal ta xtun ta sventa xch'ayobil ti mulile. Ti paleetique ta smes stusic ti altare jech c'u cha'al laj spasic xchi'uc ti ch'in tot vacax laj yaq'uique.

Levítico 14:10

Ta xvaxaquibal c'ac'al un, ta xich' talel cha'cotuc chij ti mu'yuc jutebuc xchopolile, xchi'uc jcotuc ch'in me' chij ti mu'yuc jutebuc xchopolil ti ja' yich'oj jun jabile. Ta xich' talel xtoc o'lol yucubal kilo lequil t'ujbil harina ti vots'bil ta aceitee, xchi'uc jch'ac ta oxch'ac ti jun litro aceitee.

Levítico 16:3

Yu'un ti c'alal mu to ta x'och batel ti Aarón ta Axibalnae, tsots sc'oplal ac'o yich' batel jcot tot ch'iom vacax ti ta xich' svocol ta scoj ti mulile, xchi'uc jcot tot chij ti ta xac' ta sventa ti ta xich' chiq'uele.

Levítico 16:5

“Ti c'u yepal ti israeletique ta xac'beic cha'cotuc tot tentsun ti Aarone, ti ta xich' svocol ta scoj ti mulile, xchi'uc jcot tot chij ti ta xich' chiq'uele.

Levítico 22:19

tsots sc'oplal ta xac' yuni tot ti chon bolom ti mu'yuc jutebuc xchopolile yo' jech tsacbil ich'bil ta xc'ot. Xu' ta xac' jcotuc tot vacax, mi jcotuc tot chij, mi ja' jcotuc tot tentsun.

Levítico 23:12

Ti sc'ac'alil ti ta xich' aq'uel ti jchuc ts'unubile, ja' o ta xac' xtoc jcot chij ti yich'oj jun jabile, ti mu'yuc xchopolile, ti ta xich' chiq'uel sventa yich'el ta muc' ti Diose.

Levítico 3:1

“Ti mi oy buch'u ta xac' ta matanal ta stojol Dios jcotuc me' vacax, mi tot vacax, ti ta xich' svocol ta sventa ti lajesobil o'ntonale, ti chon bolom ti ta xich' aq'uel ta matanale, tsots sc'oplal ti mu'yuc jutebuc ti xchopolile.

Levítico 4:23

C'alal ta xil ti ja' mulil ti c'usi laj spase, tsots sc'oplal ac'o yic' batel ta matanal jcotuc tot tentsun ti mu'yuc jutebuc ti xchopolile.

Levítico 4:3

“Mi ja' laj sta smul ti banquilal palee, ti ta sta ta maquiel yu'un ti jteclume, tsots sc'oplal ta xac' ta stojol Dios jcotuc ch'iom tot vacax ti mu'yuc jutebuc xchopolile, ti ta xich' milel ta scoj ti smul ti laj stae.

Levítico 5:15

“Ti buch'u mu'yuc xa'i sba c'uxi bat ti oy smul c'ote, ti ts'acal to vinaj ti ja' smul c'ot ta scoj ti mu'yuc xac' ti c'usi oy sc'oplal ti ja' yu'un ti Diose, ac'o yich' talel jcotuc sts'unub stot chij ti mu'yuc jutebuc c'usi xchopolile, ti ja' ta xich' svocol yu'un ta scoj ti smule. Ac'o yich' aq'uel ta stojol ti Diose. Ti stojol ti chij xtoque, ac'o yich' q'uelel c'u yepal plata taq'uin xtojolin o yu'un, ja' ti c'u s'elan liquem yu'unic ta ch'ulna ta sventa ti matanal yu'un ti mulile.

Levítico 9:2

Xi laj yalbe ya'i ti Aarone: “Tsaco talel jcotuc ti ch'iom tot vacax ti ta xich' milel ta scoj ti mulile, xchi'uc jcotuc tot chij ti mu'yuc jutebuc ti xchopolile, ti ta xich' aq'uel ta chiq'uele, ti ta xich' aq'uel xtoc ta stojol ti Diose.

Malaquías 1:14

Bac svocol xa'i o ti buch'u xac' xa ye yilel ti ta xac' jun lequil matanal chon bolom ti oy ta corral ti c'alal ja' ta xac' ti oy xchamele. Ti jech banquilal Ajvalilune, xi'tabilun yu'unic jlomuc ti muc'tiquil lumetique.” Ti va'i s'elan taje, ja' ta xal stuc ti Dios ti scotol xu' yu'une.

Números 15:5

Ja' jech xtoc ti c'usi ta xich' svocol ti albil sc'oplale, ac'o to yac'be ech'el xchi'il junuc litro vino ti jujucot ch'iom chije.

Números 19:2

“Ti vu'un Ajvalilune xichi ta xcalbot ti jmantale: Albo ya'iic ti israeletique ti ac'o yich'ic talel jcotuc tsajal me' vacax ti mu'yuc jutebuc ti xchopolile, ti mu bac'niuc xojbil ta sjol ti yabtejebe.

Números 6:14

Yu'un ta xac' ta stojol Dios jcot ch'in tot chij ti mu'yuc jutebuc ti xchopolile, ti jun yutsil smuil ta xich' chiq'uele. Ta xac' xtoc jcot me' chij ti mu'yuc jutebuc ti xchopolile, ti yich'oj xa jun jabile, ti ta xich' svocol ta scoj ti mulile. Ta xac' xtoc jcot to tot chij ti mu'yuc jutebuc ti xchopolile, ti ta xich' svocol ta sventa ti lajesobil o'ntonale.

San Juan 1:29

Ta yoc'omal un, laj yil ti Juan ti ta xnopaj talel ti Jesús ta stojol ti xi laj yale: —Q'uelo avilic le'e, ja' ti xch'iom chij Dios ti ta xch'aybe smul scolo' ti jnaclejetic ta banomile.

1 Pedro 1:19

Yu'un ja' ta sventa ta yutsil xch'ul ch'ich'el ti Cristo ti laj yich' aq'uel ta matanal jech c'u cha'al jcot uni chij ti mu'yuc yic'obale, ti mu'yuc jutebuc xchopolale.