Jueces 9:7 - Bible in Tzotzil de Chamula

⁷ C'alal laj ya'i ti Jotame, muy batel ta jol vits Guerizim, ti xi tsots avan talele yo' jech ta xa'iic scotolic: “¡A'yibeicun ava'iic lec, jnaclejetic ta Siquem! ¡Ja' jech ti Dios eque ta sts'etan sni' xchiquin ta atojolic!

Bible in Tzotzil de Chenalhó with Deuterocanon

⁷ C'alal laj ya'ay li Jotame, imuy ta jol vits Gerizim; te tsots lic avanuc, jech laj yal: “Viniquetic ta Siquem, a'yic lec c'usi chacalboxuc. Jech ac'o ya'iboxuc ac'opic ec li Diose.

Jueces 9:7 Iomraidhean Croise

Génesis 37:6

Yu'un xi lic yale: —A'yio ava'iic, ta jchap talel cuni vaich ti c'usi laj quile.

Proverbios 21:13

Ti buch'u mu xa'ibe sc'op ti me'un mu'nat c'alal xvocolete, mi ja'uc ta x'a'yibat sc'op ec ti c'alal xvocolete.

Proverbios 28:9

Mi oy buch'u mu xc'ot ta pasel yu'un ti oy c'usi jbel tsots albil yu'un ti Diose, mu stsacbat sc'op yu'un Dios ti ta xc'opoj xti'ine.

Isaías 1:15

“C'alal xnubulet avoc ac'obic ta xac'opoj ta xati'inique, ta jq'uej batel ti jsat ta atojolique. Ac'o mi jal ta j'ech'el ta xac'opoj ta xati'inique, mi ja'uc ta jchiquintaboxuc, yu'un balom ch'ich' ti ac'obic ta scoj ti amilvanejalique.

San Juan 4:20

Ti jmolmuc'totcutic ti vu'uncutic samariauncutique, li' ta vits laj yich'ic ta muc' ti Diose. Ja'uc ti vo'oxuc israeloxuque, ta xavalic ti sc'an c'alal to Jerusalén ta xbat avich'ic ta muc' ti Diose.

Deuteronomio 11:29

“C'alal mi laj xa apojic ti lum ti bu ta xa'ochic batel yu'un ti Ajvalil Dios avu'unique, ti c'uxubinele, ta xavalbeic ech'el sc'oplal ta stuq'uil muc' ta vits yu'un Guerizim. Ja'uc ti bac vocolale, ta xavalbeic ech'el sc'oplal ta stuq'uil muc' ta vits yu'un Ebal.

Deuteronomio 11:30

Ti muc'tiquil vits taje, oy ta jot uc'um Jordán ta stuq'uil batel ti bu ta x'ech' ti be ti ta xbat ta smaleb c'ac'al ta yosilal ti cananeoetic ti nacalic ta stenlejal ti ta yeloval Gilgale, ta sts'el xtoc ti tulantic yu'un ti Moree.

Deuteronomio 27:12

“C'alal mi ech' xa atuch'ic ti uc'um Jordane, snitilultac ti Simeone, ti Levie, ti Judae, ti Isacare, ti Josee, xchi'uc ti Benjamine, sva'anoj sbaic sq'uelojic ech'el yeloval vits Guerizim ti c'alal ta xich' ac'bel slequilal yutsilal ti jteclume.

Santiago 2:13

Yu'un ti buch'u mu xc'uxubin ti yane, j'ech'el mi ja'uc oy xc'uxubinel ti c'alal ta xich' chapanele. Yan ti buch'u laj xc'uxubin ti yane, mu'yuc c'usi ta xal yo'nton c'alal ta x'ich'bat ti yee.

Josué 8:33

Va'i un, scotol ti jteclume, jech c'u cha'al snitilultac ti Israele, jech c'u cha'al ti jyanlumetique, xchi'uc scotol ti moletique, ti j'opisialetique, ti jchapanvanejetique, bat svol sbaic ta sts'el xcaxail strate ti Diose, ta yeloval ti bu oyic ti pale levitaetique. Scajanojic batel ta snequebic ti caxae. Ta sventa ti lequilal ta xich'ic ti jteclum Israele, ti jvoq'ue sq'uelojic batel ti yeloval vits Guerizime. Ti jvoc' xtoque sq'uelojic batel ti yeloval vits Ebale jech c'u cha'al laj yal mantal ta sliquebal talel ti Moisese, ja' ti yajtunel ti Diose.

Jueces 9:6

Ts'acal to un, scotol ti jnaclejetic ta Siqueme xchi'uc ti Bet-miloe, jmoj bat stsob sbaic ta tsoblej ta sts'el tulan ti bu oy ti ch'ul ton ta Siqueme, ti lic sva'anic ta ajvalil yu'unic ti Abimeleque.

Jueces 9:8

“Oy bu jun velta, ti te'etique ta sc'anic ti oyuc ajvalil yu'unique. Laj sc'anbeic ti c'otuc ta ajvalil yu'unic ti Olivo te'e.