Jueces 9:5 - Bible in Tzotzil de Chamula

⁵ c'otic ta Ofra ti bu to ox naqui ti Jerobaal ti ja' stote. Ta jbej no'ox ba ton laj smil scotol ti lajuneb xchanvinic (70) ta vo' xchi'iltac ta voq'uele. Ja' xa no'ox col ti Jotam ti cuch yu'un ta snaq'uel sbae, ti ja' xa xc'ox nich'on ti Jerobaale.

Bible in Tzotzil de Chenalhó with Deuterocanon

⁵ Li Abimeleque la xchi'inic batel ta Ofra; ja' te yo' bu to'ox nacal li stote, ja' li Jerobaale. Ta sc'al jbej muc'ta ton la smilic li lajuneb xchanvinic (70) xchi'iltac ta voq'uel Abimeleque. Ja' xa no'ox ivu' to yu'un la snac' sba li Jotam, ja' li xc'ox nich'on Jerobaale.

Jueces 9:5 Iomraidhean Croise

1 Reyes 1:12

La' ma' ach'a cha'e, yu'un ta xajbijubtasot yo' jech mu xtub acuxlejal xchi'uc ti aquerem Salomone.

1 Reyes 1:21

Yan ti mi mu jechuque, yu'un mi cham ti Jcuch abtele, jech ti vu'un xchi'uc ti jquerem ole chapal xa sc'oplal ta xquich'cutic milel.

2 Reyes 10:17

C'alal och ech'el ta jteclum Samaria ti Jehue, laj smil scotol ti snitilultac ti Acab ti cuxul to ox comique. Laj stsutsesbe sc'oplal ta j'ech'el jech c'u cha'al caj'albil yu'un Dios ti Eliase.

2 Reyes 10:7

C'alal laj yich'ic ti ts'ibabil vune, laj stsobic talel ti lajuneb xchanvinic (70) ta vo' queremetique, laj smilic. Ta jech yepal laj stic'beic ech'el sjol ta jun chib moch ti laj staquic batel c'alal Jezreel.

2 Reyes 11:3

Ti Joase, vaquib (6) jabil xnaq'uet xchi'uc ti jts'itesvanej yu'un ta xch'ulna ti Diose. Ja'uc ti Atalía une lic spas mantal ti ta jteclume.

2 Crónicas 21:4

C'alal stsacoj xa lec yip ti chotol xa ta spasob mantal ti stote, lic smil ta espada scotol ti xchi'iltac ta voq'uele, xchi'uc jayibuc banquilal jtsobvanej yu'un ti Israele.

San Mateo 2:16

C'alal laj yil ti Herodes ti laj ta lo'lael yu'un ti bijil viniquetique, icap sjol, laj yal mantal ti yich'uc milel scotol ti uni queremetic ti mu to ta sta chib jabile xchi'uc ti yich'ojic xa chib jabil ti oyic ta jteclum Belene xchi'uc ti c'u yepal joyol ta spat xocone. Ja' ba sco'oltas talel ti ajvalil Herodese ti c'usi ora laj yalic ti bijil viniquetique.

San Mateo 2:20

—Lican, batan, ic'o batel ti olol xchi'uc ti sme'e. Sutanic batel ta slumal Israel, yu'un ti buch'u ta smilic ya'i ti olole chamic xa.

Jueces 6:11

Va'i un, vul ta loq'uel yaj'ánjel ti Diose. Vul chotluc ta yolon tulan ti oy ta Ofrae, yu'un ti Joás snitilul ti Abiezere. Ja'uc ti Gedeone, xnich'on ti Joase, ta nac'al ta sjic'a strigo ta yavil ti bu ta xich' pits'el ti uva sventa ti vinoe, yo' jech mu x'ile yu'un ti madianitaetique.

Jueces 6:24

Va'i un, ti Gedeone lic smeltsan jun altar ti bu taje, sventa yich'obil ta muc' ti Diose, ti laj yac'be sbiin “Ti Diose, ja' jlamajesej c'op”. Avi tana ti altar taje, yoquel to xvinaj ta Ofra ta steclumal snitilultac ti Abiezere.

Jueces 8:30

Laj yilbe sat lajuneb xchanvinic (70) ta vo' xnich'nab, yu'un mu albajuc yepal ti yajniltaque.

Jueces 9:18

Ja'uc ti vo'oxuc une laliquic ta scontrainel xnich'nab ti jtote, ti ta jbej no'ox ba ton laj amilic scotol ti lajuneb xchanvinic (70) ta vo' ti xnich'nabe. Mu no'ox jutucuc ti c'usi ta xapasique. Yu'un laj xa ava'anic ta ajvalil ti Abimeleque, xnich'on ta yan yajnil ti Jerobaal ta sventa ti avuts' avalal abaique.

Jueces 9:2

—Ta sventa ti mu yanucotique, ta jc'anboxuc vocol ta atojolic ti albeic ya'i ti jnaclejetic ta Siqueme, ti ja' lec ti jun no'ox vinic ti c'otuc ta ajvalil yu'unique. Altic no'ox ti c'otem ta ajvalil yu'unic ti lajuneb xchanvinic (70) ta vo' xnich'nab ti Jerobaale.

Jueces 9:6

Ts'acal to un, scotol ti jnaclejetic ta Siqueme xchi'uc ti Bet-miloe, jmoj bat stsob sbaic ta tsoblej ta sts'el tulan ti bu oy ti ch'ul ton ta Siqueme, ti lic sva'anic ta ajvalil yu'unic ti Abimeleque.